ການແຂ່ງຂັນກິລາເທຄວັນໂດ ທົ່ວປະເທດ ຊີງຂັນທ່ານເຈົ້າຄອງນະຄອນຫຼວງວຽງຈັນ ຄັ້ງທີ 5 ປະຈຳປີ 2023 ຈັດຂຶ້ນເມື່ອບໍ່ດົນມານີ້ ທີ່ສະໂມສອນກິລາໃນຮົ່ມ ບູຢອງ ວິທະຍາເຂດດົງໂດກ ເມືອງໄຊທານີ ນະຄອນຫຼວງວຽງຈັນ, ໂດຍໃຫ້ກຽດເຂົ້າຮ່ວມຂອງ ທ່ານ ກິ່ງມະໂນ ພົມມະຫາໄຊ ຮອງລັດຖະມົນຕີ ກະຊວງສຶກສາທິການ ແລະ ກິລາ ແລະ ທ່ານ ສົມພູ ພົງສາ ຮອງປະທານຄະນະກຳມະການໂອແລັມປິກແຫ່ງຊາດລາວ ພ້ອມດ້ວຍຄະນະບໍລິຫານງານສະຫະພັນເທຄວັນໂດແຫ່ງຊາດລາວ, ຄະນະນຳແຕ່ລະສະໂມສອນ, ຄູຝຶກ ແລະ ນັກກິລາ ຕະຫຼອດຮອດບັນດາກອງເຊຍແຕ່ລະພາກສ່ວນ ເຂົ້າຮ່ວມຊົມ ແລະ ເຊຍຢ່າງຫຼວງຫຼາຍ.
ການແຂ່ງຂັນລາຍການດັ່ງກ່າວ ຈັດຂຶ້ນກໍເພື່ອເປັນການສືບຕໍ່ສົ່ງເສີມການພັດທະນານັກກິລາເຍົາວະຊົນຢ່າງຕໍ່ເນື່ອງ ເພື່ອກ້າວຂຶ້ນມາທົດແທນນັກກິລາທີມຊາດໃນອະນາຄົດ ຊຶ່ງມີ 15 ພາກສ່ວນ ຄື: ແຂວງຊຽງຂວາງ, ແຂວງອຸດົມໄຊ, ແຂວງຄຳມ່ວນ, ແຂວງສະຫວັນນະເຂດ, ມະຫາວິທະຍາໄລແຫ່ງຊາດ ແລະ ບັນດາສະໂມສອນໃຫຍ່ອ້ອມຂ້າງສູນກາງເຂົ້າຮ່ວມ ຊຶ່ງມີການຊີງໄຊທັງໝົດ 88 ຫຼຽນຄຳ. ຜ່ານການແຂ່ງຂັນຜົນປະກົດວ່າ: ສະໂມສອນ ເທຄວັນໂດ ຕາວັນ A ສາມາດຄອງເຈົ້າຫຼຽນຄຳ ເປັນຄັ້ງທຳອິດ ທີ່ເຂົ້າຮ່ວມລາຍການນີ້ ໂດຍສາມາດສ້າງຜົນງານຍາດມາໄດ້ເຖິງ 18 ຫຼຽນຄຳ, 20 ຫຼຽນເງິນ ແລະ 16 ຫຼຽນທອງ ລວມທັງໝົດ 54 ຫຼຽນ ສ່ວນອັນດັບທີ 2 ສະໂມສອນ ເທຄວັນໂດ ລ້ານຊ້າງ ສາມາດຍາດໄດ້ 17 ຫຼຽນຄຳ, 3 ຫຼຽນເງິນ ແລະ 6 ຫຼຼຽນທອງ ລວມ 26 ຫຼຽນ, ອັນດັບທີ 3 ສະໂມສອນ ເທຄວັນໂດ ພີເອັມເອັດ A ຍາດໄດ້ 14 ຫຼຽນຄຳ, 9 ຫຼຽນເງິນ ແລະ 6 ຫຼຼຽນທອງ ລວມ 29 ຫຼຽນ, ອັນດັບທີ 4 ແຂວງຊຽງຂວາງ ຍາດໄດ້ 7 ຫຼຽນຄຳ, 6 ຫຼຽນເງິນ ແລະ 6 ຫຼຼຽນທອງ ລວມ 19 ຫຼຽນ, ອັນດັບທີ 5 ແຂວງອຸດົມໄຊ ຍາດໄດ້ 7 ຫຼຽນຄຳ, 5 ຫຼຽນເງິນ ແລະ 13 ຫຼຼຽນທອງ ລວມ 25 ຫຼຽນ, ອັນດັບທີ 6 ສະໂມສອນ ເທຄວັນໂດ ໂຊກໄຊ ຍາດໄດ້ 6 ຫຼຽນຄຳ, 2 ຫຼຽນເງິນ ແລະ 5 ຫຼຼຽນທອງ ລວມ 13 ຫຼຽນ, ອັນດັບທີ 7 ແຂວງຄຳມ່ວນ ຍາດໄດ້ 5 ຫຼຽນຄຳ, 11 ຫຼຽນເງິນ ແລະ 11 ຫຼຼຽນທອງ ລວມ 27 ຫຼຽນ, ອັນດັບທີ 8 ສະໂມສອນ ເທຄວັນໂດ ນັນດາ ຍາດໄດ້ 3 ຫຼຽນຄຳ, 6 ຫຼຽນເງິນ ແລະ 8 ຫຼຼຽນທອງ ລວມ 17 ຫຼຽນ, ອັນດັບທີ 9 ສະໂມສອນ ເທຄວັນໂດ ເສືອນ້ອຍ ຍາດໄດ້ 3 ຫຼຽນຄຳ, 4 ຫຼຽນເງິນ ແລະ 5 ຫຼຼຽນທອງ ລວມ 12 ຫຼຽນ, ອັນດັບທີ 10 ສະໂມສອນ ເທຄວັນໂດ ພີເອັມເອັດ B ຍາດໄດ້ 2 ຫຼຽນຄຳ, 2 ຫຼຽນເງິນ ແລະ 1 ຫຼຼຽນທອງ ລວມ 5 ຫຼຽນ, ອັນດັບທີ 11 ແຂວງສະຫວັນນະເຂດ ຍາດໄດ້ 2 ຫຼຽນຄຳ, 1 ຫຼຽນເງິນ ແລະ 3 ຫຼຼຽນທອງ ລວມ 6 ຫຼຽນ, ອັນດັບທີ 12 ມະຫາວິທະຍາໄລແຫ່ງຊາດ ຍາດໄດ້ 1 ຫຼຽນຄຳ, 6 ຫຼຽນເງິນ ແລະ 2 ຫຼຼຽນທອງ ລວມ 9 ຫຼຽນ, ອັນດັບທີ 13 ສະໂມສອນ ເທຄວັນໂດ ຕາວັນ B ຍາດໄດ້ 1 ຫຼຽນຄຳ, 4 ຫຼຽນເງິນ ລວມ 5 ຫຼຽນ, ອັນດັບທີ 14 ແຂວງອຸດົມໄຊ B ຍາດໄດ້ 1 ຫຼຽນຄຳ, 1 ຫຼຽນເງິນ ລວມ 2 ຫຼຽນ ແລະ ອັນດັບທີ 15 ສະໂມສອນ ເທຄວັນໂດ ຮວງເຂົ້າ ຍາດໄດ້ 1 ຫຼຍນຄຳ ແລະ 5 ຫຼຽນທອງ ລວມ 6 ຫຼຽນ.
ຂ່າວ-ພາບ: ສົງການ ພັນແພງດີ
