ຕາມຂ່າວຈາກຣອຍເຕີ ວັນທີ 28 ກຸມພານີ້ ການນຳໃຊ້ຖົງຢາງໃນກຸ່ມປະເທດເສດຖະກິດຂະໜາດໃຫຍ່ຈີ 20 ມີທ່າອ່ຽງ ເພີ່ມຂຶ້ນເກືອບ 2 ເທົ່າ ເວັ້ນແຕ່ຈະມີການຮ່າງສົນທິສັນຍາລະດັບໂລກທີ່ຄຸ້ມຄອງ ແລະ ມີຜົນຜູກມັດທາງກົດໝາຍ ເພື່ອຄວບຄຸມການບໍລິໂພກ. ຂະນະທີ່ໂຄງການສົ່ງເສີມການຣີໂຊເຄີນ (recycle) ຫລື ຫລຸດຜ່ອນການນຳໃຊ້ຖົງຢາງແບບໃຊ້ຄັ້ງດຽວຖິ້ມ.
ກ່ອນໜ້ານີ້ສະຫະປະຊາຊາດ ໄດ້ເລີ່ມເຈລະຈາຂໍ້ຕົກລົງເພື່ອຈັດການກັບມົນລະພິດຖົງຢາງ ຢູ່ປະເທດອູຣຸກວາຍ ໃນເດືອນພະຈິກ ປີກາຍນີ້, ແຕ່ຖ້າການເຈລະຈາບໍ່ປະສົບຜົນສຳເລັດ ການຜະລິດຖົງຢາງໃນແຕ່ລະປີຂອງບັນດາປະເທດ G20 ອາດຈະ ເພີ່ມຂຶ້ນເຖິງ 451 ລ້ານໂຕນ ພາຍໃນປີ 2050 ຕາມອັດຕາການເຕີບໂຕໃນປະຈຸບັນ ຫລື ເພີ່ມຂຶ້ນເກືອບ 3 ໃນ 4 ຈາກລະດັບ ໃນປີ 2019.
(ບັນນາທິການຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
