ວັນທີ 27 ມີນາ 2023 ນີ້, ການນໍາກະຊວງປ້ອງກັນຄວາມສະຫງົບ (ປກສ) ນໍາໂດຍ ທ່ານ ພົອ ວິໄລ ຫລ້າຄໍາຟອງ ຮອງນາຍົກລັດຖະມົນຕີ, ລັດຖະມົນຕີກະຊວງ ປກສ ພ້ອມດ້ວຍຄະນະ ໄດ້ນໍາກະຕ່າດອກໄມ້ເຂົ້າຢ້ຽມຢາມ ແລະ ອວຍພອນ ພົຕ ສົມແກ້ວ ສີລາວົງ ແລະ ພົຕ ອາຊ່າງ ລາວລີ ອະດີດລັດຖະມົນຕີກະຊວງ ປກສ ເນື່ອງໃນໂອກາດວັນສ້າງຕັ້ງ ກໍາລັງປ້ອງກັນຄວາມສະຫງົບ ຄົບຮອບ 62 ປີ (5 ເມສາ 1961-5 ເມສາ 2023 ) ທີ່ໃກ້ຈະມາເຖິງນີ້.
ການເຂົ້າຢ້ຽມຢາມ ແລະ ອວຍພອນ ຄັ້ງນີ້, ເປັນການຢື່ຢາມຖາມຂ່າວ ແລະ ອວຍພອນໄຊອັນປະເສີດຕໍ່ອະດີດລັດຖະມົນຕີກະຊວງ ປກສ ເນື່ອງໃນໂອກາດວັນສ້າງຕັ້ງກໍາລັງປ້ອງກັນຄວາມສະຫງົບ ຄົບຮອບ 62 ປີ ໃຫ້ມີສຸຂະພາບແຂງແຮງ, ມີຄວາມສຸກທາງກາຍ ແລະ ໃຈ, ມີຄວາມສຸກສ່ວນຕົວ ແລະ ຄອບຄົວ. ພ້ອມນັ້ນ, ຍັງເປັນການສະແດງເຖິງຄວາມຮູ້ບຸນຄຸນ ຕໍ່ອາດີດລັດຖະມົນຕີກະຊວງ ປກສ ທີ່ໄດ້ທຸມເທເຫື່ອແຮງ ສະຕິປັນຍາ, ຄວາມຮູ້-ຄວາມສາມາດ ໃນການນໍາພາ-ຊີ້ນໍາ ກໍາລັງປ້ອງກັນຄວາມສະຫງົບ ປະຊາຊົນລາວ ໃຫ້ເຕີບໃຫຍ່ເຂັ້ມແຂງ, ເດັດດ່ຽວ ກ້າຫານ ແລະ ເຮັດສໍາເລັດໜ້າທີ່ຢ່າງໂດດເດັ່ນ ສະຫງ່າຜ່າເຜີຍ ກາຍເປັນກໍາລັງປ້ອງກັນຄວາມສະຫງົບ ຂອງປະຊາຊົນຢ່າງແທ້ຈິງ.
ໂອກາດນີ້, ຈາກນັ້ນ, ອະດີດລັດຖະມົນຕີກະຊວງ ປກສ ທັງສອງທ່ານ ກໍໄດ້ສະແດງຄວາມຂອບໃຈ ຕໍ່ລັດຖະມົນຕີກະຊວງ ປກສ ພ້ອມຄະນະ ທີ່ໄດ້ມາຢ້ຽມຢາມ ແລະ ອວຍພອນໄຊອັນປະເສີດ ໃນຄັ້ງນີ້ ແລະ ຂໍອວຍພອນໄຊໃຫ້ ທ່ານລັດຖະມົນຕີ ກະຊວງ ປກສ ພ້ອມດ້ວຍຄະນະ ຕະ ຫລອດຮອດກໍາລັງປ້ອງກັນຄວາມສະຫງົບ ທຸກສະຫາຍ ຈົ່ງມີສຸຂະພາບແຮງແຮງ ມີພະລານາໄມສົມບູນ ເຮັດສໍາເລັດໜ້າທີ່ການເມືອງຕາມຄາດໝາຍທີ່ວາງໄວ, ສືບຕໍ່ພ້ອມກັນກໍ່ສ້າງກໍາລັງໃຫ້ມີຄວາມເຕີບໃຫຍ່ ເຂັ້ມແຂງ, ຕອບຕ້ານກົນອຸບາຍຂອງສັດຕູໃຫ້ທັນການ.
ຂ່າວ-ພາບ: ພູເງິນ
