ສື່ລາຍງານວ່າ ແຈັກ ກຣີລິຊ ກອງໜ້າຂອງ ແມນເຊສເຕີ ຊີຕີ ໄດ້ບອກກັບຕົວແທນສ່ວນຕົວ ໃຫ້ຊອກຫາສະໂມສອນໃໝ່ ເນື່ອງຈາກເຂົາຄາກຫວັງວ່າຈະອໍາລາ ແມນເຊສເຕີ ຊີຕີ ໃນລະດູຮ້ອນໜ້າ.
ສໍາລັບ ກຣີລິຊ ຍ້າຍຈາກ ແອສຕັນ ວິນລາ ມາຢູ່ກັບ ແມນເຊັສເຕີ ຊິຕີ ດ້ວຍຄ່າຕົວ 100 ລ້ານປອນ ເມື່ອປີ 2021 ເຖິງແນວໃດ ຜູ້ກ່ຽວກັບສ້າງຜົນງານບໍ່ຄ່ອຍໜ້າພໍໃຈ ດ້ວຍສະຖິຕິຍິງໄປ 7 ປະຕູ ກັບສົ່ງໃຫ້ໝູ່ຍິງ 4 ປະຕູຈາກ 45 ເກມໃນທຸກການແຂ່ງຂັນ.
ຈາກຜົນທີ່ເກີດຂຶ້ນ ສົ່ງຜົນໃຫ້ດາວເຕະໄວ 27 ປີ ຕ້ອງຕົກເປັນຕົວສຳຮອງ ໂດຍໃນລະດູການນີ້ ເຂົາໄດ້ລົງຫຼິ້ນໄປພຽງແຕ່ 3 ນັດເທົ່ານັ້ນ ໃນເວທີພຣີເມຍລີກ ແຖມຍັງຖືກວິພາກວິຈານຢ່າງໜັກວ່າຫຼິ້ນບໍ່ກຸ້ມຄ່າຕົວ.
ຈົນຫຼ້າສຸດ “ໄນຕີມິນ” ສື່ກິລາບານເຕະທີ່ມີຊື່ສຽງກ່າວວ່າ ນັກເຕະທີມຊາດອັງກິດຄົນນີ້ ບໍ່ຄິດວ່າຈະຢູ່ກັບ ແມນ ຊີຕີ ຕໍ່ໄປຫຼັງຈາກຈົບລະດູການນີ້ ແລະ ໄດ້ແຈ້ງໃຫ້ຕົວແທນສ່ວນຕົວແລ້ວວ່າ ໃຫ້ຊອກຫາສະໂມສອນທີ່ມີສັກກະຍະພາບ ແລະ ເໝາະສົມກັບເຂົາໄວ້.
