ຕາມຂ່າວຈາກວິທະຍຸສາກົນແຫ່ງ ສປ ຈີນ ກອງປະຊຸມການຮ່ວມມືການກວດກາ ແລະ ກັກກັນພະຍາດດ່ານພາສີ ຂອງ ສປ ຈີນ, ປະເທດເອີຣົບກາງ ແລະ ຕາເວັນອອກ ຄັ້ງທີ 6 ຈັດຂຶ້ນຢູ່ນະຄອນນິງໂປ່ ຂອງ ສປ ຈີນ ເມື່ອບໍ່ດົນມານີ້ໄດ້ຍົກໃຫ້ເຫັນ ຕະຫລອດໄລຍະ 4 ເດືອນ ຕົ້ນປີນີ້ມູນຄ່າຂາເຂົ້າ-ຂາອອກ ລະຫວ່າງ ສປ ຈີນ ກັບປະເທດເອີຣົບກາງ ແລະ ຕາເວັນອອກ ບັນລຸເຖິງ 44,87 ຕື້ໂດລາ ເພີ່ມຂຶ້ນ 2,8% ເມື່ອທຽບໃສ່ປີກາຍ. ໃນດ້ານຜະລິດຕະພັນກະສິກຳ ແລະ ອາຫານ, ປະເທດ ສປ ຈີນ ໄດ້ນຳເຂົ້າຜະລິດຕະພັນກະສິກຳ ມູນຄ່າ 310 ລ້ານໂດລາສະຫະລັດເພີ່ມຂຶ້ນ 43,1%, ພ້ອມກັນນັ້ນ ສປ ຈີນ ໄດ້ສົ່ງອອກ ຜະລິດຕະພັນກະສິກຳ ມູນຄ່າ 410 ລ້ານໂດລາສະຫະລັດ ເພີ່ມຂຶ້ນຢ່າງເຂັ້ມແຂງ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
