ຕາມຂ່າວຈາກ mcot,ວັນທີ15 ກັນຍານີ້, ລັດຖະບານ ສ.ອາເມລິກາ ອະນຸມັດວົງເງິນງວດທຳອິດ 900 ລ້ານໂດລາສະຫະລັດ ສ້າງສະຖານີສາກລົດໄຟຟ້າ 500.000 ສະຖານີ ໃນ 35 ລັດ ໂດຍຕັ້ງເປົ້າໝາຍໄວ້ວ່າພາຍໃນປີ 2030 ລົດໄຟຟ້າຈະມີຍອດລົດຈຳໜ່າຍກວມເອົາ 50% ຂອງລົດໃໝ່ ທັງໝົດ.
ການຕັດສິນໃຈຄັ້ງນີ້ເກີດຂຶ້ນຫລັງຈາກ ທ່ານ ໂຈ ໄບເດນ (Joe Biden), ປະທານາ ທິບໍດີ ສ.ອາເມລິກາ ເຂົ້າຮ່ວມງານວາງສະແດງລົດດີທຣອຍ (Detroit) ໃນລັດ ມີຊິເກນ (Michigan) ປະກາດວ່າຈະສະໜັບສະໜູນໃຫ້ບັນດາຜູ້ຜະລິດລົດຫັນມາສູ່ການໃຊ້ພະລັງງານສະອາດ ຫລື ພາຫະນະໄຟຟ້າແທນນ້ຳມັນ ລວມທັງຈະສະໜັບສະໜູນເງິນທຶນໃໝ່ ສໍາລັບ ໂຮງງານຜະລິດໝໍ້ເກັບພະລັງງານໄຟຟ້າອີກດ້ວຍ.
(ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
