ຄະນະໂຄສະນາອົບຮົມສູນກາງພັກ ໄດ້ດຳເນີນສະຫລຸບ ຕີລາຄາ ການຈັດຕັ້ງ ປະຕິບັດ ຂະບວນການແຂ່ງຂັນຍ້ອງຍໍ-ຮັກຊາດ ແລະ ພັດທະນາ, ພ້ອມທັງວາງ ທິດທາງ ແຜນການໃນຕໍ່ໜ້າ ແລະ ປະກາດການຈັດຕັ້ງ ເຊິ່ງພິທີດັ່ງກ່າວ ໄດ້ຈັດຂຶ້ນໃນວັນທີ 2 ຕຸລາ 2022 ໂດຍການເປັນປະທານຂອງ ສະຫາຍ ຄຳພັນ ເຜີຍຍະວົງ ຫົວໜ້າຄະນະໂຄສະນາ ອົບຮົມສູນກາງພັກ, ມີພັກພະນັກງານພາຍໃນເຂົ້າຮ່ວມຢ່າງພ້ອມພຽງ.
ສະຫາຍ ລາວປາວຊົ່ງ ຮອງຫົວໜ້າ ຄະນະໂຄສະນາອົບຮົມສູນກາງພັກ ໄດ້ຊີ້ໃຫ້ ເຫັນການເຄື່ອນໄຫວປະຕິບັດໜ້າທີ່ວຽກງານ 2016-2020 ເຊິ່ງ 5 ປີຜ່ານມາ ຄະນະໂຄສະ ນາອົບຮົມສູນກາງພັກ ໄດ້ເອົາໃຈໃສ່ປະຕິບັດພາລະບົດບາດ ໃນການຄົ້ນຄ້ວາແນວທາງ, ແຜນນະໂຍບາຍ ແລະ ນະໂຍບາຍ ໃນຂົງເຂດວຽກງານການເມືອງ-ແນວຄິດ; ໄດ້ເອົາໃຈໃສ່ ສຶກສາອົບການເມືອງ-ແນວຄິດ ໃຫ້ສະມາຊິກພັກ-ພະນັກງານ ແລະ ຈັດຕັ້ງເຊື່ອມຊຶມບັນດາ ມະຕິ, ຄຳສັ່ງ, ຄຳແນະນຳ, ກົດລະບຽບຂອງພັກ, ກົດໝາຍ ແລະ ແຜນພັດທະນາເສດຖະ ກິດ-ສັງຄົມ ຂອງລັດ. ດັ່ງນັ້ນ, ຈຶ່ງເຮັດໃຫ້ສະພາບແນວຄິດຂອງສະມາຊິກພັກ, ພະນັກງານ
ມີຄວາມອຸ່ນອຽນທຸ່ນທ່ຽງ, ເຊື່ອໝັ້ນຕໍ່ການນຳພາຂອງພັກ, ການຄຸ້ມຂອງຂອງລັດ, ມີຄວາມ ບຸກບືນໃນການປະຕິບັດໜ້າທີ່ວຽກງານ, ມີສະຕິຕໍ່ການຈັດຕັ້ງ, ປະຕິບັດແນວທາງນະໂຍບາຍ ຂອງພັກ-ລະບຽບກົດໝາຍຂອງລັດວາງອອກ; ນອກຈາກນີ້, ໄດ້ຊີ້ນຳ-ນຳພາດຳເນີນວຽກງານ ໂຄສະນາ-ປາຖະກະຖາ ກ່ຽວກັບວັນສຳຄັນຕ່າງໆ ຂອງຊາດ, ຂອງພັກ ແລະ ສາກົນ; ໄດ້ ຄົ້ນຄວ້າຂຽນປຶ້ມ ຄູ່ມືປາຖະກະຖາໄດ້ທັງໝົດ 36 ຫົວຂໍ້, ຈັດພິມຈໍານວນ 5.000 ຫົວ; ໄດ້ ສ້າງປຶ້ມຄູ່ມືໂຄສະນາ-ປາຖະກະຖາ ຈຳນວນ 4 ຊະນິດ; ສຳເລັດການສ້າງປຶ້ມໜ້າປົກຂາວ ສະພາບການພົວພັນລາວ-ກຳປູເຈຍ ແລະ ປຶ້ມສຶກສາອົບຮົມການເມືອງ-ແນວຄິດການສ້າງ ປະຊາຄົມຄູ່ຮ່ວມຊະຕາກໍາ ລາວ-ຈີນ; ໄດ້ປະກອບສ່ວນຂຽນເນື້ອໃນປະຫວັດມູນເຊື້ອ ເມືອງ ວຽງໄຊ ຄົບຮອບ 50 ປີ; ເກັບກຳສະພາບທີ່ພົ້ນເດັ່ນຂອງຂະແໜງການ ທັງສູນກາງ ແລະ ທ້ອງຖິ່ນ ຕາມເວັບໄຊສື່ເອເລັກໂຕຣນິກ, ສື່ສິ່ງພິມ ທັງພາຍໃນ ແລະ ຕ່າງປະເທດ ໃນແຕ່ ລະໄລຍະ.
ສຳລັບທິດທາງຄາດໝາຍສູ້ຊົນ, ມາດຕະການຈັດຕັ້ງປະຕິບັດ ຂະບວນແຂ່ງຂັນຮັກ ຊາດ ແລະ ພັດທະນາ ຮອດປີ (2025) ສຶບຕໍ່ເອົາໃຈໃສ່ປະຕິບັດພາລະບົດບາດ ເປັນເສ ນາທິການໃຫ້ແກ່ ຄະນະໂຄສະນາອົບຮົມສູນກາງພັກ, ກົມການເມືອງສູນກາງພັກ, ຄະນະ ເລຂາທິການສູນກາງພັກ ແລະ ລັດຖະບານ ໃນການຄົ້ນຄ້ວາແນວທາງ, ແຜນນະໂຍບາຍ, ນະໂຍບາຍພາຍໃນຂົງເຂດວຽກງານການເມືອງແນວຄິດ; ເອົາໃຈໃສ່ສຶກສາອົບຮົມການເມືອງ-ແນວຄິດ ໃຫ້ສະມາຊິກພັກ-ພະນັກງານ ແລະ ຈັດຕັ້ງເຊືອມຊຶມບັນດາມະຕິ, ຄຳສັ່ງ, ຄຳ ແນະນໍາ, ກົດລະບຽບຂອງພັກ, ກົດໝາຍ ແລະ ແຜນພັດທະນາເສດຖະກິດ-ສັງຄົມຂອງລັດ ກໍ່ຄືແຜນພັດທະນາຂອງ ຄະນະພັກ ຄະນະໂຄສະນາອົບຮົມສູນກາງພັກ ໃຫ້ມີຄວາມຮັບຮູ້ ແລະ ເຂົ້າໃຈຢ່າງເລິກເຊິ່ງ.
ໃນໂອກາດນີ້, ກໍໄດ້ມີການປະດັບຫລຽນໄຊແຮງງານຊັ້ນ I ຈຳນວນ 11 ສະຫາຍ; ຫລຽນໄຊແຮງງານຊັ້ນ II ຈຳນວນ 17 ສະຫາຍ; ຫລຽນໄຊແຮງງານຊັ້ນ III ຈຳນວນ 12ສະຫາຍ; ຫລຽນກາແຮງງານ 20 ສະຫາຍ; ໃບຍ້ອງຍໍລັດຖະບານ 57 ສະຫາຍ ແລະ ໃບຍ້ອງຍໍ ຄອສພ 30 ສະຫາຍ ໃຫ້ກັບບຸກຄົນທີ່ມີຜົນງານດີເດັ່ນ. ພ້ອມນີ້ ຍັງໄດ້ປະກາດ ການຈັດຕັ້ງຊັບຊ້ອນພະນັກງານ ແລະ ຮັບອຸດໝູນບຳນວນນຈຳນວນໜຶ່ງ.
