ແຫລ່ງຂ່າວຈາກ ແຂວງສະຫວັນນະເຂດ ໃຫ້ຮູ້ວ່າ: ເມື່ອບໍ່ດົນມານີ້, ການນຳເມືອງນອງ ນຳໂດຍ ທ່ານ ສຸກສາຄອນ ໂພທິລາດ ຮອງເລຂາພັກເມືອງ, ທ່ານ ນາງ ສັງທອງ ກຽດຕະວົງ ຮອງເຈົ້າເມືອງໆນອງ, ເປັນປະທານ ຄະນະກຳມະການຕ້ານໄພພິບັດ ຂັ້ນເມືອງ, ພ້ອມດ້ວຍຫົວໜ້າ ຫ້ອງການ ຍທຂ ແລະ ປະຊາຊົນ ບ້ານ ຕະກໍ ສ້ອມແປງເສັ້ນທາງ ແລະ ທໍ່ລອດທາງ ທີ່ເປ່ເພເສຍຫາຍ ຈາກກພາຍຸໂນຣູ.
ສຳລັບຢູ່ເມືອງນອງ ແມ່ນໄດ້ຮັບຜົນກະທົບຈາກພາຍຸດັ່ງກ່າວ ພຽງເລັກໜ້ອຍ ດັ່ງນັ້ນ, ການນຳຂອງເມືອງ ພ້ອມດ້ວຍພາກສ່ວນກ່ຽວຂ້ອງ ຈຶ່ງໄດ້ພາກັນຂົນເອົາດິນມາຖົມໃນຈຸດທີ່ເປ່ເພຄື: ບໍລິເວນທໍ່ລອດພື້ນ(ຫ້ວຍລະເບົາ), ປາກທໍ່ມີການເຊາະເຈື່ອນ, ນ້ຳກັດເຊາະເຮັດໃຫ້ການສັນຈອນໄປມາພົບຄວາມຫຍຸ້ງຍາກ, ຊຶ່ງການສ້ອມແປງເສັ້ນທາງຄັ້ງນີ້ ແມ່ນໄດ້ຮັບການອຸປະຖຳ ແລະ ການປະກອບສ່ວນຈາກ ບໍລິສັດແຮ່-ຊາຍ ເມືອງນອງ ທ່ານ ຖິ່ນ ກຽດຕະວົງ ລວມມູນ ຄ່າ 2.500.000 ກີບ.
Medialaos MMD
