ຕາມຂ່າວຈາກອາຟຣິກາໃຕ້, ປັດຈຸບັນພາກໃຕ້ຂອງອາເມລິກາໃຕ້ ພວມຜະເຊີນກັບໄພແຫ້ງແລ້ງຢ່າງຮຸນແຮງ ຫລັງຈາກຝົນບໍ່ຕົກ ເປັນເວລາຫລາຍເດືອນ ແລະ ອຸນຫະພູມເພີ່ມສູງຂຶ້ນຕະຫລອດເວລາ ໂດຍສະເພາະປະເທດອູຣຸກກວາຍ ແຫ້ງແລ້ງສຸດໃນຮອບ 74 ປີ ເຖິງຂັ້ນ ລັດຖະບານປະກາດສະຖານະການສຸກເສີນໃນນະຄອນຫລວງມົງເຕວິເຕໂອ ແລະ ພື້ນທີ່ໃກ້ຄຽງ ເນື່ອງຈາກເກີດບັນຫາຂາດແຄນນ້ຳຢ່າງຮຸນແຮງ.
ໃນໂອກາດນີ້ ທ່ານ ລູອິສ ລາຄາ ປູ, ປະທານາທິບໍດີອູຣຸກກວາຍ ປະກາດວ່າລັດຖະບານ ຈະແກ້ໄຂບັນຫາຂາດແຄນນ້ຳຢ່າງຮີບດ່ວນ ແລະ ຈະສ້າງອ່າງເກັບນ້ຳຂຶ້ນໃໝ່. ຂະນະທີ່ອາກຊັງຕິນຜະເຊີນກັບ ບັນຫາໄພແຫ້ງແລ້ງຮຸນແຮງ ເຊັ່ນກັນ. ຂະນະທີ່ຜົນຜະລິດແປ້ງສາລີ ແລະ ຖົ່ວເຫລືອງ ທີ່ເປັນລາຍໄດ້ຫລັກຂອງປະເທດ ຕົກຕ່ຳບວກກັບອັດຕາເງິນເຟີ້ເພີ່ມສູງຂຶ້ນເຖິງ 114%.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
