ສຳນັກຂ່າວ ຊິນຮວາ ຂອງ ສປຈີນ, ວັນທີ 25 ທັນວາ, ອົງການ ພັດທະນາ ການທ່ອງທ່ຽວ ສີລັງກາ (SLTDA) ເປີດເຜີຍ ວ່າ: ສີລັງກາ ໄດ້ຕ້ອນຮັບ ນັກທ່ອງທ່ຽວ ສາກົນ ເຂົ້າມາຢ້ຽມຢາມ ປະເທດ ຫລາຍກວ່າ 50.000 ເທື່ອຄົນ ໃນໄລຍະ 20 ວັນ ທຳອິດ ຂອງ ເດືອນ ທັນວາ ໃນປີນີ້, ເພີ່ມຂຶ້ນ ຢ່າງຫລວງຫລາຍ ເມື່ອທຽບໃສ່ ຫລາຍເດືອນ ຜ່ານມາ. ໃນນັ້ນ ຈຳນວນ ນັກທ່ອງທ່ຽວ ສາກົນ ທີ່ເຂົ້າມາສີລັງກາ ສະເລ່ຍ 2.500 ເທື່ອຄົນ ຕໍ່ວັນ ໃນເດືອນທັນວາ ແລະ ປະມານ 1.900 ເທື່ອຄົນຕໍ່ວັນ ໃນໄລຍະ 11 ເດືອນທຳອິດຂອງປີນີ້.
