ຕາມຂ່າວຈາກວິທະຍຸສາກົນຫວຽດນາມ,ຍີ່ປຸ່ນ,ສ.ອາເມລິກາ,ອົດສະຕຣາລີ ແລະ ດິນເດຍ ຈະປຶກສາຫາລື ກ່ຽວກັບ ສະພາບການຢູ່ ອູແກຣນ ແລະ ພາກພື້ນ ອາຊີ ຕາເວັນອອກ ໂດຍອີງໃສ່ ໝາກຜົນ ຂອງກອງປະຊຸມ ສຸດຍອດ G7. ບັນຫາ ກ່ຽວກັບ ການຮ່ວມມື ດ້ານເສດຖະກິດ, ຄວາມ ໝັ້ນຄົງ ແລະ ການປ່ຽນແປງ ຂອງດິນຟ້າ ອາກາດ ແມ່ນອາດ ຈະນຳມາ ປຶກສາຫາລື, ໂດຍສະເພາະ ແມ່ນກ່ຽວກັບ ການຮ່ວມມື ເພື່ອປະຕິບັດ ວິໄສທັດ ມະຫາສະໝຸດ ອິນເດຍ-ປາຊີຟິກ ເສລີ ແລະ ເປີດກວ້າງ ໃຫ້ ປະກົດຜົນ ເປັນຈິງ.ຫລັງຈາກ ເຈົ້າໜ້າທີ່ ທາງການ ຍີ່ປຸ່ນ ພວມກະກຽມໃຫ້ ທ່ານ ຄີຊີດາ ຟູມິໂອ (Kishida Fumio), ນາຍົກ ລັດຖະມົນຕີ ຍີ່ປຸ່ນ ຈະເດີນທາງ ໄປຢ້ຽມ ຢາມ ອົດສະຕຣາລີ ໃນທ້າຍ ເດືອນພຶດສະພານີ້ ເພື່ອໂອ້ລົມ ເຈລະຈາກັບ ການນຳ ສ.ອາເມລິກາ, ອົດສະຕຣາລີ ແລະ ອິນເດຍ. ກອງ ປະຊຸມ ຄັ້ງນີ້ ຈະໄດ້ດຳເນີນ ພາຍຫລັງ ກອງປະຊຸມ ສຸດຍອດ ຄັ້ງທີ 49 ຂອງ G7, ຢູ່ນະຄອນ ຮິໂຣຊິມາ(Hiroshima) ແຕ່ວັນທີ 19-21 ພຶດສະພາ, ເຊິ່ງຈະ ແມ່ນ ກອງປະຊຸມ ສຸດຍອດ ຂອງກຸ່ມ 4 ປະເທດ (Quad) ຮອບທຳອິດ ນັບແຕ່ ເດືອນພຶດສະພາ ປີ 2022.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
