ຕາມຂ່າວຈາກ ວິທະຍຸສາກົນ ຫວຽດນາມ, ນັບແຕ່ ວັນທີ1-7 ກໍລະກົດນີ້ ອົງການອາຫານ ແລະ ການກະເສດ (FAO) ຈັດກອງປະຊຸມ ຄັ້ງທີ 43 ໃນຂອບເຂດກອງປະຊຸມລັດຖະມົນຕີ FAO ລະຫວ່າງ ປີ 2023–2027 ແລະ ບັນດາກອງປະຊຸມໂຕະມົນຂັ້ນສູງປິ່ນອ້ອມຫົວຂໍ້ຄຸ້ມຄອງແຫລ່ງນ້ຳລວມ ເພື່ອແນໃສ່ຫລຸດຜ່ອນປະລິມານນ້ຳນຳໃຊ້ເຂົ້າໃນການປູກຝັງ ຢ່າງມີຜົນປະໂຫຍດ ສູງສຸດ.ຈາກນັ້ນ ທ່ານ ທາມານ ຊານມູກາຣັນນາມ (Tharman Shanmugaratnam) ລັດຖະມົນຕີ ຜູ້ປະສານງານນະໂຍບາຍສັງຄົມຂອງສິງກະໂປ ເປັນປະທານຮ່ວມຄະນະກຳມະການທົ່ວໂລກ ກ່ຽວກັບເສດຖະກິດແຫລ່ງຊັບພະຍາກອນນ້ຳ ຂອງສະຫະປະຊາຊາດ ໄດ້ເນັ້ນໜັກເຖິງຄວາມສຳຄັນຕ້ອງເພີ່ມທະວີການຄຸ້ມຄອງແຫລ່ງນ້ຳຢ່າງມີປະສິດທິຜົນເພື່ອບັນລຸໄດ້ບັນດາເປົ້າໝາຍ ກ່ຽວກັບການຫລຸດຜ່ອນຄວາມທຸກຍາກ, ດິນຟ້າອາກາດ ແລະ ສິ່ງແວດລ້ອມ ທົ່ວໂລກ. ສຳລັບການປ່ຽນແປງໃໝ່ຢ່າງສຳເລັດຜົນຢູ່ ສສ ຫວຽດນາມ ເມື່ອຜັນຂະຫຍາຍໂຄງການ VnSAT ແນໃສ່ຫລຸດ ປະລິມານນ້ຳຮັບໃຊ້ການປູກຝັງອັນໄດ້ນຳມາ ເຊິ່ງປະສິດທິຜົນຊ່ວຍປະຊາຊົນປະຢັດລາຍຈ່າຍ ແລະ ເວລາຫລາຍຂຶ້ນ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
