ຕາມຂ່າວຈາກ ຊິນຮວາ,ເມື່ອບໍ່ດົນມານີ້ ມຽນມາ ເປີດສູນຂໍ້ມູນ ຂ່າວສານ ປະຈຳ ໂຄງການ ລ້າງຊ້າງ-ແມ່ນ້ຳຂອງ ຢູ່ນະຄອນຫລວງ ເນປີດໍ ຊຶ່ງເປັນການ ຈັດຕັ້ງ ຂຶ້ນ ສຳລັບ ໂຄງການຕ່າງໆ ທີ່ຈັດຕັ້ງ ປະຕິບັດ ພາຍໃຕ້ ກອງທຶນ ພິເສດ ການຮ່ວມມື ລ້ານຊ້າງ-ແມ່ຂອງ (LMC) ຫລັງຈາກ ທ່ານ ຢູທິນ ທົດ ອູ (You Tin Thod Oo) ລັດຖະມົນຕີ ກະຊວງກະສິກຳ, ລ້ຽງສັດ ແລະ ຊົນລະປະທານ ຂອງສະຫະພາບ ມຽນມາ ລະບຸວ່າ: ສູນຂໍ້ມູນແຫ່ງນີ້ ຈະອຳນວຍ ຄວາມສະດວກ ໃນການເຂົ້າເຖິງ ຂໍ້ມູນຂ່າວ ສານ ແລະ ຕົວຊີ້ວັດ ກ່ຽວກັບ ໂຄງການກະສິກຳ, ລ້ຽງສັດ, ສິນໃນນ້ຳ ແລະ ການພັດທະນາ ຊົນນະບົດຜ່ານຊ່ອງທາງແລກປ່ຽນຂໍ້ມູນຂ່າວສານ ຂອງບັນດາປະເທດລ້ານຊ້າງ-ແມ່ນ້ຳຂອງ ແນໃສ່ສ້າງຂີດຄວາມສາມາດ ຂອງເຈົ້າໜ້າທີ່ພາຍໃນໜ່ວຍງານ ແລະ ຮ່າງກອບການເຮັດວຽກເພື່ອເຊື່ອງໂຍງ ລະຫວ່າງສາກົນ ພ້ອມທັງຈະຊ່ວຍປັບປຸງແນວທາງ ການຈັດຕັ້ງປະຕິບັດ ແລະ ຄວາມເຂົ້າໃຈ ດ້ານການວິເຄາະ ແລະ ເກັບກຳຂໍ້ມູນການຜະລິດອາຫານໃນມຽນມາ ຕະຫລອດຈົນ ສົ່ງເສີມການຮ່ວມມືລະດັບສາກົນ. ສູນແຫ່ງນີ້ ເປັນ 1 ໃນ 31 ໂຄງການ ທີ່ຈັດຕັ້ງປະຕິບັດ ໂດຍກະຊວງພາຍໃຕ້ ກອງທຶນ ພິເສດ ການຮ່ວມມື ລ້ານຊ້າງ-ແມ່ນໍ້າຂອງໂດຍບັນດາ ປະເທດ ລ້ານຊ້າງ-ແມ່ນ້ຳຂອງປະກອບດ້ວຍ ຈີນ, ກຳປູເຈຍ, ລາວ, ມຽນມາ, ຫວຽດນາມ ແລະ ໄທ.
(ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ ສະໄຫວ ລາດປາກດີ
