ງານມະຫາກຳກິລາແຫ່ງຊາດ ຄັ້ງທີ XI ຫຼື ຊຽງຂວາງເກມ 2022 ແມ່ນໄດ້ເປີດຢ່າງເປັນທາງການໃນວັນທີ 13 ທັນວາ ແລະ ຈະໄດ້ດຳເນີນໄປເຖິງວັນທີ 22 ທັນວາ 2022 ໂດຍມີການແຂ່ງຂັນທັງໝົດ 25 ປະເພດກິລາ ແລະ ມີ 22 ພາກສ່ວນເຂົ້າຮ່ວມ.
ແຂວງຄຳມ່ວນ ໄດ້ສົ່ງເຂົ້າຮ່ວມແຂ່ງຂັນທັງໝົດ 19 ປະເພດກິລາຄື: ແລ່ນ-ລານ, ບານເຕະ, ບານສົ່ງ, ກະຕໍ້, ປິ໋ງປ໋ອງ, ເປຕັງ, ດອກປີກໄກ່, ຍິງປືນ, ເທຄວັນໂດ, ຄາຣາເຕໂດ, ມວຍສາກົນ, ມວຍລາຍລາວ, ລົດຖີບ, ກ໊ອຟ, ມວຍປໍ້າ, ຢູໂດ, ວູຊູ, ປັນຈັກສີລັດ ແລະ ກິລາຍິງທະນູ, ມີຄະນະຊີ້ນຳ, ຄູຝຶກ ແລະ ນັກກິລາ ເຂົ້າຮ່ວມທັງໝົດ 300 ກວ່າຄົນ ແລະ ໄດ້ຕັ້ງເປົ້າໝາຍໄວ້ທີ່ 34 ຫຼຽນຄຳ. ເຊິ່ງມາຮອດວັນທີ 18 ທັນວາ 2022 ສາມາດຍາດໄດ້ແລ້ວ 27 ຫຼຽນຄຳ, 19 ຫຼຽນເງິນ ແລະ 35 ຫຼຽນທອງ. ໃນນັ້ນ ໄດ້ຈາກປະເພດ ແລ່ນ-ລານ 6 ຫຼຽນຄຳ, 2 ຫຼຽນທອງ, ເທຄວັນໂດ 6 ຫຼຽນຄຳ, 4 ຫຼຽນເງິນ, 5 ຫຼຽນທອງ, ຄາຣາເຕໂດ້ 2 ຫຼຽນຄຳ, 6 ຫຼຽນທອງ, ມວຍສາກົນ 2 ຫຼຽນຄຳ, 1 ຫຼຽນເງິນ, 2 ຫຼຽນທອງ, ປັນຈັກສີລັດ 2 ຫຼຽນຄຳ, 2 ຫຼຽນເງິນ, 2 ຫຼຽນທອງ, ວູຊູ 2 ຫຼຽນຄຳ, 1 ຫຼຽນທອງ, ລົດຖີບ 2 ຫຼຽນຄຳ, ມວຍປໍ້າ 1 ຫຼຽນຄໍາ, 2 ຫຼຽນເງິນ, ຍິງທະນູ 1 ຫຼຽນຄຳ, 2 ຫຼຽນເງິນ, 2 ຫຼຽນທອງ, ຍິງປືນ 1 ຫຼຽນຄໍາ, 2 ຫຼຽນເງິນ, 6 ຫຼຽນທອງ, ກະຕໍ້ 1 ຫຼຽນຄໍາ, 2 ຫຼຽນເງິນ, 4 ຫຼຽນທອງ, ດອກປີກໄກ່ 1 ຫຼຽນຄຳ, ຢູໂດ 1 ຫຼຽນຄໍາ, 2 ຫຼຽນເງິນ, 3 ຫຼຽນທອງ, ເປຕັງ 1 ຫຼຽນເງິນ, 2 ຫຼຽນທອງ ແລະ ບາຍສົ່ງຫາດຊາຍ 1 ຫຼຽນເງິນ. ໃນນັ້ນ ປະເພດກິລາທີ່ສຳເລັດການແຂ່ງຂັນແລ້ວ ສຳລັບແຂວງຄຳມ່ວນປະກອບມີ: ແລ່ນ-ລານ, ຍິງປືນ, ເທຄວັນໂດ, ຄາຣາເຕໂດ, ມວຍສາກົນ, ມວຍປໍ້າ, ປັນຈັກສີລັດ, ຍິງທະນູ, ບານຕະຊາຍ ແລະ ກິລາກ໋ອບ.
ສຳລັບປະເພດກິລາທີ່ຍັງສືບຕໍ່ແຂ່ງຂັນ ມີ: ກະຕໍ້, ປິ່ປ່ອງ, ເປຕັງ, ດອກປີກໄກ່, ມວຍລາວ, ລົດຖີບ, ຢູໂດ ແລະ ວູຊູ ໃນນີ້ແຂວງຄຳມ່ວນ ແມ່ນຈະຕ້ອງໄດ້ສູ້ຊົນຍາດໃຫ້ໄດ້ເພີ່ມອີກຈຳນວນ 7 ຫຼຽນຄຳ ຈຶ່ງຈະໄດ້ຕາມເປົ້າໝາຍທີ່ວາງໄວ້.
