ຂ່າວສານຫວຽດນາມລາຍງານວ່າ: ຄວາມຕ້ອງການນ້ຳມັນທົ່ວໂລກອາດຈະບັນລຸເຖິງຈຸດສູງສຸດກ່ອນທ້າຍທົດສະວັດນີ້ ເນື່ອງຈາກວິກິດການດ້ານພະລັງງານເລັ່ງໃຫ້ເກີດການຫັນປ່ຽນໄປສູ່ເຕັກໂນໂລຊີສະອາດ.
ຂ່າວລະບຸວ່າ: ນີ້ແມ່ນການຄາດຄະເນຂອງອົງການພະລັງງານສາກົນ (IEA) ໃນບົດລາຍງານໄລຍະກາງຂອງຕະຫຼາດນ້ຳມັນ ປີ 2023 ທີ່ປະກາດໃນວັນທີ 14 ມິຖຸນາ ຜ່ານມາ.
ໃນບົດລາຍງານນີ້, IEA ຄາດຄະເນວ່າ: ການເຕີບໂຕຂອງຄວາມຕ້ອງການນ້ຳມັນທຸກໆປີຈະຫຼຸດລົງຢ່າງໃນໄລຍະ 5 ປີຂ້າງໜ້າ, ນັບແຕ່ລະດັບການເພີ່ມຂຶ້ນ 2,4 ລ້ານຖັງຕໍ່ມື້ ໃນປີ 2023 ຫຼຸດລົງລະດັບ 400D000 ຖັງຕໍ່ມື້ ໃນປີ 2028.
ທ່ານ ຟາຕິ ບິໂຣ ຜູ້ອຳນວຍການບໍລິຫານ IEA ກ່າວວ່າ: ການຫັນປ່ຽນໄປສູ່ເສດຖະກິດພະລັງງານສະອາດແມ່ນກຳລັງເລັ່ງຕົວຂຶ້ນ ໂດຍຄາດວ່າຄວາມຕ້ອງການນຳໃຊ້ນ້ຳມັນໃນທົ່ວໂລກຈະເຖິງຈຸດສູງສຸດກ່ອນທ້າຍທົດສະວັດນີ້ ໃນສະພາບການທີ່ລົດໄຟຟ້າເພີ່ມຂຶ້ນ, ການປະຢັດພະລັງງານ ແລະ ບັນດາເຕັກໂນໂລຊີອື່ນໆ ທີ່ນັບມື້ນັບມີການພັັດທະນາເພີ່ມຂຶ້ນ.
