ຄະນະພັກ-ອຳນາດການປົກຄອງເມືອງໂຂງ ຮ່ວມກັບ ບໍລິສັດຮ່ວມພັດທະນາສີທັນ ດອນ ຈຳກັດ ຈະຈັດບຸນກາບໄຫວ້ ຕົ້ນໄມ້ມະນີໂຄດ ຢູ່ແຫລ່ງທ່ອງທ່ຽວນ້ຳຕົກຕາດ ຄອນພະເພັງ.
ກຳນົດງານບຸນມີດັ່ງນີ້: ວັນທີ 12/1/2023 ເປັນມື້ຫ້າງຫາກະກຽມ, ຕົບແຕ່ງກອງບຸນ ແລະ ເຄື່ອງໄຊຍະທານ, ຕອນແລງມີພິທີສູດປະລິຕະມຸງຄຸນ ແລະ ຟັງທຳມະເທສະໜາ, ວັນທີ 13/1/2023 ເປັນມື້ຕັກບາດ, ຖວາຍກອງບຸນ ແລະ ເຄື່ອງສັງຄະທານ ແດ່ພະສົງສາມະເນນ 13 ອົງ ແລະ ສໍາເລັດບຸນໃນວັນນັ້ນ.
ດັ່ງນັ້ນ, ຈຶ່ງຂໍແຈ້ງຂ່າວ ກຸສົນນີ້ ມາຍັງຍາດຕິພີ່ນ້ອງຜູ້ຢູ່ໃກ້ ແລະ ຢູ່ໄກ ທີ່ມີຈິດໃຈເຫລື້ອມໃສໃນພະພຸດທະສາສະໜາ ຈົ່ງໄດ້ເສຍສະຫລະເວລາ ໄປຮ່ວມງານຄັ້ງນີ້ດ້ວຍ.
