ວັນທີ 19 ກໍລະກົດ 2023 ພະນັກງານຄະນະໂຄສະນາອົບຮົມນະຄອນຫຼວງ ວຽງຈັນ ພ້ອມດ້ວຍຄະນະໂຄສະນາອົບຮົມເມືອງໄຊເສດຖາ ສີສັດຕະນາກ ແລະ ເມືອງສີໂຄດຕະບອງ ນໍາໂດຍ ທ່ານ ສະເດັດດາ ສີອຳພອນ ຮອງຫົວ ໜ້າຄະນະໂຄສະນາອົບຮົມນະຄອນຫຼວງວຽງຈັນ ໄດ້ໄປທັດສະນະສຶກສາຢ້ຽມ ຊົມອະນຸ ສອນສະຖານປະທານ ສຸພານຸວົງ ຕັ້ງຢູ່ຖະໜົນໄກສອນ ພົມວິຫານ ບ້ານໂພນສະອາດ ເມືອງໄຊເສດຖາ ນວ ເນື່ອງໃນໂອກາດວັນເກີດປະທານ ສຸພານຸວົງ ຄົບຮອບ 114 ປີ (13/7/1909-13/7/2023).
ການໄປທັດສະນະສຶກສາຄັ້ງນີ້ໄດ້ຮັບຟັງການບັນລະຍາຍກ່ຽວກັບການເຄື່ອນໄຫວ ແລະ ຜົນງານອັນໃຫຍ່ຫຼວງຂອງ ປະທານ ສຸພານຸວົງ ໃນພາລະກິດ ປະຕິວັດຈາກພະນັກງານຜູ້ຮັບຜິດຊອບຢູ່ອະນຸສອນສະ ຖານປະທານ ສຸພາ ນຸວົງ ເຊິ່ງເຫັນວ່າ ປະທານ ສຸພານຸວົງ ເກີດເມື່ອວັນທີ 13 ກໍລະກົດ 1909 ທີ່ ແຂວງຫຼວງພະບາງ ແລະ ເສຍຊີວິດວັນທີ 9 ມັງກອນ 1995 ແຕ່ເພື່ອຈາ ລຶກເຖິງຄຸນງາມຄວາມດີ ແລະ ຜົນງານອັນໃຫຍ່ຫຼວງຂອງເພີ່ນໃຫ້ຍືນຍົງ ຄຽງຄູ່ຊາດລາວຕະຫຼອດໄປ ກົມການເມືອງສູນກາງພັກໄດ້ມີມະຕິຕົກລົງສະ ບັບລົງວັນທີ 14/4/2005 ວ່າດ້ວຍການສ້າງ ແລະ ອະນຸລັກຮັກສາເຂດອະນຸ ສອນສະຖານປະທານ ສຸພານຸວົງ ໃຫ້ກາຍເປັນໜຶ່ງໃນບັນດາສະຖານທີ່ທ່ອງ ທ່ຽວປະຫວັດສາດ-ວັດທະນະທຳ ຈາລຶກຄຸນງາມຄວາມ ດີ ແລະ ຜົນງານອັນ ໃຫຍ່ຫຼວງຂອງຜູ້ນຳປະຕິວັດທີ່ເຄົາລົບຮັກ ກາຍເປັນສະຖາບັນແຫ່ງການ ສຶກສາອົບຮົມໃນອະນຸຊົນຄົນຮຸ່ນສືບທອດສຶກສາຄົ້ນຄວ້າຮໍ່າຮຽນເອົາ ແບບຢ່າງຄຸນສົມບັດສິນທຳປະຕິວັດທີ່ລໍ້າເລີດ ແບບ ແຜນວິຖີຊີວິດທີ່ລຽບ ງ່າຍ ປອດໃສຂາວສະອາດ ແບບແຜນວິທີເຮັດວຽກທີ່ວິທະຍາສາດ ແລະ ແບບແຜນຊີ້ນໍາ-ນໍາພາທີ່ສະຫຼາດສ່ອງໃສຂອງປະທານ ສຸພານຸວົງ ຜູ້ນຳ ແສນເຄົາລົບຮັກຂອງປວງຊົນລາວທັງຊາດ.
ໃນວັນດຽວກັນນີ້ຍັງມີຫຼາຍພາກສ່ວນຈາກອົງການຈັດຕັ້ງພັກ-ລັດ ແລະ ອົງການຈັດຕັ້ງມະຫາຊົນກໍໄດ້ເຂົ້າທັດສະນະສຶກສາຢ້ຽມຢາມເບິ່ງຜົນງານການເຄື່ອນໄຫວຂອງປະທານ ສຸພານຸວົງ ຢູ່ອະນຸສອນສະຖານປະ ທານ ສຸພານຸ ວົງ ເນື່ອງໃນໂອກາດວັນເກີດຂອງເພີ່ນ ຄົບຮອບ 114 ປີ ເຊັ່ນດຽວກັນເປັນ ຕົ້ນການນໍາເມືອງຈັນທະບູລີ ຊາວໜຸ່ມ ນວ ຊາວໜຸ່ມກອງບັນຊາການ ປກ ສ ນວ ແລະ ຊາວໜຸ່ມກອງບັນຊາການທະຫານ ນວ.
