ຕາມຂ່າວຈາກວິທະຍຸສາກົນ ແຫ່ງ ສປ ຈີນ, ງານວາງສະແດງສິນຄ້າຈີນ-ອາຊຽນ ຄັ້ງທີ 20 ຈັດຂຶ້ນສິງກະໂປ ເມື່ອບໍ່ດົນມານີ້ ໄດ້ປະກອບສ່ວນເຂົ້າໃນການຊ່ວຍເຫລືອວິສາຫະກິດກໍາແໜ້ນ ໂອກາດການສໍາເລັດການເຈລະຈາພາຍຫລັງການຍົກລະດັບ ສັນຍາການຄ້າເສລີ ລະຫວ່າງຈີນ ແລະ ສິງກະໂປ, ຮັບໃຊ້ສາຍພົວພັນຄູ່ຮ່ວມມືທີ່ມີລັກສະນະເບິ່ງກວ້າງ ເຫັນໄກ ມີຄຸນນະພາບສູງ ແລະ ຮອບດ້ານ ລະຫວ່າງສອງປະເທດ, ໂດຍໄດ້ເສີມຂະຫຍາຍບົດບາດຢ່າງຕັ້ງໜ້າເຂົ້າໃນການຊຸກຍູ້ການຟື້ນຟູເສດຖະກິດຂອງພາກພື້ນ ແລະ ຮັບປະສິດທິຜົນເປັນຢ່າງດີ.
ສຳລັບງານວາງສະແດງສິນຄ້າຈີນ-ອາຊຽນ ຄັ້ງນີ້ໄດ້ເປີດ ການວາງສະແດງຢູ່ຕ່າງປະເທດ ແລະ ຈັດເອົາສິງກະໂປ ເປັນປະເທດທໍາອິດ ເພື່ອເປັນເວທີຮ່ວມມືແຫ່ງການແລກປ່ຽນ ແລະ ການຄົ້ນພົບໂອກາດໃໝ່ ສໍາລັບວິສາຫະກິດຂອງສອງປະເທດ. ໂດຍມີຍອດມູນຄ່າການຮ່ວມມືໃນງານວາງສະແດງຄັ້ງນີ້ບັນລຸເຖິງ 145 ລ້ານໂດລາສະຫະລັດ. ນອກຈາກນີ້ຍັງຈະຈັດງານວາງສະແດງສິນຄ້າຢູ່ລາວ ແລະ ມາເລເຊຍ ພາຍໃນປີນີ້.
(ບັນນາທິການຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
