ຕາມຂ່າວຈາກວິທະຍຸສາກົນຫວຽດນາມ ກອງປະຊຸມ ກ່ຽວກັບທະເລຈີນໃຕ້ ໄດ້ແບ່ງເປັນ 4 ວາລະປຶກສາຫາລືພາຍໃຕ້ ບັນດາຫົວຂໍ້: ມະຫາສະມຸດ ອິນເດຍ-ປາຊີຟິກ ພາຍໃຕ້ ແສງສະຫວ່າງ ຂອງສົນທິ ສັນຍາ ສປຊ ກ່ຽວກັບ ກົດໝາຍ ທະເລ (UNCLOS) ປີ 1982. ທະເລ-ຈຸດສຸມ ແມ່ນຄວາມໝັ້ນຄົງ; ການປ່ຽນແປງຂອງດິນຟ້າອາກາດ-ປັດໄຈວິກິດການໃໝ່ ຢູ່ພາກພື້ນ ມະຫາສະມຸດ ອິນເດຍ-ປາຊີຟິກ. ເວທີການເມືອງ ພາກ ພື້ນ ເປັນຫລາຍ ຮູບແບບ ແລະ ບົດບາດ ຂອງຝຣັ່ງ.ຈາກນັ້ນ ທ່ານ ອາເລັກຊານເດີ ເນຣັສ( Alexandre Negrus) ປະທານ ສະຖາບັນ EGA ເປີດເຜີຍວ່າ: ກອງປະຊຸມຄັ້ງນີ້ ແມ່ນເລີ່ມມາຈາກ ສະພາບການ ດ້ານພູມສາດ ການ ເມືອງ ຂອງພາກພື້ນ ແລະ ໂລກ ພວມມີ ການປ່ຽນແປງ ເລິກເຊິ່ງ, ໃນນັ້ນ ທະເລ ຈີນໃຕ້ ແມ່ນພາກພື້ນ ຍາມໃດກໍ່ ຊ້ອນແຝງ ຄວາມສ່ຽງ ແລະ ອາດ ກາຍເປັນຈຸດ “ຮ້ອນເຮ່ັ່ງ”ໃໝ່ ຂອງໂລກ. ບັນດາປະເທດ ຕາເວັນຕົກ, ໃນ ນັ້ນ ຝຣັ່ງ ຄວນມີການຮັບຮູ້ ຢ່າງຄົບຖ້ວນ ກ່ຽວກັບ ບົດບາດ, ຄວາມ ສຳຄັນ ຂອງບັນຫາ ທະເລ ຈີນໃຕ້ ຕໍ່ໜ້າ ຄວາມ ສ່ຽງ ແລະ ສິ່ງທ້າທາຍນີ້. ບັນດາ ບົດປະກອບ ຄຳເຫັນ ຢູ່ກອງປະຊຸມ ໄດ້ ເນັ້ນຫນັກເຖິງ ຄວາມສຳ ຄັນ ໃນການຮັບປະກັນ ສັນຕິພາບ, ສະຖຽນ ລະພາບ, ຄວາມໝັ້ນຄົງ ແລະ ຄວາມເສລີ ຢູ່ທະເລ ຈີນໃຕ້ ຄວາມຈຳເປັນ ຕ້ອງ ເຄົາລົບ ແລະ ປະຕິບັດ ກົດໝາຍ ທະເລປີ 1982 ແລະ ບັນດາ ຄຳ ໝັ້ນ ສັນຍາ ຂອງບັນດາ ປະເທດ ໃນພາກພື້ນ./.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
