ຕາມຂ່າວຈາກວິທະຍຸສາກົນຫວຽດນາມ ສະມາຄົມວິສາຫະກິດການບໍລິການ Logistics ຂອງ ສສ ຫວຽດນາມ ຈະເປັນເຈົ້າພາບຈັດກອງປະຊຸມປະຈຳປີພາກພື້ນອາຊີ-ປີຊີຟິກ ຂອງສະຫະພັນບັນດາສະມາຄົມຜູ້ຮັບຈັດການຂົນສົ່ງສາກົນ (FIATA), ກອງປະຊຸມກາງປີ ຂອງສະຫະພັນສະມາຄົມການຂົນສົ່ງອາຊຽນ (AFFA) ຢູ່ນະຄອນດ່າໜັງ ແຕ່ວັນທີ 13-15 ກໍລະກົດນີ້. ນອກຈາກບັນດາຜູ້ແທນ ແລະ ບັນດາອົງການຈັດຕັ້ງສາກົນທີ່ກ່ຽວຂ້ອງແລ້ວ, ນອກນີ້ຍັງເປີດຂົວຕໍ່ການຄ້ານຳເຂົ້າ-ສົ່ງອອກ ລະຫວ່າງຫວຽດນາມ ກັບບັນດາປະເທດໃນໂລກໃນບັນດາຂະແໜງການທີ່ກ່ຽວຂ້ອງໂດຍສະເພາະການບິນ, ພັດຕະຄານ, ໂຮງແຮມ ແລະ ການທ່ອງທ່ຽວ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
