ຕາມຂ່າວຈາກວິທະຍຸສາກົນ ແຫ່ງ ສປ ຈີນ, ວັນທີ 8 ພຶດສະພານີ້ ທ່ານ ນາງ ຮວ້າຊຸ່ນຢິງ, ໂຄສົກກະຊວງການຕ່າງປະເທດຈີນ ປະກາດວ່າ: ກອງປະຊຸມສຸດຍອດຈີນ-ອາຊີກາງ ຈະຈັດຂຶ້ນຢູ່ນະຄອນສີ່ອ່ານ ແຂວງສານຊີ່ຈີນ ລະຫວ່າງວັນທີ 18-19 ພຶດສະພານີ້ ໂດຍທ່ານ ສີ ຈິ້ນຜິງ, ປະທານປະເທດ ສປ ຈີນ ຈະເປັນປະທານກອງປະຊຸມສຸດຍອດຄັ້ງນີ້. ໂດຍມີ ທ່ານ ກາຊິມ ໂຈມາດ ໂຕກາເຢຟ, ປະທານາທິບໍດີກາຊັກສະຖານ, ທ່ານ ຊາເດຍ ນົວໂກໂຊອິວິກ ຈາປາໂຣຟ, ປະທານາທິບໍດີກຽກກິດສະຖານ, ທ່ານ ອີໂມມາລີ ຣາຮມອນ, ປະທານາທິບໍດີຕັດຈິກິດສະຖານ, ທ່ານ ເຊີດາ ເບີດີ ມູຮາເມໂດຟ, ປະທານາທິບໍດີ ຕັວກເມນິດສະຖານ ແລະ ທ່ານ ເຊັນ ກັດມີ ໂຣໂມໂນວິກ ເມຍຊີໂຢເຢຟ, ປະທານາທິບໍດີອຸດສະເບກິດສະຖານ ຈະເຂົ້າ ຮ່ວມກອງປະຊຸມສຸດຍອດດັ່ງກ່າວ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
