ວິທະຍຸກະຈາຍສຽງຫວຽດນາມລາຍງານວ່າ: ຫວ່າງບໍ່ດົນມານີ້, ສະຖາບັນການເມືອງແຫ່ງຊາດ ໂຮ່ຈີມິນ ແລະ ຄະນະພັກແຂວງ ເຊີນລາ, ຫວຽດນາມ ໄດ້ສົມທົບກັນຈັດກອງປະຊຸມສຳມະນາວິທະຍາສາດ “ພັດທະນາລະບົບການຮ່ວມມືການຜະລິດ, ຈຳໜ່າຍຜະລິດຕະພັນກະເສດແຂວງ ເຊີນລາ ໃນສະພາບການໃໝ່”.
ຂ່າວລະບຸວ່າ: ທີ່ກອງປະຊຸມສຳມະນາ, ບັນດາຜູ້ແທນໄດ້ຕີລາຄາສະພາບຕົວຈິງ ແລະ ບາງບັນຫາທີ່ໄດ້ວາງອອກໃນການຮ່ວມມືການຜະລິດ, ຈຳໜ່າຍຜະລິດຕະພັນກະເສດ ເຊີນລາ ໃນສະພາບການໃໝ່; ຕິດຕໍ່ບາງຮູບແບບຮ່ວມມືການຜະລິດ, ຈຳໜ່າຍຜະລິດຕະພັນກະເສດໃນໂລກ; ກຳນົດບົດບາດຂອງລະບົບຮ່ວມການຮ່ວມມືຜະລິດຕະພັນກະເສດໃນການພັດທະນາເສດຖະກິດ – ສັງຄົມ.
ທ່ານສາດ ສະດາຈານ, ປະລິນຍາເອກ ຫງວຽນຊວັນທັງ ຫົວໜ້າສະຖາບັນການເມືອງແຫ່ງຊາດ ໂຮ່ຈີມິນ, ປະທານສະພາທິດສະດີສູນກາງພັກ ຖືວ່າ: ຢາກບຸກທະລຸໃນການພັດທະນາກະສິກຳ, ຕ້ອງມີການເຂົ້າຮ່ວມເດີນທາງຂອງວິສາຫະກິດຢ່າງແທດຈິງ ແລະ ແນ່ນອນ, ຍ້ອນນີ້ແມ່ນສິ່ງສຳຄັນໃນການຜະລິດສິນຄ້າໃຫຍ່ ແລະ ແກ້ໄຂໃຫ້ທັງຕະຫຼາດຂາເຂົ້າ – ຂາອອກໃຫ້ແກ່ຊາວກະສິກອນຢ່າງມີປະສິດທິຜົນ. ມີວິສາຫະກິດຫຼາຍແຫ່ງໄດ້ມາເຄື່ອນໄຫວຢູ່ແຂວງ ເຊີນລາ, ພວກເຮົາຕ້ອງແບ່ງປັນ, ເພີ່ມທະວີຄວາມເຂົ້າໃຈຊຶ່ງກັນ ແລະ ກັນ ລະຫວ່າງວິສາຫະກິດກັບອຳນາດການປົກຄອງ.
Medialaos MMD (ແຫຼ່ງຂໍ້ມູນຈາກ: ໜັງສືພີມ ປະຊາຊົນ)
