ພາຍຫຼັງໄດ້ດໍາເນີນ ມາແຕ່ເຊົ້າວັນທີ 12 ກໍລະກົດ ມາຮອດຕອນບ່າຍ ວັນທີ 13 ກໍລະກົດ 2023 ກອງປະຊຸມຄົບຄະນະກາງສະໄໝ ຂອງຄະນະບໍລິຫານງານພັກ ຫ້ອງວ່າການສຳນັກງານນາຍົກລັດຖະ ມົນຕີ (ຫສນຍ) ສະໄໝທີ V ກໍ່ໄດ້ອັດລົງດ້ວຍຜົນສໍາເລັດຢ່າງຈົບງາມ ໂດຍໃຫ້ກຽດເຂົ້າຮ່ວມໂອ້ລົມຕໍ່ກອງປະຊຸມຂອງສະຫາຍ ກິແກ້ວ ໄຂຄໍາພິທູນ ກໍາມະການກົມການ ເມືອງສູນກາງພັກ, ຮອງນາຍົກລັດຖະມົນຕີ; ມີສະຫາຍ ອາລຸນໄຊ ສູນນະລາດ, ກໍາມະການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ, ຫົວໜ້າ ຫສນຍ, ບັນດາສະຫາຍຄະນະບໍລິຫານງານພັກ ພ້ອມດ້ວຍສະມາຊິກພັກ, ພະນັກງານ ທີ່ມີຕໍາແໜ່ງບໍລິຫານ ຂັ້ນຮອງຫົວໜ້າພະແນກຂຶ້ນໄປ ເຂົ້າຮ່ວມຮັບຟັງການໂອ້ລົມ.
ໃນວາລະກອງປະຊຸມ ສະຫາຍ ຄໍາລາວັນ ຈັນທະລາວັນ ຮອງເລຂາຄະນະບໍລິຫານງານພັກ, ຮອງລັດຖະມົນຕີ, ຮອງຫົວໜ້າ ຫສນຍ ໄດ້ລາຍງານຜົນການດໍາເນີນຊີວິດການເມືອງພາຍໃນ ຄະນະບໍລິຫານງານພັກ ໃນແຕ່ລະບາດກ້າວ ລວມເຖິງຜົນການທາບທາມຄວາມໄວ້ວາງໃຈ ຕໍ່ການນໍາພາລວມ ແລະ ບຸກຄົນ ຄະນະບໍລິຫານງານພັກ ຫສນຍ ເຊິ່ງເຫັນໄດ້ວ່າ ບັນດາສະຫາຍຄະນະບໍລິຫານງານພັກ ຍັງສືບຕໍ່ໄດ້ຮັບຄວາມໄວ້ວາງໃຈ ຈາກບັນດາສະມາຊິກພັກ ແລະ ຈັດຢູ່ໃນປະເພດແຂງ.
ໃນໂອກາດນີ້ ສະຫາຍ ກິແກ້ວ ໄຂຄໍາພິທູນ ກໍ່ຕີລາຄາສູງຕໍ່ຜົນງານ ທີ່ຄະນະພັກ-ຄະນະນຳ ຫສນຍ ຍາດມາໄດ້ ຈາກການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ V ຂອງອົງຄະນະພັກ. ເຖິງແມ່ນວ່າ ຕະຫຼອດໄລຍະ 2 ປີເຄິ່ງຜ່ານມາ ສະພາບສາກົນ, ພາກພື້ນ ແລະ ພາຍໃນປະເທດ ຈະປະເຊີນໜ້າອຸປະສັກ ແລະ ສິ່ງທ້າທາຍທີ່ໃຫຍ່ຫຼວງຫຼາຍປະການ ໂດຍສະເພາະ ຄວາມຫຍຸ້ງຍາກທາງດ້ານເສດຖະກິດ-ການເງິນ ຜົນກະທົບຈາກການແຜ່ລະບາດພະຍາດໂຄວິດ-19, ໄພພິບັດທາງທໍາມະຊາດ ແລະ ການລະບາດຂອງພະຍາດຕ່າງໆ ແຕ່ດ້ວຍຄວາມເອົາໃຈໃສ່ນໍາພາຊີ້ນໍາຂອງບັນດາສະຫາຍຄະນະພັກ ທີ່ໄດ້ຕັ້ງໜ້ານຳພາຊຸກຍູ້ ແຕ່ລະພາກສ່ວນສ້າງຂະບວນການຜັນຂະຫຍາຍດ້ວຍການຫັນເປັນແຜນງານ, ໂຄງການອັນລະອຽດ; ໄດ້ປັບປຸງແບບແຜນວິທີເຮັດວຽກ ຕາມທິດ 3 ຫັນ ຂອງ ຫສນຍ, ຄວາມສາມັກຄີພາຍໃນຖັນແຖວສະມາຊິກພັກ, ພະນັກງານ ໄດ້ຮັບການປັບປຸງດີຂຶ້ນ; ປະຕິບັດນະໂຍບາຍຕ່າງໆ ຕໍ່ສະມາຊິກ-ພະນັກງານຢ່າງສອດຄ່ອງ ແລະ ສົມເຫດສົມຜົນ; ສຸມໃສ່ນຳພາຊີ້ນຳ ການປະຕິບັດວຽກງານວິຊາສະເພາະ ກໍຄືໜ້າທີ່ການເມືອງທີ່ຖືກມອບໝາຍ ແລະ ອື່ນໆ ດ້ວຍຄວາມເປັນເຈົ້າການ. ຍ້ອນແນວນັ້ນ ຈຶ່ງເຮັດໃຫ້ບັນດາອົງການຈັດຕັ້ງພັກ, ລັດ ແລະ ມະຫາຊົນຂອງ ຫສນຍ ມີຄວາມໜັກແໜ້ນ ເຂັ້ມແຂງ ແລະ ມີຄວາມສະຫງົບ, ສະມາຊິກພັກ-ພະນັກງານ ມີຄວາມຕັ້ງໜ້າກະຕືລືລົ້ນ ແລະ ຫ້າວຫັນໃນການປະຕິບັດໜ້າທີ່ການເມືອງ ກໍຄືໜ້າທີ່ວິຊາສະເພາະຂອງຕົນ ສາມາດຍາດໄດ້ຮັບຜົນສຳເລັດ ເປັນຢ່າງດີ.
ຄຽງຄູ່ກັບຜົນສໍາເລັດທີ່ຍາດມາໄດ້ນັ້ນ ເມື່ອທຽບກັບການເລັ່ງທວງຂອງສະພາບການໃໝ່, ໃນສະພາບແວດລ້ອມໃໝ່ເຫັນວ່າ ມີຫຼາຍດ້ານທີ່ຕ້ອງໄດ້ບຸກບືນສູ້ຊົນ ດ້ວຍຈິດໃຈບຸກທະລຸ ເພື່ອເປັນພື້ນຖານບ່ອນອີງໃນການສືບຕໍ່ຄົ້ນຄວ້າ ແລະ ເປັນທິດທາງໃນການສືບຕໍ່ຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນ ຄັ້ງທີ V ຂອງອົງຄະນະພັກ ຫສນຍ ຕິດພັນກັບມະຕິກອງປະຊຸມໃຫຍ່ ຄັ້ງທີ XI ຂອງພັກ, ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX ແລະ 2 ວາລະແຫ່ງຊາດ ໃຫ້ບັນລຸຕາມຈຸດປະສົງ ແລະ ລະດັບຄາດໝາຍທີ່ວາງໄວ້. ໃນໂອກາດໂອ້ລົມຕໍ່ກອງປະຊຸມຄັ້ງນີ້ ສະຫາຍ ກິແກ້ວ ໄຂຄໍາພິທູນ ໄດ້ມີຄໍາເຫັນ ເນັ້ນໜັກໃຫ້ຄະນະບໍລິຫານງານພັກ ຫສນຍ ແລະ ຜູ້ເຂົ້າຮ່ວມກອງປະຊຸມ ສືບຕໍ່ເອົາໃຈໃສ່ຕື່ມບາງບັນຫາ ເປັນຕົ້ນ: 1). ຜົນຂອງການດໍາເນີນຊີວິດການເມືອງເທືີ່ອນີ້ ຖືເປັນຜົນສໍາເລັດທີ່ສຳຄັນຫຼາຍ, ເປັນຂໍ້ມູນພື້ນຖານ ສືບຕໍ່ຄົ້ນຄວ້າ, ສໍາຫຼວດກວດກາຄືນຕົນເອງ ອັນໃດມີຄວາມຈິງ, ອັນໃດບໍ່ມີຄວາມຈິງ ເພືີ່ອເປັນເຈົ້າການປັບປຸງແກ້ໄຂໃຫ້ຕົກໄປ ໂດຍມີການໄຈ້ແຍກໃຫ້ຈະແຈ້ງວ່າ ອັນໃດເປັນຄວາມຮັບຜິດຊອບລວມຂອງໝູ່ຄະນະ, ຈຸດສຸມໃນການແກ້ໄຂ, ອັນໃດເປັນຄວາມຮັບຜິດຊອບການເມືອງ ແລະ ບັນຫາສ່ວນຕົວຂອງແຕ່ລະສະຫາຍ ທີ່ຕ້ອງປັບປຸງແກ້ໄຂປ່ຽນແປງໃຫ້ໄດ້; 2). ໃຫ້ມີຄວາມເຂົ້າໃຈຖືກຕ້ອງ ແລະ ເປັນເອກະພາບ ຕໍ່ຜົນຂອງການທາບທາມ ກໍ່ຄືການປະກອບຄໍາຄິດເຫັນ ຕໍານິສົົ່ງຂ່າວຈາກສະມາຊິກພັກ, ພະນັກງານຫຼັກແຫຼ່ງ ທີີ່ເຂົ້າຮ່ວມທາບທາມນັັ້ນ ຖືວ່າແມ່ນການສະແດງເຖິງຄວາມເປັນຫ່ວງເປັນໄຍ ຕໍ່ການນໍາພາລວມຂອງຄະນະພັກ ແລະ ແຕ່ລະສະຫາຍໃນຄະນະພັກ, ທັງແມ່ນການປະຕິບັດຫຼັກການ ໃຫ້ຂັັ້ນລຸ່ມຕໍານິ, ປະກອບຄໍາເຫັນຕໍ່ຂັັ້ນເທິງ ແລະ ຫຼັກການໃຫ້ມະຫາຊົນ ເຂົ້າຮ່ວມການປັບປຸງກໍ່ສ້າງພັກ, ຄະນະພັກ ແລະ ບຸກຄົນໃນຄະນະພັກ ເພື່ອໃຫ້ບັນດາສະຫາຍສືບຕໍ່ເປັນຫຼັກແຫຼ່ງ, ເປັນແບບຢ່າງ, ເປັນແວ່ນແຍງທີີ່ໃສແຈ້ງ ທົົ່ວອົງຄະນະພັກ. 3). ໃຫ້ນໍາເອົາຄໍາຄິດເຫັນ ຕໍ່ການນໍາພາລວມ ແລະ ຕໍ່ແຕ່ລະສະຫາຍນັ້ນ ໄປຄົ້ນຄວ້າປັບປຸງບົດນໍາພາລວມຂອງຄະນະພັກໃຫ້ເລິກເຊິ່ງຕື່ມ. ສໍາລັບການປະກອບຄໍາເຫັນຕໍ່ແຕ່ລະສະຫາຍນັັ້ນ ກໍ່ໃຫ້ນຳໄປປັບປຸງແກ້ໄຂ, ອັນໃດບໍ່ຖືກ ຫຼື ບໍ່ມີຄວາມຈິງ ກໍ່ເອົາເປັນບົດຮຽນ, ເປັນການເຕືອນໃຫ້ມີສະຕິ ເພືີ່ອຫຼີກລ່ຽງບໍ່ໃຫ້ເກີດຂຶ້ນກັບຕົນເອງ ໃນຕໍ່ໜ້າ; 4). ພາຍຫຼັງດໍາເນີນຊີວິດການເມືອງເທືີ່ອນີ້ ໃຫ້ສືບຕໍ່ປັບປຸງການນໍາພາ ແລະ ວິທີເຮັດວຽກຂອງຄະນະພັກ ໃຫ້ມີວິທະຍາສາດ, ຖືກຕ້ອງຕາມຫຼັກການນໍາພາຂອງພັກ, ແທດເຖິງກັບຕົວຈິງຫຼາຍກວ່າເກົົ່າ, ນໍາພາຢ່າງມີຈຸດສຸມ, ແກ້ໄຂບັນຫາຕ່າງໆໃຫ້ໄວ, ທັນການ ແລະ ມີຜົນສໍາເລັດຢ່າງຂາດຕົວ; ທຸກບັນຫາທີີ່ໄດ້ວາງອອກ ແລະ ຈັດຕັັ້ງນໍາພາປະຕິບັດ ຕ້ອງມີການຕິດຕາມ, ກວດກາ, ຊຸກຍູ້ ແລະ ປະເມີນຜົນ ຢ່າງເປັນປົກກະຕິ ເພືີ່ອເຫັນໄດ້ອັນທີີ່ສໍາເລັດ ແລະ ຄົງຄ້າງ ເພືີ່ອປັບປຸງແກ້ໄຂໃຫ້ທັນເວລາ; 5). ຕ້ອງປັບປຸງ ແລະ ເພີີ່ມທະວີຄວາມສາມັກຄີພາຍໃນຄະນະພັກ, ຄະນະປະຈໍາພັກ ໃຫ້ໜັກແໜ້ນ ແລະ ມີຄວາມເປັນເອກະພາບສູງ, ເປັນໃຈກາງນໍາພາ ເຕົ້າໂຮມຄວາມສາມັກຄີໃນຖັນແຖວ ສະມາຊິກພັກ-ພະນັກງານ ໃຫ້ເປັນປຶກແຜ່ນແໜ້ນໜາຍິ່ງຂຶ້ນ; ຄະນະປະຈໍາພັກ ຕ້ອງເປັນແບບຢ່າງນໍາໜ້າກວ່າໝູ່ ໃນທຸກດ້ານ, ເປັນຫຼັກແຫຼ່ງທີີ່ແຂງແກ່ນ ຍົກສູງນ້ຳໃຈເສຍສະຫຼະ ເດັດດ່ຽວຜ່ານຜ່າອຸປະສັກ ແລະ ຄວາມຫຍຸ້ງຍາກຕ່າງໆ ເພືີ່ອນໍາພາທົົ່ວອົງຄະນະພັກສູ້ຊົນປະຕິບັດມະຕິກອງປະຊຸມໃຫຍ່ຂັັ້ນຂອງຕົນ ໃຫ້ບັນລຸຄາດໝາຍທີ່ວາງໄວ້; 6). ສືບຕໍ່ຕິດຕາມ, ເກັບກຳສະພາບການເມືອງແນວຄິດຂອງສະມາຊິກພັກ-ພະນັກງານ, ຖືເອົາວຽກງານການເມືອງແນວຄິດ “ເປັນຄືສະໜາມຮົບໜຶ່ງ” ໂດຍເລີ່ມຈາກຫັນປ່ຽນດ້ານທັດສະນະ, ແນວຄິດ ດ້ວຍການຫັນວິທີຄິດແບບເກົ່າ ໄປສູ່ການປະດິດສ້າງໃໝ່; ແຂ່ງຂັນກັນພັດທະນາ ຢູ່ໃນຕົວບຸກຄົນ ຫຼື ໝູ່ຄະນະ; ສ້າງແນວຄິດຕໍ່ສູ້ປົກປ້ອງແນວທາງຂອງພັກ, ເປັນເຈົ້າການຕອບໂຕ້ ຕໍ່ບັນດາຖ້ອຍທໍານອງບິດເບືອນ, ການໂຄສະນາທັບຖົມໂຈມຕີຂອງອິດທິກຳລັງປໍລະປັກ ໂດຍສະເພາະ ທາງສື່ສັງຄົມອອນລາຍ; ຕ້ານແນວຄິດເອື່ອຍອີງ, ແນວຄິດຄອງຄອຍ, ຮັກສາເດີມ, ອັດຕະວິໄສ, ອາດຍາສິດ, ທັງໃຫ້ຮູ້ແກ້ໄຂຈຸດອ່ອນ, ຂໍ້ຂາດຕົກບົກຜ່ອງ-ຂໍ້ຄົງຄ້າງຕ່າງໆ ໃຫ້ທັນການ.
ບັນຫາສໍາຄັນ, ຕ້ອງເຮັດວຽກງານນໍາພາແນວຄິດ ຂອງສະມາຊິກພັກ, ພະນັກງານ ໃຫ້ມີຄວາມອຸ່ນອ່ຽນທຸ່ນທ່ຽງ, ມີຄວາມໜັກແໜ້ນ ແລະ ມີຄວາມເຂົ້າໃຈຕໍ່ກັບສະພາບຄວາມຫຍຸ້ງຍາກທາງດ້ານເສດຖະກິດ-ການເງິນ, ພ້ອມກັນສູ້ຊົນຜ່ານຜ່າ ດ້ວຍການປະຕິບັດໜ້າທີ່ການເມືອງ ຂອງຕົນຢ່າງຕັ້ງໜ້າ; 7). ສືບຕໍ່ເພີ່ມທະວີການປັບປຸງການຈັດຕັ້ງ ໃຫ້ປອດໃສ, ໜັກແໜ້ນ, ເຂັ້ມແຂງ, ແທດເໝາະກັບເງື່ອນໄຂ ໃນສະພາບແວດລ້ອມໃໝ່ ແລະ ສາມາດປະຕິບັດສຳເລັດໜ້າທີ່ການເມືອງຂອງຕົນ; ປະຕິບັດສິດອໍານາດຖືກຕ້ອງຕາມກົດໝາຍ ແລະ ລະບຽບການຕ່າງໆ ທີ່ວາງອອກຢ່າງເຂັ້ມງວດ ແລະ ສຳລັບວຽກ ຫສນຍ ແມ່ນໃຫ້ສືບຕໍ່ເພີ່ມທະວີ ການນຳພາຊີ້ນຳ ການປະຕິບັດພາລະບົດບາດຂອງຕົນ ຕາມຄຳຂວັນ 3 ດີ (ເປັນເສນາທິການທີ່ດີ, ປະສານງານດີ ແລະ ບໍລິການຮັບໃຊ້ດີ), ຕາມທິດ 3 ຫັນ: (1). ຫັນປ່ຽນຈາກແນວຄິດຄອງຄອຍ, ລໍຖ້າຄຳສັ່ງ, ລັງເລ ໄປສູ່ຄວາມເປັນເຈົ້າການກວ່າເກົ່າ; (2). ຫັນປ່ຽນຈາກການເຮັດວຽກບໍ່ມີແຜນການທີ່ຮັດກຸມ ໄປສູ່ການເຮັດວຽກຢ່າງມີລະບົບ, ມີລະບອບ, ມີລະບຽບ, ມີຈຸດສຸມ ແລະ ຄາດໝາຍທີ່ຊັດເຈນ; (3). ຫັນປ່ຽນຈາກລະບົບເຮັດວຽກມີຫຼາຍຂັ້ນຫຼາຍຂອດໄປສູ່ລະບົບການເຮັດວຽກທີ່ສະດວກ, ວ່ອງໄວ, ຖືກຕ້ອງ ແລະ ທັນສະໄໝກວ່າເກົ່າ ເພື່ອຮັບປະກັນ ຄວາມຖືກຕ້ອງ ແລະ ໂປ່ງໃສ ໃຫ້ແກ່ລັດຖະບານ ກໍຄື ນາຍົກ-ບັນດາຮອງນາຍົກລັດຖະມົນຕີ ໃນການພິຈາລະນາຕົກລົງ ແລະ ຕັດສິນບັນຫາ ຢ່າງມີປະສິດທິພາບ ແລະ ນໍາຜົນປະໂຫຍດມາສູ່ປະເທດຊາດ.
ພາບ ແລະ ຂ່າວ: ກົມປະຊາສໍາພັນ, ຫສນຍ
