ຕາມຂ່າວຈາກ ເວັບໄຊ bangkokbiznews,ເມື່ອບໍ່ດົນມານີ້, ໂບອິງ ຄາດວ່າ ຖ້ຽວບິນ ການຄ້າ ເຕີບໂຕ ລະດັບ 82% ໄປຈົນເຖິງ ປີ 2041 ໂດຍເຮືອບິນ ທົ່ວໂລກ ຈະມີ 47.080 ລຳ ໃນໄລຍະ 2ທົດສະວັດ ຕໍ່ໜ້າ ເມື່ອທຽບໃສ່ປີ 2019 ມີພຽງ 25.900 ລຳ ຊຶ່ງເປົ້າໝາຍ ໄລຍະຍາວ ຂອງໂບອິງ ຫລຸດລົງ ຈາກເປົ້າໝາຍເກົ່າ 49.405ລຳ ສະແດງ ໃຫ້ເຫັນເຖິງ ການປັບ ເປົ້າໝາຍ ການເຕີບໂຕ ຕໍ່ປີທົ່ວໂລກ ຂອງໂບອິງ 2,6% ແຕ່ປັດໃຈ ພື້ນຖານ ໄລຍະຍາວ ຍັງຄົງ ສົມບູນ ຄວາມຕ້ອງການ ຂອງຜູ້ໂດຍສານ ແລະ ການຂົນສົ່ງ ສິນຄ້າ ພວມລື່ນກາຍ ຍອດລວມ ຜະລິດ ຕະພັນໂລກ (ຈີດີພີ)./. (ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
