ຈູດ ເບວລິງແຮມ ກອງກາງເນື້ອຫອມຂອງ ດອດມຸນ ຕົກເປັນຂ່າວ ເລືອກທີມໃໝ່ໄວ້ໃນໃຈແລ້ວ ຫາກຕ້ອງຍ້າຍທີມໃນປີໜ້າ ວັນທີ 23 ກັນຍາ 2022 ໂຊເຊ ອັນວາເຣັສ ຮາຢາ ນັກຂ່າວຂອງໜັງສືພິມ El Chiringuito ໃນແອັດສະປາຍ ໄດ້ລາຍງານວ່າ ຈູດ ເບວລິງແຮມ ກອງກາງທີມຊາດອັງກິດຂອງ ໂບຣຸສເຊຍ ດອດມຸນ ສະໂມສອນແຂງແກ່ນໃນບຸນເດັສລີກາ ເຢຍລະມັນ ຕ້ອງການຍ້າຍໄປຮ່ວມທີມ ຣີວ ມາດຣິດ ສະໂມສອນຍິ່ງໃຫຍ່ແຫ່ງເວທີ ລາ ລີກາ ແອັດສະປາຍ ຫຼາຍກວ່າທີມໃນ ພຣີເມຍລີກ ອັງກິດ.
ສໍາລັບ ເບວລິງແຮມ ເຖິງວ່າຈະມີອາຍຸພຽງແຕ່ 19 ປີ ແຕ່ກໍກາຍເປັນຜູ້ຫຼິ້ນຕົວຫຼັກຂອງ ດອດມຸນ ແລະ ຕິດທີມຊາດອັງກິດຊຸດໃຫຍ່ໄປແລ້ວຮຽບຮ້ອຍ ແລະ ມີລຸ້ນໄປແຂ່ງຂັນເຕະບານໂລກ 2022 ຮອບສຸດທ້າຍທີ່ປະເທດກາຕາອີກດ້ວຍ ເຊິ່ງຈາກຟອມການຫຼິ້ນອັນຍອດຢ່ຽມ ເຮັດໃຫ້ເຂົາຕົກເປັນທີ່ໝາຍປອງຂອງຫຼາຍສະໂມສອນໃນທະວີບເອີຣົບ ທີ່ຫວັງດຶງຕົວໄປຮ່ວມທີມໃນປີໜ້າ ບໍ່ວ່າຈະເປົັນ ລິເວີພູລ, ແມນເຊັສເຕີ ຢູໄນເຕັດ, ເຊວຊີ ແລະ ຣີວ ມາດຣິດ ໂດຍທາງ ດອດມຸນ ປະເມີນຄ່າຕົວເອົາໄວ້ສູງເຖິງ 131 ລ້ານປອນ.
ທັງນີ້ ອີງຕາມການລາຍງານຫຼ້າສຸດຈາກ ຮາຢາ ລະບຸວ່າ ເບວລິງແຮມ ຢາກໄປຫຫຼິ້ນໃຫ້ກັບ ຣິວ ມາດຣິດ ຫຼາຍກ່ວາບັນດາສະໂມສອນໃນອັງກິດ ເພາະຕ້ອງການເຂົ້າໄປເປັນໜຶ່ງໃນແຜງກອງກາງຍຸກໃໝ່ຂອງ ຣິວ ມາດຣິດ ທີ່ເລີ່ມມີການດຶງນັກເຕະອາຍຸໜຸ່ມເຂົ້າມາຮ່ວມທີມເລື້ອຍໆ ແລະ ບັນດານັກເຕະຕົວປະສົບການກໍຄ່ອຍໆທະຍອຍໂບກມືລາທີມໄປ ແລະ ເຊື່ອໝັ້ນວ່າຕົວເຂົາຈະກາຍເປັນນັກເຕະຄົນສໍາຄັນຂອງທີມໄດ້ຢ່າງແນ່ນອນ.
