ຕໍ່ມາໄດ້ຮູ້ວ່າຜູ້ກ່ຽວຊື່ ທ້າວ ຍິ່ງ ຢູ່ບ້ານນາທ່ອນ ເມືອງນາຊາຍທອງ ນະຄອນຫຼວງວຽງຈັນ, ເຊິ່ງໄດ້ແກ່ໄຂ່ໄປຂາຍ ໂດຍໄປຮັບໄຂ່ຢູ່ນຳແມ່ ຢູ່ເຂດນໍ້າຊ່ວງ ເມືອງນາຊາຍທອງ ແລ້ວຈະໄປຂາຍຢູ່ບ້ານຖໍ້າ ເມືອງນາຊາຍທອງ.
ພໍຂັບອອກມາເຖິງຈຸດເກີດເຫດ ຜູ້ກ່ຽວໄດ້ຈອດລົດ ແລະ ຄໍ້າຂາລົດໄວ້ ແຕ່ວ່າຄໍ້າບໍ່ດີ ຈຶ່ງສົ່ງຜົນເຮັດໃຫ້ລົດລົ້ມ ແລະ ໄຂ່ແຕກເສຍຫາຍຈຳນວນໜຶ່ງ, ໂດຍຄວາມຮູ້ສຶກຕອນນັ້ນບໍ່ຮູ້ຈະເຮັດແນວໃດ ໄດ້ແຕ່ຢືນເບິ່ງບໍ່ຮູ້ຈັກຊິໄຫ້ຊິຫົວ ເລີຍເກັບເອົາໄຂ່ທີ່ຍັງເຫຼືອໄວ້ ແລ້ວກັບໄປເອົາໄຂ່ຢູ່ບ້ານແມ່ຕື່ມອີກເພື່ອນຳໄປສົ່ງ.
