ສຳນັກຂ່າວຊິນຮວາ ຂອງ ສປ ຈີນ, ເມື່ອບໍ່ດົນມານີ້, ສຳນັກງານສະຖິຕິຂອງຣັດເຊຍ ເປີດເຜີຍຈໍານວນຜູ້ອາໄສຢູ່ຖາວອນ ໃນຣັດເຊຍ ຫລາຍກວ່າ 146,4 ລ້ານຄົນ ຫາກນັບເຖິງ ວັນທີ 1 ມັງກອນປີ 2022 ຫລຸດລົງ 555.332 ຄົນ ຈາກປີ 2021 ປະຊາກອນຫລາຍກວ່າ 40 ລ້ານຄົນ ອາໄສຢູ່ເຂດສູນກາງເສດຖະກິດ ແລະ ອີກ 13 ລ້ານກວ່າຄົນຢູ່ນະຄອນຫລວງມົດສະກູ.ເຂດຕາເວັນອອກສ່ຽງເໜືອຂອງຣັດເຊຍ ມີຜູ້ຢູ່ອາໄສຫລາຍກວ່າ 13,6 ລ້ານຄົນ ແລະ ນະຄອນປີເຕີສເບຣີກມີຜູ້ຢູ່ອາໄສ ເກືອບ 5,6 ລ້ານຄົນ. ຂະນະທີ່ຈຳນວນຜູ້ຢູ່ອາໄສໃນເຂດເມືອງປະມານ 109,6 ລ້ານຄົນ ໂດຍເມືອງ 16 ແຫ່ງ ມີປະຊາກອນ ຫລາຍກວ່າ 1 ລ້ານຄົນເຊັ່ນ: Novosibirsk.Yekaterinburg, Kazan ແລະ Nizhny Novgorod.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
