ສຳນັກຂ່າວ ອິນເຕີແຟກ-ອູແກຣນ (Interfax-Ukraine),ທ່ານ ເດນີສ ຊະມິຄໍລ (Denis Shmikal), ນາຍົກ ລັດຖະມົນຕີ ອູແກຣນ ຖະແຫລງວ່າ: ທະນາຄານ ການລົງທຶນ ເອີຣົບ (EIB) ໄດ້ຕົກລົງທີ່ ຈະຈ່າຍເງິນ 1,6ຕື້ເອີໂຣ ໃຫ້ແກ່ ອູແກຣນ ຊຶ່ງໃນຈຳນວນນີ້ ຈະຖືກຈັດສັນ ໂດຍທັນທີ 1ຕື້ເອີໂຣ ເພື່ອນຳໄປໃຊ້ ສຳລັບ ການກຽມພ້ອມ ຈ່າຍຄວາມຮ້ອນ (heating season) ລວມທັງ ການສ້ອມແປງ ແຫລ່ງຈ່າຍໄຟຟ້າ, ນ້ຳປະປາ ແລະ ຄວາມຮ້ອນ ທີ່ໄດ້ຮັບຄວາມເສຍຫາຍ ແລະ ເງິນອີກຈຳນວນໜຶ່ງທີ່ໄດ້ຮັບຈາກທະນາຄານດັ່ງກ່າວ ເພື່ອນຳໃຊ້ສະໜັບສະໜູນທາງການເງິນແກ່ໂຄງການດ້ານປະສິດທິພາບ ພະລັງງານ, ຖະໜົນ, ການຂົນສົ່ງ, ການສຶກສາພື້ນຖານໂຄງລ່າງ ແລະ ພາກສ່ວນອື່ນໆ.
ກ່ອນໜ້ານີ້ ທ່ານ ເຊີໄຮ ມາຣເຊັນໂກ(Serhei Marchenko),ລັດຖະມົນຕີ ກະຊວງ ການເງິນ ອູແກຣນກ່າວວ່າ: ອູແກຣນ ມີແຜນ ຈະລະດົມທຶນ ຊ່ວຍເຫລືອ ສາກົນ ຈຳນວນ 20ຕື້ໂດລາ ສະຫະລັດ ຈາກປະເທດ ພັນທະມິດ ຕາເວັນຕົກ ໃນທ້າຍປີນີ້.
(ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
