ຂ່າວຕ່າງປະເທດລາຍງານ ໃນວັນທີ 13 ກໍລະກົດນີ້, ທາງການລັດຫິມາຈັນປະເທດ ຊຶ່ງຕັ້ງຢູ່ທາງພາກເໜືອຂອງອິນເດຍໄດ້ລາຍງານວ່າ: ມີຜູ້ເສຍຊີວິດແລ້ວຢ່າງໜ້ອຍ 33 ຄົນ ຈາກເຫດການນ້ຳຖ້ວມ ແລະ ດິນຖະຫຼົ່ມ ຊຶ່ງເປັນຜົນມາຈາກອິດທິພົນຂອງພາຍຸມໍລະສຸມ ໃນອາທິດຜ່ານມາ.
ຂະນະດຽວກັນ, ເຈົ້າໜ້າທີ່ກູ້ໄພໄດ້ໃຫ້ຄວາມຊ່ວຍເຫຼືອແກ່ນັກທ່ອງທ່ຽວຕ່າງປະເທດຫຼາຍກວ່າ 40 ຄົນ ແລະ ປະຊາຊົນອິນເດຍອີກຫຼາຍຮ້ອຍຄົນທີ່ຕິດຄ້າງຢູ່ຕາມສະຖານທີ່ທ່ອງທ່ຽວຫຼາຍແຫ່ງ. ທາງດ້ານທາງການລັດອຸດຕຣາຂັນ ຊຶ່ງຢູ່ໃກ້ຄຽງກັນລາຍງານວ່າ: ມີຜູ້ເສຍຊີວິດແລ້ວຢ່າງໜ້ອຍ 12 ຄົນ, ລັດອຸດຕອນປະເທດ ຊຶ່ງເປັນລັດທີ່ມີປະຊາກອນຫຼາຍທີ່ສຸດໃນອິນເດຍຢືນຢັນວ່າ: ພົບຜູ້ເສຍຊີວິດແລ້ວຢ່າງໜ້ອຍ 11 ຄົນ ແລະ ລັດປັນຈາບ ພົບຜູ້ເສຍຊີວິດຈາກໄພທຳມະຊາດຄັ້ງນີ້ຢ່າງໜ້ອຍ 10 ຄົນ.
ໃນເວລາດຽວກັນ, ນະຄອນຫຼວງນິວເດລີ ແລະ ພື້ນທີ່ໃກ້ຄຽງຢູ່ພາຍໃຕ້ຄຳເຕືອນລະດັບສູງຂອງການເກີດນ້ຳຖ້ວມ ເນື່ອງຈາກລະດັບນ້ຳໃນແມ່ນ້ຳຢະມຸນາ ສ້າງສະຖິຕິສູງທີ່ສຸດນັບຕັ້ງແຕ່ປີ 1978.
