ຕາມຂ່າວຈາກວິທະຍຸສາກົນຫວຽດນາມ ສະພາຄວາມໝັ້ນຄົງສະຫະປະຊາຊາດ (ສປຊ) ຈັດກອງປະຊຸມປຶກສາຫາລື ກ່ຽວກັບປັນຍາປະດິດ (AI) ຄັ້ງທຳອິດຢ່າງເປັນທາງການຢູ່ນະຄອນຫລວງນິວຢອກ ຂອງສ.ອາເມລິກາ ໃນວັນທີ 18 ກໍລະກົດນີ້ພາຍໃຕ້ການເປັນປະທານຂອງທ່ານ James Cleverly, ລັດຖະມົນຕີການຕ່າງປະເທດອັງກິດ ຫລັງຈາກພວມດຳເນີນ ໜ້າທີ່ເປັນປະທານໝູນວຽນຂອງສະພາຄວາມໝັ້ນຄົງ ສປຊ.
ອັງກິດ ພວມຊອກຫາບົດບາດນຳພາທົ່ວໂລກໃນການປະກາດ ໃຊ້ບັນດາ ຂໍ້ກຳນົດ ຄຸ້ມຄອງ AI ແລະ ໄດ້ຮຽກຮ້ອງ ດຳເນີນການ ເຈລະຈາ ສາກົນ ກ່ຽວກັບ ຜົນກະທົບ ຂອງ AI ທີ່ມີຕໍ່ ສັນຕິພາບ ແລະ ຄວາມໝັ້ນຄົງທົ່ວໂລກ. ຂະນະທີ່ຫລາຍປະເທດທົ່ວໂລກ ພວມພິຈາລະນາວິທີການຫລຸດຜ່ອນ ຄວາມສ່ຽງ ຂອງເຕັກ ໂນໂລຢີ AI ລຸ້ນໃໝ່, ເຊິ່ງອາດ ຈະເປັນ ປັດໄຈ ກຳນົດຄືນ ພື້ນຖານ ເສດຖະກິດ ທົ່ວໂລກ ແລະ ປ່ຽນແປງ ສະພາບການ ຄວາມໝັ້ນຄົງ ສາກົນ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
