ຕາມຂ່າວຈາກ ເວັບໄຊ ຂອງລັດຖະບານ ແອັດສະປາຍ,ວັນທີ10 ສິງຫານີ້,ແອັດສະປາຍ ອອກມາດຕະການ ຫ້າມອາຄານ ສາທາລະນະ ຕັ້ງອຸນຫະພູມ ເຄື່ອງປັບອາກາດ(ແອ) ຕ່ຳກວ່າ 27ອົງສາ ເພື່ອປະຢັດ ພະລັງງານ ຈະເລີ່ມ ຈັດຕັ້ງ ປະຕິບັດ ໃນອາທິດໜ້າ ແລະ ມີຜົນຈົນເຖິງ ທ້າຍເດືອນ ພະຈິກປີນີ້ ສ່ວນການເປີດ ເຄື່ອງເຮັດຄວາມຮ້ອນ ຕັ້ງອຸນຫະພູມ ໃຫ້ບໍ່ສູງກວ່າ 19ອົງສາ ໂດຍສະຖານທີ່ ສາທາລະນະ ທຸກແຫ່ງ ແລະ ອາຄານ ການຄ້າ ທີ່ໃຫ້ບໍລິການ ໃນຮູບແບບ ຂອງຮ້ານອາຫານ,ຮ້ານກາເຟ, ຮ້ານບັນເທີງ ແລະ ໂຮງສາຍ ຮູບເງົາ ລວມທັງ ສະໜາມບິນ ແລະ ສະຖານີລົດໄຟ ຕ້ອງປະຕິບັດຕາມ ຢ່າງເຂັ້ມງວດ ສ່ວນທີ່ເຫລືອ ລວມທັງ ຄອບຄົວ ທົ່ວໄປ ຂໍການຮ່ວມມື ຕາມຄຳສັ່ງ ດັ່ງກ່າວ. ປັດຈຸບັນ ລັດຖະບານ ແອັດສະປາຍ ຕ້ອງການ ໃຫ້ທຸກພາກສ່ວນ ຮ່ວມກັນ ປະຢັດ ພະລັງງານ ເພື່ອສຳຮອງ ໄວ້ຮັບມື ໃນລະດູໜາວ ເນື່ອງຈາກ ຣັດເຊຍ ຫລຸດປະລິມານ ການສົ່ງ ອາຍແກ໊ສ ໃຫ້ແກ່ ເອີຣົບ ແລະ ຕັດການ ສົ່ງອາຍແກ໊ສ ສຳລັບ ບາງປະເທດ ໃນພາກພື້ນນີ້ີ້.
(ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
