ຕາມຂ່າວຈາກວິທະຍຸສາກົນ ແຫ່ງ ສປ ຈີນ ເມື່ອບໍ່ດົນມານີ້ສູນຮັບແກັສທຳມະຊາດແຫລວ ມີຂະໜາດໃຫຍ່ທີ່ສຸດໃນໂລກ ໄດ້ຮັບຂົນຖ່າຍຈາກກຳປັ່ນລຳທຳອິດ ແລະ ເປີດນຳໃຊ້ທໍ່ສົ່ງແກັສທຳມະຊາດແຫລວຢ່າງສຳເລັດຜົນ ແລະ ເຂົ້າສູ່ໄລຍະທົດລອງ ການເປີດນຳໃຊ້. ພາຍຫລັງ ໂຄງການ ດັ່ງກ່າວ ເປີດນຳໃຊ້ ຢ່າງເປັນ ທາງການແລ້ວ ຈະເຮັດໃຫ້ ອັດຕາຜະລິດ ໄຟຟ້າ ດ້ວຍພະລັງງານ ສະອາດ ຂອງເຂດບໍລິຫານພິເສດຮົງກົງ ຂອງ ສປ ຈີນ ເພີ່ມຂຶ້ນຢ່າງຫລວງຫລາຍ.
ຂະນະທີ່ ໂຄງການ ແກັສ ທຳມະຊາດແຫລວ ຮົງກົງ ເປັນໂຄງການ ກໍ່ສ້າງພື້ນຖານໂຄງລ່າງ ດ້ານພະລັງງານ ເທິງທະເລ ທີ່ມີຂະໜາດໃຫຍ່ທີ່ສຸດ ຂອງເຂດ ບໍລິຫານ ພິເສດ ຮົງກົງ ໃນຊຸມປີ ຜ່ານມາ, ຕົ້ນຕໍ ລວມມີສູນຮັບ ແກັສທຳມະຊາດແຫລວ ແຫ່ງໜຶ່ງ, ທ່າກຳປັ່ນ ເທິງທະເລ ທີ່ມີສອງບ່ອນ ທຽບທ່າ ແຫ່ງໜຶ່ງ ແລະ ທໍ່ສົ່ງແກັສທຳມະຊາດ ພື້ນທະເລ 2 ສາຍ. ອາຍຸ ການນຳໃຊ້ ຕາມການອອກແບບ ຂອງທ່າເຮືອແມ່ນ 50 ປີ ຈະສາມາດ ຮັບແກັສ ທຳມະຊາດແຫລວ ໄດ້ເປັນຂະໜາດ 2 ເທົ່າ ຂຶ້ນໄປ ເມື່ອທຽບໃສ່ ສູນຮັບ ທຳມະດາ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
