ການດໍາເນີນກອງປະຊຸມສະໄຫມສາມັນເທື່ອທີ 5 ຂອງສະພາແຫ່ງຊາດຊຸດທີ9 ໃນຕອນເຊົ້າ ວັນທີ 17 ກໍລະກົດ 2023 ຢູ່ຫໍສະພາແຫ່ງຊາດນະຄອນຫລວງວຽຈັນ ພາຍໃຕ້ການເປັນປະທານຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ສະມາຊິກສະພາແຫ່ງຊາດເເຕ່ລະເຂດເລືອກຕັ້ງໄດ້ລົງຄະນະເເນນສຽງຮັບຮອງເອົາບັນດາຮ່າງກົດຫມາຍຈໍານວນ 10 ສະບັບ ໃນນີ້ກົດຫມາຍສ້າງຂື້ນໃຫມ່ປະກອບມີ 4 ສະບັບຄື: ຮ່າງກົດໝາຍວ່າດ້ວຍ ວຽກງານສາທາລະນະສຸກ,ຮ່າງກົດໝາຍວ່າດ້ວຍ ການຈັດຫາງານ,ກົດໝາຍວ່າດ້ວຍ ອາກອນທີ່ດິນ ເເລະ ຮ່າງກົດໝາຍວ່າດ້ວຍ ເຍົາວະຊົນລາວ,ສ່ວນກົດຫມາຍສະບັບປັບປຸງ 6 ສະບັບປະກອບມີ: ກົດໝາຍວ່າດ້ວຍ ທະນາຄານທຸລະກິດ,ກົດໝາຍວ່າດ້ວຍ ສັດນໍ້າ ແລະ ການປະມົງ,ກົດໝາຍວ່າດ້ວຍ ສັດປ່າ,ກົດໝາຍວ່າດ້ວຍ ການພິມຈໍາໜ່າຍ,ກົດໝາຍວ່າດ້ວຍ ການປົກປ້ອງສິດ ແລະ ຜົນປະໂຫຍດຂອງເດັກ,ກົດໝາຍວ່າດ້ວຍ ສານທະຫານ,ເຊີ່ງກ່ອນຫນ້າທີ່ສະມາຊິກສະພາແຫ່ງຊາດຈະຮັບຮອງເອົາຮ່າງກົດຫມາຍເເຕ່ລະສະບັບນັ້ນ ໄດ້ຮັບຟັງການອະທິບາຍຊີ້ເເຈງເພີ່ມຕື່ມຈາກພາກສ່ວນຮັບຜິດຊອບຮ່າງກົດຫມາຍທີ່ເຫັນວ່າ ມີຄວາມສົນໃຈ ໂດຍເລີ່ມຈາກ ທ່ານ ພູທະນູເພັດ ໄຊສົມບັດ ຮອງລັດຖະມົນຕີກະຊວງການເງີນ ໄດ້ອະທິບາຍເພີ່ມຕື່ມກ່ຽວກັບ ເຫດຜົນຄວາມຈໍາເປັນຂອງການສ້າງຮ່າງກົດຫມາຍວ່າດ້ວຍອາກອນທີ່ດີນສະບັບສ້າງໃຫມ່ໃນຫລາຍມາດຕາ ກວມເອົາ 73 ເນື້ອໃນເຫັນວ່າມີຄວາມສໍາຄັນຫລາຍເພື່ອເຮັດໃຫ້ຮ່າງກົດຫມາຍສະບັບນີ້ມີເນື້ອຄົບຖ້ວນຫລາຍຂື້ນ,ໃນນີ້ສະເພາະການປັບປຸງໃນມາດຕາທີ1ກ່ຽວກັບຈຸດປະສົງ,ລວມເຖີງມາດຕາອື່ນໆ.
ຫລັງຈາກນັ້ນ ທ່ານ ນວນທອງ ສຸວັນມີໄຊ ຮອງເລຂາຄະນະບໍລິຫານງານສູນກາງຊາວຫມຸ່ມປະຊາຊົນປະຕິບັດລາວ ໄດ້ຂື້ນຊີ້ເເຈງອະທິບາຍຄືນກ່ຽວກັບຈຸດປະສົງຂອງການປັບປຸງກົດຫມາຍວ່າດ້ວຍເຍົາວະຊົນ ໃນຫລາຍເນື້ອໃນໂດຍສະເພາະໂຄງປະກອບເເລະການຂຽນຊື່ຂອງກົດຫມາຍ ເພື່ອເຮັດໃຫ້ສະມາຊິກສະພາແຫ່ງຊາດມີຄວາມເຂົ້າໃຈ ລວມເຖິງເນື້ອໃນປີ່ນອ້ອມຈໍານວນຫນື່ງ.
ໂອກາດດຽວກັນ ທ່ານ ພົງໄຊສັກ ອີນຖາລາດ ຮອງລັດຖະມົນຕີກະຊວງເເຮງງານເເລະສະຫວັດດີການສັງຄົມ ໄດ້ອະທິບາຍຊີ້ເເຈງຄືນການປັບປຸງຮ່າງກົດຫມາຍວ່າດ້ວຍການຈັດຫາງານໃນຫລາຍມາດຕາເຊັ່ນດຽວກັນ
ນອກຈາກນີ້ສະມາຊິກສະພາແຫ່ງຊາດເເຕ່ລະເຂດເລືອກຕັ້ງໄດ້ໄດ້ຮັບຟັງການອະທິບາຍຄືນກ່ຽວກັບການສ້າງ ເເລະ ປັບປຸງຮ່າງກົດຫມາຍວ່າດ້ວຍວຽກງານສາທາຈາກລັດຖະມັນຕີກະຊວງສາທາລະນະສຸກ,ກົດຫມາຍວ່າດ້ວຍທະນາຄານທຸລະກິດ ຈາກຜູ້ວ່າການທະນາຄານເເຫ່ງສປປລາວ ເເລະ ຮ່າງກົດຫມາຍວ່າດ້ວຍສານທະຫານ
ພາຍຫລັງສະມາຊິກສະພາແຫ່ງຊາດເເຕ່ລະເຂດເລືອກຕັ້ງໄດ້ຮັບຟັງການຊີ້ເເຈງອະທິບາຍຄືນກ່ຽວກັບການສ້າງເເລະປັບປຸງຮ່າງກົດຫມາຍຕ່າງໆຈາກພາກສ່ວນຮັບຜິດຊອບຮ່າງກົດຫມາຍໄດ້ປະກອບຄໍາເຫັນເພີ່ມຕື່ມໃສ່ເນື້ອໃນຂອງບາງຮ່າງກົດຫມາຍ ຫລັງຈາກນັ້ນ ທ່ານໄຊສົມພອນ ພົມວິຫານ ປະທານສະພາແຫ່ງຊາດໃນນາມປະທານກອງປະຊຸມ ໄດ້ມີຄໍາເຫັນສະຫລຸບສັງລວມການປະກອບຄໍາເຫັນພ້ອມທັງສະເຫນີໃຫ້ສະມາຊິກສະພາແຫ່ງຊາດເເຕ່ລະເຂດເລືອກຕັ້ງລົງຄະເເນນສຽງຮັບຮອງເອົາຮ່າງກົດຫມາຍວ່າອາກອນທີ່ດີນສະບັບສ້າງໃຫມ່, ກົດຫມາຍວ່າດ້ວຍເຍົາວະຊົນລາວສະບັບສ້າງໃຫມ່,ກົດຫມາຍວ່າດ້ວຍການຈັດຫາງານສະບັບສ້າງຂື້ນໃຫມ່, ກົດຫມາຍວ່າດ້ວຍ ເເລະ ກົດຫມາຍວ່າດ້ວຍວຽກງານສາທາລະນະສຸກ ເເລະ ກົດຫມາຍວ່າດ້ວຍທະນາຄານທຸລະກິດ ເເລະ ກົດຫມາຍວ່າດ້ວຍສາທະຫານ ດ້ວຍຄະເເນນສຽງເຫັນດີເປັນສ່ວນຫລາຍ. ສໍາລັບການດໍາເນິນກອງປະຊຸມສະໄຫມສາມັນເທື່ອທີ່ 5 ຂອງສະພາແຫ່ງຊາດຊຸດທີ9ໃນຕອນບ່າຍມື້ນີ້ ສະມາຊິກສະພາແຫ່ງຊາດເເຕ່ລະເຂດເລືອກຕັ້ງຈະສືບຕໍ່ລົງຄະເເນນສຽງຮັບຮອງເອົາຮ່າງກົດຫມາຍຕື່ມອີກຈໍານວນ 4 ສະບັບ.
