ຕາມຂ່າວຈາກວິທະຍຸສາກົນແຫ່ງ ສປ ຈີນ ກອງປະຊຸມສຸດຍອດຈີນ-ອາຊີກາງ ຈະຈັດຂຶ້ນໃນລະຫວ່າງ ວັນທີ 18 ຫາວັນທີ 19 ພຶດສະພານີ້ ຢູ່ນະຄອນຊີ່ອ່ານ ແຂວງສານຊີ່ ຂອງ ສປຈີນ, ນີ້ແມ່ນການເຄື່ອນໄຫວທາງການຕ່າງປະເທດ ອັນສຳຄັນຄັ້ງທຳອິດ ທີ່ ສປ ຈີນ ເປັນເຈົ້າພາບໃນປີ 2023 ເພື່ອຕ້ອບຮັບແຂກຕ່າງໆ ຈາກທັງພາຍໃນ ແລະ ຕ່າງປະເທດ ດ້ວຍການບໍລິການທີ່ດີທີ່ສຸດ. ສູນການຄ້າ ແລະ ແຫລ່ງທ່ອງທ່ຽວທີ່ມີຊື່ສຽງຂອງນະຄອນຊີ່ອ່ານ, ໜ້າຈໍໃຫຍ່ ທີ່ທາງນອກໄດ້ສາຍຮູບເງົາ ໂຄສະນາ ຂອງກອງປະຊຸມສຸດ ຍອດຈີນ-ອາຊີກາງ ໄດ້ສະແດງໃຫ້ເຫັນຄວາມຄ່ອງຄອຍຢ່າງແຮງກ້າ ຂອງນະຄອນຊີ່ອ່ານທີ່ມີຕໍ່ກອງປະຊຸມສຸດຍອດຄັ້ງນີ້. ຢູ່ສວນສາທາລະນະກຳແພງເມືອງ, ດອກໄມ້ທີ່ສວຍງາມ ໄດ້ປະດັບປະດາກຳແພງເມືອງບູຮານ. ນອກນີ້, ຢູ່ປ່ອງຢ້ຽມໃຫ້ການບໍລິການຈຳນວນໜຶ່ງ, ພະນັກງານເຮັດວຽກກໍໄດ້ທຳການກະກຽມຢ່າງຕັ້ງໜ້າ, ອອກແຮງ ສຸດຂີດ ເພື່ອເຮັດວຽກ ບໍລິການ ດ້ານການຮັບປະກັນ ໃຫ້ດີທີ່ສຸດ.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
