ຟຟລ ສາຂານະຄອນຫຼວງ2 ຂໍແຈ້ງເຖິງຜູ້ຊົມໃຊ້ໄຟຟ້າຊາບວ່າ ເນື່ອງຈາກມີພາຍຸລົມແຮງຊ່ວງຫົວຄໍ່າວານນີ້ ເປັນສາເຫດເຮັດໃຫ້ໄຟຟ້າບໍ່ມາເປັນບໍລິເວນກວ້າງ ກວມເອົາທົ່ວ 5ເມືອງຄື: ເມືອງໄຊທານີ, ເມືອງຫາດຊາຍຟອງ, ເມືອງນາຊາຍທອງ, ເມືອງປາກງື່ມ ແລະ ເມືອງສັງທອງ ທາງທີມງານສ້ອມແປງໄຟຟ້າສຸກເສີນກໍແກ້ໄຂ-ສ້ອມແປງ ສະໜອງໄຟຟ້າໃຫ້ຜູ້ຊົມໃຊ້ໄຟສຳເລັດໄດ້ຫຼາຍເຂດ ແລະ ປະຈຸບັນຂອບເຂດທີ່ຈະສືບຕໍ່ສ້ອມແປງໃນມື້ນີ້ມີ:
1. ເມືອງໄຊທານີ: ປ້າຍໂຄສະນາລົ້ມທັບສາຍໄຟ ບ້ານ ດອນໜູນ ແລະ ສາຍຕາຂ່າຍ 22kV ຂາດ ຈຳນວນ 1ຫວ່າງ ບ້ານໜອງພະຍາ.
2.ເມືອງນາຊາຍທອງ: ຄອນສາຍຫັກ ບ້ານ ອ່າງນ້ຳຫຸມ ແລະ ສາຍຫຼຸດຫົວກ໋ອກຟິວ ບ້ານ ນາຍາງ.
3. ເມືອງປາກງື່ມ: ຕົ້ນໄມ້ຫັກທັບສາຍຕາຂ່າຍ22kV ຂາດ ບ້ານທຸນລົວ ແລະ ສາຍຕາຂ່າຍ 22kVຂາດ ບ້ານ ຫ້ວຍນ້ຳຍຸນ.
ເຊີ່ງຄາດວ່າອີກບໍ່ດົນຈະສາມາດສະໜອງໄຟຟ້າໃຫ້ຜູ້ຊົມໃຊ້ຢ່າງເປັນປົກກະຕິ
ດັ່ງນັ້ນ, ຈື່ງຂໍອະໄພໃນຄວາມບໍ່ສະດວກໃນການຊົມໃຊ້ໄຟຟ້າດ້ວຍ.
ພົບເຫັນຈຸດທີ່ມີບັນຫາ ສາມາດແຈ້ງຜ່ານ
Call Center1199 ຕະຫຼອດ 24ຊົ່ວໂມງ
Whatapp: 020 2825 6536
