ຕາມຂ່າວຈາກ ນະຄອນຫລວງ ກີໂຕ,ວັນທີ28ມີນານີ້,ເກີດເຫດ ດິນເຈື່ອນ ໃນພື້ນທີ່ ທາງພາກກາງ ຂອງເອກວາດໍ ສົ່ງຜົນໃຫ້ມີ ຜູ້ເສຍ ຊີວິດ ຢ່າງໜ້ອຍ 7ຄົນ, ບາດເຈັບ 3ຄົນ ແລະ ເລັ່ງຄົ້ນຫາ ຜູ້ສູນຫາຍອີກ 50ຄົນ ຫລັງຈາກ ເກີດຝົນຕົກ ຢ່າງໜັກ ຈົນເກີດ ດິນເຈື່ອນ ຫລາຍແຫ່ງ ແລະ ສ້າງຄວາມເສຍຫາຍ ໃຫ້ແກ່ ໂຮງຮຽນອີກ 3ແຫ່ງ ລວມທັງ ລະບົບ ພື້ນຖານ ໂຄງລ່າງ ໄດ້ຮັບ ຄວາມເສຍຫາຍ ເປັນບໍລິເວນກວ້າງ.ນັບແຕ່ ຕົ້ນປີນີ້ ຝົນຕົກ ລົງມາ ຢ່າງໜັກ ໃນຫລາຍພື້ນທີ່ ສົ່ງຜົນໃຫ້ມີ ຜູ້ເສຍ ຊີວິດ ສະສົມ 22ຄົນ,ເຮືອນປະຊາຊົນ ໄດ້ຮັບ ຄວາມເສຍຫາຍ ຢ່າງໜັກ 72 ຫລັງ ແລະ ອີກຫລາຍກວ່າ 6.900 ແຫ່ງ ໄດ້ຮັບຄວາມເສຍຫາຍ ບາງສ່ວນ ຕາມສະຖິຕິ ຢ່າງເປັນທາງການ ຂອງສຳນັກງານ ປ້ອງກັນ ແລະ ຫລຸດຜ່ອນ ໄພພິບັດ ແຫ່ງຊາດ ເອກວາດໍ ລາຍງານ.
(ບັນນາທິການຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
