ຕາມຂ່າວຈາກນະຄອນຫລວງດາກາ, ເກີດເຫດກຳປັ່ນຂ້າມຟາກບັນທຸກຜູ້ໂດຍສານຫລາຍກວ່າ 70 ຄົນ ຂວ້ຳຢູ່ກາງແມ່ນ້ຳ ໃນບັງກລາເທດ ເມື່ອວັນທີ 25 ກັນຍານີ້ ເຮັດໃຫ້ມີຜູ້ເສຍຊີວິດຢ່າງໜ້ອຍ 31 ຄົນ ແລະ ສູນຫາຍອີກ ຈຳນວນໜຶ່ງ. ຂະນະນີ້ ໜ່ວຍງານກູ້ໄພພວມປະຕິບັດການຄົ້ນຫາຜູ້ສູນຫາຍຢ່າງຮີບດ່ວນ. ໃນເບື້ອງຕົ້ນຄາດວ່າກຳປັ່ນລຳດັ່ງກ່າວບັນທຸກຜູ້ໂດຍສານເກີນກຳນົດຈຶ່ງເກີດການສູນເສຍຢ່າງຍິ່ງໃຫຍ່ໃນຄັ້ງນີ້.
(ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
