” GPS ຕິດຕາມລົດ ” ບໍ່ພຽງແຕ່ເປັນອຸປະກອນທີ່ສາມາດນຳພາທ່ານໄປສູ່ຈຸດໝາຍປາຍທາງເທົ່ານັ້ນ ມັນຍັງເປັນອີກວິທີໜຶ່ງທີ່ຈະເພີ່ມຄວາມປອດໄພໃຫ້ແກ່ລົດຂອງທ່ານ ເພາະວ່າການຕິດ GPS ຈະສົ່ງຈຸດປະສານງານ ຫຼື ຕໍາແໜ່ງຂອງລົດ ເພື່ອໃຫ້ທ່ານຮູ້ວ່າລົດຢູ່ໃສ ແລະ ຖ້າມີບາງຢ່າງຜິດປົກກະຕິ GPS ຈະສົ່ງການແຈ້ງເຕືອນໄປຫາແອັບພິເຄຊັນ GPS ເພື່ອໃຫ້ທ່ານສາມາດປ້ອງກັນການລັກ ແລະ ການສູນເສຍຂອງລົດທີ່ຈະເກີດຂື້ນກັບທ່ານ.
ເຫັນໄດ້ວ່າປັດຈຸບັນນີ້ GPS ແມ່ນມີຂາຍຫຼາຍ ແລະ ຄ້າຍຄືກັນ ແຕກຕ່າງກັນແຕ່ໃນລາຄາ ແລະ ຄຸນນະພາບຂອງການນຳໃຊ້ ແຕ່ບໍ່ແມ່ນວ່າ GPS ທີ່ມີລາຄາແພງກວ່າຄຸນນະພາບຈະດີກວ່າຄຳນີ້ບໍ່ໄດ້ຜົນສະເໝີໄປ ເພາະບາງຄົນຍຶດຕິດກັບລາຄາຍີ່ງແພງຍີ່ງດີ ແຕ່ແທ້ຈີງແລ້ວທ່ານຈະໄດ້ຮັບສິນຄ້າດີ, ສິນຄ້າທີ່ມີຄຸນນະພາບດີຢູ່ທີ່ທ່ານເລືອກຊື້ ແນວໃດ? ເພື່ອໃຫ້ກົງກັບການນຳໃຊ້ ແລະ ວິທີການຊື້ ເພື່ອໃຫ້ໄດ້ສິນຄ້າທີ່ມີຄຸນນະພາບ ລາຄາຖືກ ບ່ອນນີ້ແມ່ນຈຸດສຳຄັນ ມື້ນີ້ພວກເຮົາຈະມາບອກບາງເຕັກນິກ ສຳລັບການຊື້ GPS ຕິດຕາມລົດຂອງທ່ານ ວ່າຄວນຊື້ແນວໃດ? ຄຸ້ມຄ່າ ແລະ ປອດໄພມາເບິ່ງກັນເລີຍ!
ເຕັກນິກການເລືອກຊື້ GPS ຕິດຕາມລົດຂອງທ່ານມີດັ່ງລຸ່ມນີ້:
- ມີໃບອະນຸຍາດຈາກອົງການທີ່ກ່ຽວຂ້ອງ
- Server ມີຄວາມໝັ້ນຄົງສູງ
- ມີລະບົບແຈ້ງເຕືອນການເຄື່ອນໄຫວ.
- ສະເປັກຂອງເຄື່ອງຈັກ
- ລາຄາທີ່ເໝາະສົມ
- ສາມາດເບິ່ງການເຄື່ອນໄຫວຍ້ອນຫຼັງໄດ້
- ຫຼັງການຂາຍບໍລິການ
1. ມີໃບອະນຸຍາດຈາກພາກສ່ວນທີ່ກ່ຽວຂ້ອງ
ໃບອະນຸຍາດຈາກພາກສ່ວນທີ່ກ່ຽວຂ້ອງແມ່ນມີຄວາມສຳຄັນຫຼາຍ ທີ່ທ່ານຄວນພິຈາລະນາ ເພາະໃນປະຈຸບັນ ທຸກໆ ຄົນສາມາດຊື້ – ຂາຍດ້ວຍຕົນເອງ ຫຼື ຕິດຕັ້ງ ສາມາດເຮັດໄດ້ດ້ວຍຕົວເອງ ເຮັດໃຫ້ຮ້ານ GPS ຖືກກະແຈກກະຈາຍ ແລະ ອາດຈະມີຫຼາຍບັນຫາບໍ່ວ່າຈະເປັນອຸປະກອນມີປັນຫາ, ບໍ່ເຮັດວຽກ, ບໍ່ແຈ້ງເຕືອນ ບາງເທື່ອລົດຖືກລັກ GPS ບໍ່ສາມາດໃຊ້ໄດ້.
ວິທີທີ່ທ່ານສາມາດໝັ້ນໃຈໄດ້ວ່າຈະບໍ່ຖືກຫຼອກໄດ້ງ່າຍ ແມ່ນໃບອະນຸຍາດຈາກພາກສ່ວນທີ່ກ່ຽວຂ້ອງ ເຊີ່ງຊ່ວຍຮັບປະກັນວ່າຮ້ານເຫຼົ່ານັ້ນ ໄດ້ຜ່ານການກວດກາ ແລະ ຢັ້ງຢືນຢ່າງໜ້າເຊື່ອຖື ແລະ ມີຄວາມສຳຄັນຫຼາຍ ເພາະວ່າຖ້າທ່ານຊື້ ຫຼື ຕິດຕັ້ງຢູ່ຮ້ານທີ່ບໍ່ໄດ້ຮັບອະນຸຍາດ ມື້ໜຶ່ງລົດຂອງທ່ານຫາກຫາຍໄປໂດຍບໍ່ມີຮ່ອງຮອຍ ຫຼື ອາດຈະມີຄົນຕິດຕາມຢູ່ທຸກໆ ບ່ອນ ເຊີ່ງເປັນອັນຕະລາຍຫຼາຍ ສະນັ້ນພວກເຮົາຕ້ອງກວດເບິ່ງໃຫ້ດີ ເພື່ອຄວາມປອດໄພຂອງທ່ານ ແລະ ຄອບຄົວທີ່ທ່ານຮັກ.
2. Server ມີຄວາມໝັ້ນຄົງສູງ.
ຫຼາຍຄົນຍັງສົງໃສວ່າ GPS ຕິດຕາມລົດກ່ຽວຂ້ອງກັບ Server ແນວໃດ? ຫຼື ບາງຄົນອາດຈະບໍ່ຮູ້ວ່າ Server ແມ່ນຫຍັງ? ເຮັດໜ້າທີ່ຫຍັງ?
Server ແມ່ນລະບົບປະຕິບັດການທີ່ເຊື່ອມຕໍ່ອິນເຕີເນັດ ແລະ ສົ່ງຂໍ້ມູນໃຫ້ລູກຄ້າ ເຊັ່ນວ່າ: ເມື່ອທ່ານຕ້ອງການຮູ້ວ່າຕອນນີ້ລົດຂອງທ່ານຢູ່ໃສ? ທ່ານຕ້ອງເຂົ້າສູ່ລະບົບແອັບພິເຄຊັນທີ່ມາພ້ອມກັບ GPS ທີ່ຊື້ມາໃນຂະນະທີ່ທ່ານເຂົ້າສູ່ລະບົບ Server ຈະສົ່ງຂໍ້ມູນໃຫ້ທ່ານ.
Server ມີບົດບາດຫຍັງ? ສົ່ງ-ຮັບຂໍ້ມູນຕ່າງໆ ຂອງລົດທີ່ຕິດ GPS ບໍ່ວ່າຈະເປັນສະຖານະການໃດກໍ່ຕາມ.
Server ກ່ຽວຂ້ອງ GPS ແນວໃດ? ມີຄວາມກ່ຽວຂ້ອງກັນຫຼາຍຖ້າ Server ມີຄວາມໝັ້ນຄົງທ່ານຍີ່ງຮັບຂໍ້ມູນຂອງລົດໄວຂື້ນເທົ່ານັ້ນ.
Server ແມ່ນສ່ວນໜຶ່ງທີ່ຈະຊ່ວຍໃນການຊອກຫາຕຳແໜ່ງ ຂອງທ່ານໄດ້ງ່າຍ ແລະ ໄວຂື້ນ ເພາະສະນັ້ນເມື່ອເລືອກຊື້ຢ່າລືມກວດເບິ່ງສະຖຽນລະພາບຂອງ GPS.
3. ມີລະບົບການແຈ້ງເຕືອນທຸກການເຄື່ອນໄຫວ.
ຄຸນລັກສະນະທີ່ດີອີກອັນໜຶ່ງຂອງ GPS ແມ່ນລະບົບແຈ້ງເຕືອນທຸກໆ ການເຄື່ອນໄຫວ ເຊັ່ນດຽວກັນກັບຕົວຢ່າງຂ້າງລຸ່ມນີ້:
– ມີລະບົບແຈ້ງເຕືອນຕໍາແໜ່ງຂອງລົດຢູ່ໃສ?
– ມີລະບົບແຈ້ງເຕືອນວ່າລົດກຳລັງເຄື່ອນຍ້າຍ ຫຼື ບໍ່?
– ມີລະບົບແຈ້ງເຕືອນເມື່ອຂັບຂີ່ໄວເກີນໄປ
– ມີລະບົບແຈ້ງເຕືອນເມື່ອ GPS ຖືກທອດອອກຈາກລົດ
ລົດທີ່ຖືກລັກ ຫຼື ເສຍຄວນເຮັດແນວໃດ?
“ຖ້າລົດທ່ານຖືກລັກ ຫຼື ເສຍ ໃຫ້ຟ້າວຕິດຕໍ່ຫາຕໍາຫຼວດທ້ອງຖິ່ນຢູ່ບ່ອນເກີດເຫດ ດ້ວຍລາຍລະອຽດໄວເທົ່າທີ່ຈະເປັນໄປໄດ້.
4. ສະເປັກຂອງ GPS
ສະເປັກຂອງ GPS ສ່ວນຫຼາຍແມ່ນຄົນເບິ່ງຂ້າມ ເພາະຄິດວ່າລາຄາແພງ ຖ້າມີຟັງຊັນຫຼາຍຍີ່ງດີ ເຊີ່ງເປັນຄວາມຄິດທີ່ຜິດ ເພາະແທ້ຈິງແລ້ວຟັງຊັນ GPS ທີ່ມີນັ້ນກໍ່ບໍ່ໄດ້ໃຊ້ຕະຫຼອດສະເໝີໄປບໍ່ວ່າຈະເປັນລາຄາແພງກໍ່ຕາມ ຖ້າຕ້ອງການຊື້ GPS ໃຫ້ເບີ່ງລາຍລະອຽດຄວາມຕ້ອງການກ່ອນ ຕ້ອງການຟັງຊັນພື້ນຖານແນວໃດ? ແລະ ຟັງຊັນໃດທີ່ທ່ານຕ້ອງການເປັນພິເສດນອກຈາກທີ່ມີຢູ່, ວັດສະດຸທີ່ຜະລິດ ແລະ ຄວາມແຂງແຮງຂອງ GPS ສາມາດກັນນໍ້າ ຫຼື ຝົນໄດ້ບໍ່? ຕິດຕັ້ງງ່າຍບໍ່? ການເຮັດວຽກ GPS ເປັນແນວໃດ? ນອກຈາກຈະຊ່ວຍໃຫ້ທ່ານມີ GPS ທີ່ຕອບສະໜອງຄວາມຕ້ອງການຂອງທ່ານແລ້ວ ຍັງສາມາດຊ່ວຍເລື່ອງຂອງຄຸນນະພາບ ແລະ ລາຄາທີ່ເໝາະສົມກັບສະເປັກທີ່ເຮົາຕ້ອງການ.
5. ລາຄາທີ່ເໝາະສົມ
“ຂອງດີມັກຈະມີລາຄາແພງ” GPS ຕິດຕາມລົດໃນປັດຈຸບັນ ບາງຄົນອາດຈະຍຶດຕິດກັບສິນຄ້າ ກັບ ຍີ່ຫໍ້ຂອງສິນຄ້າ ແຕ່ບໍ່ໄດ້ກວດເບີ່ງຄວາມຕ້ອງການແທ້ໆ ຄວນກວດເບິ່ງວ່າ GPS ເໝາະສົມກັບລົດຂອງທ່ານ ຫຼື ບໍ່? ບາງຄົນຊື້ຂອງແພງມີຫຼາຍຟັງຊັນ ລູກຫຼີ້ນຫຼາຍ ແຕ່ວ່າໃຊ້ຕົວຈິງແລ້ວໃຊ້ພຽງສອງສາມຢ່າງເທົ່ານັ້ນ ມັນບໍ່ຄຸ້ມຄ່າກັບລາຄາທີ່ຊື້ ແຕ່ບໍ່ໄດ້ເວົ້າຂອງແພງແມ່ນບໍ່ດີ ສະນັ້ນໃຫ້ທ່ານຂຽນລາຍການທີ່ເຮົາຕ້ອງການຈາກ GPS ແລະ ກວດເບິ່ງວ່າໃນສະເປັກນີ້ ລາຄາຄວນຈະເທົ່າໃດ? ເພື່ອໃຫ້ຄຸ້ມຄ່າ ແລະ ບໍ່ຖືກຮ້ານຫຼອກ.
6. ສາມາດເບິ່ງການເຄື່ອນໄຫວຍ້ອນຫຼັງໄດ້
GPS ດີຕ້ອງສາມາດເບິ່ງການເຄື່ອນໄຫວຍ້ອນຫຼັງຂອງລົດໄດ້ ຢ່າງໜ້ອຍ 1-2 ເດືອນຢ່າງຕໍ່າ ແຕ່ຍີ່ຫໍ້ໃດ? ສາມາດເບິ່ງການເຄື່ອນໄຫວຍ້ອນຫຼັງຂອງລົດໄດ້ດົນກໍ່ຍິ່ງດີສຳລັບທ່ານ ເພາະເມື່ອເຫດການທີ່ບໍ່ຄາດຄິດເກີດຂື້ນ ທ່ານກໍ່ສາມາດເບີ່ງການເຄື່ອນໄຫວຍ້ອນຫຼັງຄືນໄດ້ ເພື່ອຢັ້ງຢືນວ່າທ່ານຢູ່ໃສ? ເມື່ອໃດ? ໃນມື້ເກີດເຫດເພື່ອບໍ່ໃຫ້ຕົກເປັນເຫຍື່ອຂອງຜູ້ບໍ່ຫັວງດີ.
7. ບໍລິການຫຼັງການຂາຍ.
ບໍລິການຫຼັງການຂາຍຖືວ່າເປັນສິ່ງທີ່ສຳຄັນທີ່ສຸດ ເພາະວ່າເວລາເກີດບັນຫາ ມີຂໍ້ສົງໃສຫັຍງ ຫຼື ຖ້າ GPS ເກີດບັນຫາຂື້ນມາ ແຕ່ບໍ່ໄດ້ຢູ່ໃນໄລຍະເວລາຮັບປະກັນ ຫຼື ການປະກັນໝົດອາຍຸ ດັ່ງນັ້ນຖ້າທ່ານກຳລັງຊອກຫາ GPS ທີ່ດີ ຢ່າລືມຊອກຫາປະກັນຫຼັງການຂາຍທີ່ດີ ແລະ ພ້ອມທີ່ຈະຕອບທຸກບັນຫາຫຼັງຈາກຂາຍໃຫ້ທ່ານເຊັ່ນກັນ.
ເຖິງຢ່າງໃດກໍ່ຕາມຫວັງວ່າບົດຄວາມນີ້ຈະຊ່ວຍໃຫ້ທຸກຄົນຮູ້ວິທີການຊື້ GPS ທີ່ເໝາະສົມກັບການນຳໃຊ້ຂອງທຸກໆ ຄົນ ເພື່ອໃຫ້ປອດໄພ, ຄຸ້ມຄ່າ ແລະ ຄຸ້ມຄ່າກັບລາຄາທີ່ເສຍໄປ ເພື່ອປ້ອງກັນການສູນເສຍທີ່ຈະເກີດຂື້ນກັບລົດຂອງທ່ານ ຖ້າໃຜກໍາລັງຊອກຫາ GPS ທີ່ຕິດຕາມລົດທີ່ມີຄຸນສົມບັດຄົບຖ້ວນທີ່ເຮົາມີ GPS Tracker (GPS Tracker) ອຸປະກອນຕິດຕາມລົດ ຈະຊ່ວຍແກ້ໄຂບັນຫາຕ່າງໆ ທີ່ຈະເກີດຂື້ນກັບລົດຂອງທ່ານ.
