ຕາມຂ່າວຈາກ VOVWORLD, ສະຫະພາບ ເອີຣົບ (EU) ຈະຈັດກອງປະຊຸມດ່ວນ ດ້ວຍການ ເຂົ້າຮ່ວມ ຂອງລັດຖະມົນຕີ ກະຊວງ ພະລັງງານ ບັນດາ ປະເທດ ສະມາຊິກ ໃນວັນທີ 9 ກັນຍາປີນີ້ ພາຍຫລັງ ທ່ານ Sozef Sikela, ລັດຖະມົນຕີ ກະຊວງ ອຸດສາຫະກຳ ແລະ ການຄ້າ ເຊັກ ໄດ້ຊີ້ແຈ້ງວ່າ: ປັດຈຸບັນ ພວມຮຽກ ໂຮມ ກອງປະຊຸມ ວິສາມັນ ຂອງສະພາ ພະລັງງານ. ຄາດວ່າ, ບັນດາ ລັດຖະມົນຕີ ພະລັງງານ EU ຈະໂຮມປະຊຸມ ເພື່ອຊອກຫາ ມາດຕະການ ຊ່ວຍປັບປຸງ ຕະຫລາດ ພະລັງງານ.
ໃນວັນດຽວກັນ, ທ່ານ Peter Szijjzrto, ລັດຖະມົນຕີ ການຕ່າງປະເທດ ຮົງກາຣີ ປະກາດ ຈະສືບຕໍ່ ເຈລະຈາກັບ ຣັດເຊຍ ກ່ຽວກັບ ການສະໜອງ ອາຍແກ໊ສ ເພີ່ມອີກ ແລະ ຄາດວ່າ ຈະບັນລຸ ໄດ້ຂໍ້ຕົກລົງກັບ ກຸ່ມບໍລິສັດ ພະລັງງານ Gazprom ເພື່ອແນໃສ່ ເພີ່ມທະວີ ແຫລ່ງສະໜອງ ໃນແຕ່ລະວັນ ນັບແຕ່ ເດືອນກັນຍາ ເປັນ ຕົ້ນໄປ.
ກຸ່ມບໍລິສັດ Gazprom ເລີ່ມເພີ່ມທະວີ ແຫລ່ງສະໜອງ ອາຍແກ໊ສ ໃຫ້ແກ່ ຮົງກາຣີ ໃນເດືອນ ສິງຫາ ເພີ່ມເຕີມເຂົ້າ ພະລັງງານ ອາຍແກ໊ສ ທີ່ໄດ້້ຕົກລົງ ສະໜອງ ກ່ອນນັ້ນ ຜ່ານທໍ່ ສົ່ງອາຍແກັດ Turkstream.
#Medialaos MMD (ແຫຼ່ງຂໍ້ມູນຈາກ: ສຳນັກຂ່າວສານປະເທດລາວ)
