ສຳນັກຂ່າວ ຊິນຮວາຂອງ ສປຈີນ, ກະຊວງ ຄົມມະນາຄົມ ແລະ ຄວາມປອດໄພ ທາງຖະໜົນ ຂອງ ອິດສະຣາແອນ ເປີດເຜີຍ ແຜນການ ລະດັບຊາດ ເພື່ອສົ່ງເສີມ ການໃຊ້ ພະລັງງານ ໄຟຟ້າ ຂອງ ພື້ນຖານ ໂຄງລ່າງ ກ່ຽວກັບ ການຂົນສົ່ງ ສາທາລະນະ ທົ່ວປະເທດ. ແຜນດັ່ງກ່າວ ມີມູນຄ່າເຖິງ 1 ຕື້ເຊເກີລ (ສະກຸນເງິນ ອິດສະຣາແອນ) ແລະ ໄດ້ຮັບອະນຸມັດ ຈາກຄະນະກຳມະການ ພື້ນຖານ ໂຄງລ່າງ ແຫ່ງປະເທດ ອິດສະຣາແອນ ໂດຍຄວບຄຸມ ການສົ່ງເສີ່ມ ສະຖານີ ຂົນສົ່ງຜູ້ໂດຍສານ ແລະ ສະຖານທີ່ ຈອດລົດ ປະຈຳທາງ ຫລາຍຮ້ອຍແຫ່ງ ໃຫ້ໃຊ້ພະລັງງານ ໄຟຟ້າ ລວມເຖິງການຕິດຕັ້ງ ຈຸດຊາກໄຟຟ້າ. ການສົ່ງເສີມ ລະບົບ ຂົນສົ່ງ ສາທາລະນະ ໃຊ້ພະລັງງານ ໄຟຟ້າຈະຊ່ວຍ ຫລຸດຕົ້ນທຶນ, ການບໍາລຸງ ຮັກສາ ແລະ ຫລຸດຜ່ອນ ມົນລະພິດ ທາງສຽງ ແລະ ອາກາດ, ຂະນະດຽວກັນ ການຕິດຕັ້ງ ຈຸດຕັ້ງ ໄຟຟ້າ ໂດຍມີເປົ້າໝາຍ ຊຸກຍູ້ ລະບົບຂົນສົ່ງ ສາທາລະນະ ໃນອິດສະຣາແອນ ໃຫ້ເປັນມິດກັບ ສິ່ງແວດລ້ອມ ແລະ ສະອາດຫລາຍຂຶ້ນ. ກະຊວງກ່ຽວຂ້ອງ ລະບຸວ່າ ໂດຍແຜນການດັ່ງກ່າວ ຈະຊ່ວຍເພີ່ມ ຈຳນວນລົດໂດຍສານ ສາທາລະນະ, ພະລັງງານ ໄຟຟ້າ ທີ່ໃຫ້ບໍລິການ ໃນອິດສະຣາແອນ ຢ່າງວ່ອງໄວ ຈາກ ປັດຈຸບັນ 600 ຄັນ ເປັນ 3.000 ຄັນ, ຂະນະທີ່ ອິດສະຣາແອນ ແນ່ໃສ່ ປ່ຽນແປງ ໃຊ້ລົດໂດຍສານ ພະລັງງານໄຟຟ້າ ຢ່າງເຕັມຮູບແບບ.
