ວິທະຍຸສາກົນ ແຫ່ງປະເທດຈີນ ລາຍງານໃຫ້ຮູ້ວ່າ: ກິດຈະກຳແລກປ່ຽນ ແລະວາງສະແດງຮູບພາບຈີນ-ຣັດເຊຍ ເຊິ່ງແມ່ນວິທະຍຸໂທລະພາບສູນກາງຈີນ ແລະສະຖານທູດຣັດເຊຍປະຈຳຈີນ ເປັນເຈົ້າພາບຮ່ວມໄດ້ເລີ່ມຈັດຂຶ້ນໃນວັນທີ 26 ສິງຫາ 2022.
ໃນໄລຍະຈັດກິດຈະກຳແລກປ່ຽນແລະວາງສະແດງຮູບພາບຈີນ-ຣັດເຊຍ CGTN ຂອງວິທະຍຸໂທລະພາບສູນກາງຈີນ ຈະສະໜອງຟີມບັນທຶກ ດ້ວຍຫົວຂໍ້ສະເພາະ ແລະການລາຍງານຂ່າວສຳຄັນຕ່າງໆທີ່ດີເດັ່ນຈຳນວນໜຶ່ງໃຫ້ຝ່າຍຣັດເຊຍ ລວມທັງ ສະຕິປັນຍາຈີນໃນກະລາຊິກ, ຖອດລະຫັດເວລາ 10 ປີ, ເບິ່ງປະເທດຈີນ ແລະລາຍການດີເດັ່ນອື່ນໆຈະອອກອາກາດຢູ່ສື່ຫລັກຂອງຣັດເຊຍ ເຊັ່ນ:ບໍລິສັດໂທລະພາບວິທະຍຸແຫ່ງຊາດຣັດເຊຍ, ຂ່າວສານສາກົນຣັດເຊຍ ໃນທຸກມື້ນີ້ ແລະອື່ນໆເພື່ອສະແດງປະເທດຈີນທີ່ແທ້ຈິງຕໍ່ຜູ້ຊົມຣັດເຊຍຢ່າງຮອບດ້ານ.
ຈີນ-ຣັດເຊຍ ທັງສອງຝ່າຍກ່າວວ່າ: ຈະຖືເອົາ ກິດຈະກຳແລກປ່ຽນ ແລະ ວາງສະແດງຮູບພາບຈີນ-ຣັດເຊຍ ເປັນໂອກາດ ລົງເລິກການແລກປ່ຽນ ແລະການຮ່ວມມືດ້ານສື່ມວນຊົນ ລະຫວ່າງ ຈີນ-ຣັດເຊຍ ຢ່າງບໍ່ຢຸດຢັ້ງ, ຊຸກຍູ້ຄວາມ ເຂົ້າໃຈກັນລະຫວ່າງປະຊາຊົນສອງຊາດຈີນ-ຣັດເຊຍຕື່ມອີກ, ເພີ່ມທະວີມິດຕະພາບທີ່ມີມູນເຊື້ອລະຫວ່າງສອງຊາດຈີນ-ຣັດເຊຍ.
ພາຍຫລັງ ກິດຈະກຳແລກປ່ຽນ ແລະວາງສະແດງຮູບພາບຈີນ-ຣັດເຊຍ ສິ້ນສຸດລົງແລ້ວ, ສະຖານທູດຣັດເຊຍ ໄດ້ຈັດພິທີມອບຫລຽນໄຊມິດຕະພາບ ໃຫ້ແກ່ ທ່ານ ເຊິ້ນໄຫສົງ ຜູ້ອຳນວຍການໃຫຍ່ ທັງເປັນຫົວໜ້າບັນນາທິການວິທະຍຸໂທລະພາບສູນກາງຈີນ.
