ຕາມຂ່າວຈາກ CRI: ເມື່ອບໍ່ດົນມານີ້, ອົງການ ຕິດຕາມ ຄຸ້ມຄອງ ພະລັງງານ ຂອງອັງກິດ ປະກາດວ່າ: ເລີ່ມແຕ່ ເດືອນຕຸລາປີ 2022 ເປັນຕົ້ນໄປ, ເພດາ ລາຄາ ພະລັງງານ ປະຈຳປີ ຂອງຄອບຄົວ ທົ່ວໄປ ຂອງອັງກິດ ຈະປັບຂຶ້ນ 80% ຍ້ອນໄດ້ຮັບຜົນ ກະທົບ ຈາກ ສ.ອາເມລິກາ ແລະ ປະເທດ ຕາເວັນຕົກ ຂວ້ຳບາດ ຣັດເຊຍ ຢ່າງຕໍ່ເນື່ອງ, ຕະຫລາດ ພະລັງງານ ໃນທົ່ວໂລກ ເກີດມີຄວາມປັ່ນປ່ວນ ເຊິ່ງເຮັດໃຫ້ ລາຄາພະລັງງານ ຢູ່ອັງກິດ ເພີ່ມສູງຂຶ້ນ ເລື້ອຍໆ.
ຂະນະທີ່ ປະຊາຊົນ ອັງກິດ ມີຄວາມ ເປັນຫ່ວງ ແລະ ຄວາມກັງວົນ ຕໍ່ລະດູໜາວ ທີ່ໃກ້ຈະ ໝູນວຽນ ມາເຖິງນີ້. ພາຍຫລັງ ອົງການຕິດຕາມ ຄຸ້ມຄອງ ພະລັງງານ ຂອງອັງກິດ ປະກາດ ປັບເພດານ ລາຄາ ພະລັງງານ ປະຈຳປີ ຂອງຄອບຄົວ ທົ່ວໄປ ຂຶ້ນຢ່າງ ຫລວງຫລາຍ.
ທ່ານ ຊາດິກ ຄານ, ເຈົ້າຄອງ ນະຄອນຫລວງ ລອນດອນ ຂອງອັງກິດ ໄດ້ກ່າວເຕືອນ ໃນສື່ສັງຄົມ ອອນລາຍວ່າ: ຖ້າວ່າ ລັດຖະບານ ອັງກິດ ບໍ່ສາມາດ ນຳອອກ ປະຕິບັດ ນະໂຍບາຍ ສະໜັບ ສະໜູນ ເສດຖະກິດ, ວິກິດການ ພະລັງງານ ໃນປັດຈຸບັນ ຈະມີຜົນ ກະທົບ ຕໍ່ຄອບຄົວ ຊາວອັງກິດ ບໍ່ດ້ອຍກວ່າ ວິກິດການ ການເງິນ ສາກົນປີ 2008.
#Medialaos MMD (ແຫູ່ງຂໍ້ມູນຈາກ: ສຳນັກຂ່າວສານປະເທດລາວ)
