ຕາມຂ່າວຈາກວິທະຍຸສາກົນຫວຽດນາມ ກອງປະຊຸມຊຸກຍູ້ການຮ່ວມມືໃນການສຶກສາວິຊາຊີບ ລະຫວ່າງ ສສ ຫວຽດນາມ ແລະ ອັງກິດ ຈັດຂຶ້ນໃນວັນ ທີ 21 ກຸມພານີ້ ຢູ່ນະຄອນຫລວງຮ່າໂນ້ຍ ໂດຍກະຊວງແຮງງານ, ທະຫານ ເສຍອົງຄະ ແລະ ສັງຄົມຫວຽດນາມ ສົມທົບກັບສະຖານທູດອັງກິດ ປະຈຳ ສສ ຫວຽດນາມ. ກອງປະຊຸມດັ່ງກ່າວແມ່ນການເຄື່ອນໄຫວຄັ້ງທຳອິດໃນບົດບັນທຶກຊ່ວຍຈຳໃນຂົງເຂດການສຶກສາວິຊາຊີບ ຫລັງຈາກທັງສອງຝ່າຍໄດ້ລົງນາມຮ່ວມກັນ ໃນປີ 2022. ຈາກນັ້ນ ທ່ານ Ian Frew, ເອກອັກຄະລັດຖະທູດອັງກິດ ກ່າວຢືນຢັນວ່າ: ປີ 2023 ເປັນປີສ້າງ ຂີດໝາຍ 50 ປີແຫ່ງວັນ ອັງກິດ ແລະ ສສ ຫວຽດນາມ ສ້າງຕັ້ງ ສາຍພົວພັນ ທາງການທູດ, ແລະ ການສຶກສາຍາມໃດ ກໍ່ແມ່ນຂົງເຂດຫລັກແຫລ່ງ ລະຫວ່າງ 2 ປະເທດ ພ້ອມທັງຍົກສູງຄຸນນະພາບການບຳລຸງສ້າງດ້ານທັກສະເພື່ອປະກອບສ່ວນສຳຄັນເຂົ້າໃນການພັດທະນາເສດຖະກິດສັງຄົມແບບຍືນຍົງ, ຍົກສູງການແກ່ງແຍ້ງດ້ານການຕະຫລາດ ແລະ ເພື່ອຍົກສູງຄຸນນະພາບ ທັກສະ ວິຊາຊີບ ແລະ ວິວັດ ການຮ່ວມມື ໄລຍະຍາວຢູ່ ສສ ຫວຽດນາມ. ໃນໂອກາດນີ້ຜູ້ຕາງໜ້າບັນດາອົງການສຶກສາວິຊາຊີບຢູ່ອັງກິດ ໄດ້ແບ່ງປັນບັນດາບົດຮຽນ, ປະສົບການໃນເລື່ອງຊຸກຍູ້ການເຂົ້າຮ່ວມຂອງວິສາຫະກິດເຂົ້າໃນການສຶກສາວິຊາຊີບ, ຊຸກຍູ້ເຕັກໂນໂລຊີດີຈິຕອນ.
(ບັນນາທິການຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
