ຕາມຂ່າວຈາກ ຊິນຮວາ, ວັນທີ29ສິງຫານີ້, ອິນເດຍ ພວມເລັ່ງໃສ່ ຕະຫລາດ ລົດໄຟຟ້າ ພາຍໃນ ທ້ອງຖິ່ນ ຂະຫຍາຍຕົວ ຢ່າງຕໍ່ເນື່ອງ ແລະ ມີທ່າອ່ຽງ ຂອງການພັດທະນາ ສາຍງານ ການຜະລິດລົດ ໃຫ້ກາຍເປັນ ສູນກາງ ຂອງອຸດສາຫະກຳ ລົດໄຟຟ້າ ແຖວໜ້າ ຂອງໂລກ. ຫລັງຈາກ ທ່ານ ເຣນທຣາໂມດີ, ນາຍົກ ລັດຖະມົນຕີ ອິນເດຍ ຖະແຫລງວ່າ: ປັດຈຸບັນ ອິນເດຍ ພວມກາຍ ເປັນສູນກາງ ລົດໄຟຟ້າ ແບບ 2ລໍ້ ແລະ 4 ລໍ້ ຊຶ່ງເຮັດໃຫ້ ປະເທດ ຢູ່ລະຫວ່າງ ການປະຕິວັດ ແບບງຽບໆ ເນື່ອງຈາກລົດປະເພດນີ້ ບໍ່ມີສຽງ ຂະນະທີ່ ຂັບລົດ. ການປະຕິວັດງຽບ ບໍ່ພຽງແຕ່ ເກີດຂຶ້ນ ໃນຂະແໜງ ວິສະວະກໍາ ເທົ່ານັ້ນ. ແຕ່ລວມທັງ ອິນເດຍ ໂດຍລວມ ຊຶ່ງໄດ້ວາງ ພື້ນຖານ ໃຫ້ແກ່ ການປະຕິວັດ ດັ່ງກ່າວ ໃນໄລຍະ 8 ປີຜ່ານມາ.
(ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
