ຕາມຂ່າວຈາກວິທະຍຸສາກົນຫວຽດນາມ ວັນທີ12 ກຸມພານີ້ີ້ ຄະນະປະຕິບັດງານກູ້ໄພກູ້ຊີບສາກົນ ຂອງກະຊວງຕຳຫລວດ ສສ ຫວຽດນາມ ໄດ້ມອບເຄື່ອງອຸປະກອນການແພດ ປະລິມານ 2 ໂຕນ ໃຫ້ແກ່ຕວກກີ ຜ່ານອົງການຮັບມືກັບໄພພິບັດ ແລະ ກໍລະນີຮີບດ່ວນ (AFAD) ຂອງປະເທດນີ້. ເຄື່ອງອຸປະຖຳດັ່ງກ່າວລວມມີ: ຢາສຸກເສີນ, ຢາຈຳເປັນເຮືອນ, ເຄື່ອງວັດຖຸ ອຸປະກອນການແພດຕ່າງໆ, ພາຫະນະ, ທາດເຄມີ ປ້ອງກັນ, ຕ້ານພະຍາດລະບາດ ແລະ ອື່ນໆອີກ. ທ່ານ Isamail Sahin ຮອງຜູ້ອຳນວຍການ ອົງການຮັບມືກັບໄພພິບັດ ແລະ ກໍລະນີຮີບດ່ວນ (AFAD) ປະຈຳ Adiyaman, ໄດ້ຕີລາຄາສູງການໜູນຊ່ວຍຢ່າງທັນການ ຂອງ ສສ ຫວຽດນາມ ແລະ ພົບປະກັບ ທ່ານ ພັນເອກ ຫງວຽນ ມິນເຄືອງ, ເພື່ອສະແດງຄຳຂອບອົກ ຂອບໃຈຕໍ່ການຊ່ວຍເຫລືອ ຂອງລັດຖະບານ ແລະ ປະຊາຊົນຫວຽດນາມ.
(ບັນນາທິການຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
