ຕາມຂ່າວຈາກຣອຍເຕີ ວັນທີ 9 ມີນານີ້, ສຳນັກງານອຸດສາຫະກຳສັດ ຂອງກະຊວງກະສິກຳ ຟີລິບປິນ ລາຍນງານຜົນການກວດເລືອດ 58 ຕົວ ຢ່າງ ຈາກທັງໝົດ 149 ຕົວຢ່າງ ໃນແຂວງເຊບູ ມີຜົນການທົດລອງ ເປັນບວກ ສະແດງ ໃຫ້ເຫັນວ່າ ມີການຕິດເຊື້ອ ພະຍາດ ອະຫິວາ ອາຟຣິກາ ໃນໝູ ສາມາດ ແພ່ໄດ້ງ່າຍ ໃນໝູ ແຕ່ບໍ່ເປັນ ອັດຕະລາຍ ຕໍ່ມະນຸດ. ປັດຈຸບັນ ພວມລະບາດຢູ່ 12ແຂວງ ຈາກທັງໝົດ ຫລາຍກວ່າ 80 ແຂວງ ຂອງຟີລິບປິນ. ຂະນະນີ້ ເຈົ້າໜ້າທີ່ ກ່ຽວຂ້ອງ ພວມລົງ ຕິດຕາມ ຢ່າງໃກ້ຊິດ ເພື່ອຄວບຄຸມ ພະຍາດນີ້ ຢ່າງຮີບດ່ວນ./.
(ບັນນາທິການຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
