ຕາມຂາວຈາກນູແວນເຊລັງ ວັນທີ 13 ກຸມພານີ້, ພາຍຸໂຊນຮ້ອນເກບຽນ ພັດຖະຫລົ່ມເກາະທາງພາກເໜືອຂອງນູແວນເຊລັງ ສົ່ງຜົນໃຫ້ປະຊາຊົນ ປະມານ 58.000 ຄົນ ບໍ່ມີໄຟຟ້າໃຊ້ ແລະ ຍັງສົ່ງຜົນກະທົບຢ່າງໜັກຕໍ່ລະບົບການຈະລາຈອນ ທັງທາງບົກ ແລະ ທາງອາກາດ ລວມທັງທາງລົດໄຟ ຫລັງຈາກຍົກເລີກຖ້ຽວບິນເຖິງ 509 ຖ້ຽວ ສົ່ງຜົນກະທົບຕໍ່ຜູ້ໂດຍສານ ຫລາຍໝື່ນຄົນ.
ພາຍຸດັ່ງກ່າວມີຄວາມແຮງລົມ 140 ກິໂລແມັດ ຕໍ່ຊົ່ວໂມງ ສ້າງຄວາມເສຍຫາຍເປັນບໍລິເວນກວ້າງ. ປັດຈຸບັນເຈົ້າໜ້າທີ່ທາງການປະກາດສະຖານະການສຸກເສີນໃນພື້ນທີ່ 5 ເຂດ ເທິງເກາະພາກເໜືອ ລວມທັງເມືອງໂອກແລນ ທີ່ມີປະຊາກອນອາໄສຢູ່ປະມານ 1,6 ລ້ານຄົນ.
(ບັນນາທິການຂ່າວ: ຕ່າງປະເທດ), ຮຽບຮຽງຂ່າວໂດຍ: ສະໄຫວ ລາດປາກດີ
