ວັນທີ 17 ກໍລະກົດ 2023 ຄະນະໂຄສະນາອົບຮົມ ເມືອງໄຊເສດຖາ ນະຄອນ ຫຼວງວຽງຈັນ ນໍາພາຄະນະສະຫະພັນແມ່ຍິງ ແລະ ຫ້ອງການທົ່ວເມືອງໄຊ ເສດຖາທັດສະນະສຶກສາຢູ່ອະນຸສອນສະຖານປະທານສຸພານຸວົງ ເນື່ອງໃນ ໂອກາດວັນຄ້າຍວັນເກີດຂອງປະ ທານສຸພານຸວົງ ຄົບຮອບ 114 ປີ ມີຈິດ ຕະພອນ ອັກຄະວົງ ຫົວໜ້າຄະນະໂຄສະນາອົບຮົມເມືອງໄຊເສດຖາ ນະ ຄອນຫຼວງວຽງຈັນ ແລະ ສະຫະພັນແມ່ຍິງບ້ານເຂົ້າຮ່ວມຫຼາຍກວ່າ 100 ທ່ານ.
ການທັດສະນາຄັ້ງນີ້ ທ່ານ ຈິດຕະພອນ ອັກຄະວົງ ໄດ້ນໍາພາຄະນະສະຫະ ພັນແມ່ຍິງ ແລະ ຫ້ອງການທົ່ວເມືອງໄຊເສດຖາ ວາງກະຕ່າດອກໄມ້ຕໍ່ຮູບ ປັ້ນຫຼໍ່ປະທານ ສຸພານຸວົງ ເພື່ອຂໍພອນອັນປະເສີດ ແລະ ສະແດງຄວາມກະ ຕັນຍູ້ ຮູ້ບຸນຄຸນຢ່າງສຸດຊຶ້ງຕໍ່ຄວາມເສຍສະຫຼະຄຸນງາມຄວາມດີ ແລະ ຜົນ ງານອັນໃຫຍ່ຫຼວງທີ່ທ່ານປະທານໄດ້ອຸທິດຕະຫຼອດຊີວິດຕົນເພື່ອພາລະກິດ ຕໍ່ສູ້ປົດປ່ອຍຊາດ ພາລະກິດປົກປັກຮັກສາ ແລະ ສ້າງສາພັດທະນາປະເທດ ຊາດ ຕາມພາລະກິດປ່ຽນແປງໃໝ່ຢ່າງຮອບດ້ານ ມີຫຼັກການຂອງພັກເຮົາ ແລະ ຕາມທິດສັງຄົມນິຍົມຢ່າງມີໄຊ ນອກນັ້ນກໍ່ໄດ້ຢ້ຽມຊົມຮູບພາບການ ເຄື່ອນໄຫວ ແລະ ການດໍາລົງຊີວິດຊອງທ່ານປະທານສຸພານຸວົງຕື່ມອີກ.
ປະທານ ສຸພານຸວົງ ແມ່ນໜຶ່ງໃນບັນດາໄວໜຸ່ມລາວທີ່ມີຈິດໃຈຊາດສູງສົ່ງ ພັດທະນາຕົນຈົນ ກາຍເປັນປັນຍາຊົນຜູ້ຍິ່ງໃຫຍ່ ເປັນເຊື້ອເຈົ້າຜູ້ທີ່ມີນໍ້າ ໃຈຮັກຊາດຢ່າງດູດດື່ມ ທ່ານໄດ້ເອົາຊີວິດຕົນຕິດພັນກັບຂະບວນການຕໍ່ ສູ້ປະຕິວັດຂອງປະຊາຊົນລາວມາແຕ່ຫົວທີ ປະທານ ສຸພານຸວົງ ໄດ້ເລີ່ມຈາກ ນັກຮັກຊາດທີ່ແທ້ຈິງກາຍເປັນນັກຮົບປະຕິວັດທີ່ກ້າແກ່ນ ເປັນຜູ້ກໍ່ຕັ້ງອົງ ການແນວໂຮມເອກະພາບແຫ່ງຊາດ ກາຍເປັນຄັນທຸງແຫ່ງສັນຍາລັກມະ ຫາສາມັກຄີຂອງປະຊາຊົນລາວບັນດາເຜົ່າ ເປັນລູກຮັກຜູ້ປະເສີດ ເປັນ ໜຶ່ງໃນບັນດາຜູ້ນຳທີ່ດີເດັ່ນ ແລະ ແສນເຄົາລົບຮັກຂອງປວງຊົນລາວ ທັງຊາດ.
