ອ້າງຕາມຂ່າວ VOVWORLD, ວັນທີ 24 ມິຖຸນາ, ທ່ານ ຟ້າມມິງຈິງ ນາຍົກລັດຖະມົນຕີຫວຽດນາມ ກ່າວໃນເວລາພົບປະກັບ ທ່ານ ຢຸນ ຊອກ ຢໍ ປະທານາທິບໍດີ ສ.ເກົາຫລີ ທີ່ພວມຢ້ຽມຢາມຫວຽດນາມ ໃນລະຫວ່າງ ວັນທີ 22-24 ມິຖຸນານີ້ ຢູ່ນະຄອນຫລວງຮ່າໂນ້ຍ ຂອງຫວຽດນາມ ວ່າ: ການພົວພັນ ສ.ເກົາຫລີ ແລະ ຫວຽດນາມ ມີຄວາມສຳຄັນທີ່ສຸດ. ໃນຂະນະດຽວກັນ, ທ່ານ ຟ້າມມິງຈິງ ໄດ້ສະເໜີໃຫ້ສອງຝ່າຍຜັນຂະຫຍາຍບັນດາສັນຍາການຄ້າເສລີສອງຝ່າຍ, ສັນຍາຄູ່ຮ່ວມມື ເສດຖະກິດຮອບດ້ານໃນພາກພື້ນ (RCEP) ຢ່າງມີປະສິດທິຜົນເພື່ອໃຫ້ປະຕິບັດການໃຫ້ສຳເລັດຕາມເປົ້າໝາຍດ້ວຍວົງເງິນ ການຄ້າສອງຝ່າຍຂຶ້ນເປັນ 100 ຕື້ໂດລາສະຫະລັດ ໂດຍໄວ ແລະ ມຸ່ງໄປສູ່ເປົ້າໝາຍ 150 ຕື້ໂດລາສະຫະລັດ ໃນປີ 2030 ຕາມທິດສົມດຸນແບບຍືນຍົງ.
