ຄວາມກົດດັນຕ່ຳຂອງອາກາດຮ້ອນຍັງສືບຕໍ່ປົກຄຸມຢູ່ທົ່ວທຸກພາກຂອງປະເທດລາວ ດ້ວຍກໍາລັງອ່ອນ ສົມທົບກັບລົມມໍລະສຸມຕາເວັນຕົກສ່ຽງໃຕ້ພັດປົກຄຸມ, ຊຶ່ງຈະເຮັດໃຫ້ມີຝົນຕົກຟ້າຮ້ອງ ຟ້າເຫລື້ອມໃນລະດັບຄ່ອຍຢູ່ທົ່ວໄປໃນແຕ່ລະພາກ ແລະ ຕົກປານກາງ ພ້ອມມີລົມພັດແຮງຢູ່ບາງທ້ອງຖິ່ນຕື່ມອີກ.

ພະຍາກອນອາກາດ ແຕ່ເວລາ 07 ໂມງ ຂອງວັນທີ 16/09/2025 ຫາ ເວລາ 07 ໂມງ ຂອງວັນທີ 17/09/2025

ພາກເໜືອດ້ານຕາເວັນອອກ (ແຂວງຜົ້ງສາລີ, ຫົວພັນ ແລະ ຊຽງຂວາງ): ຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍຢູ່ເກືອບທົ່ວໄປ ພ້ອມມີລົມພັດແຮງຢູ່ບາງທ້ອງຖິ່ນ ຫລື ເນື້ອທີ່ການປົກຫຸ້ມຂອງຝົນເທົ່າກັບ 50% ຂອງພາກ. ອຸນຫະພູມໃນລະຫວ່າງ 18 – 31 ອົງສາ.

ພາກເໜືອດ້ານຕາເວັນຕົກ (ແຂວງຫລວງນ້ຳທາ, ບໍ່ແກ້ວ, ອຸດົມໄຊ, ຫລວງພະບາງ ແລະ ໄຊຍະບູລີ): ຍັງຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍຢູ່ເກືອບທົ່ວໄປ ແລະ ຕົກປານກາງຢູ່ບາງທ້ອງຖິ່ນ ຫລື ເນື້ອທີ່ການປົກຫຸ້ມຂອງຝົນເທົ່າກັບ 50% ຂອງພາກ. ອຸນຫະພູມໃນລະຫວ່າງ 21 – 32 ອົງສາ.

ນະຄອນຫລວງວຽງຈັນ: ຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍຢູ່ທົ່ວໄປ ແລະ ຕົກປານກາງຢູ່ບາງບໍລິເວນ ພ້ອມມີລົມພັດແຮງເປັນບາງໂອກາດ ຫລື ເນື້ອທີ່ການປົກຫຸ້ມຂອງຝົນ ເທົ່າກັບ 50%. ອຸນຫະພູມໃນລະຫວ່າງ 24 – 32 ອົງສາ.

ພາກກາງ (ແຂວງວຽງຈັນ, ບໍລິຄໍາໄຊ, ຄໍາມ່ວນ ແລະ ສະຫວັນນະເຂດ): ຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍຢູ່ບາງທ້ອງຖິ່ນ ຫລື ເນື້ອທີ່ການປົກຫຸ້ມຂອງຝົນເທົ່າກັບ 50% ຂອງພາກ. ອຸນຫະພູມໃນລະຫວ່າງ 22– 32 ອົງສາ.

ແຂວງໄຊສົມບູນ: ຈະມີຝົນຕົກ ຟ້າຮ້ອງຟ້າເຫລື້ອມໃນລະດັບຄ່ອຍເປັນບາງໂອກາດ ຫລື ເນື້ອທີ່ການປົກຫຸ້ມຂອງຝົນ ເທົາກັບ 50% ອຸນຫະພູມໃນລະຫວ່າງ 18 – 30 ອົງສາ.

ພາກໃຕ້ (ແຂວງສາລະວັນ, ຈໍາປາສັກ, ເຊກອງ ແລະ ອັດຕະປື): ຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍຢູ່ເກືອບທົ່ວໄປ ແລະ ຕົກປານກາງ ພ້ອມມີລົມພັດແຮງຢູ່ບາງທ້ອງຖິ່ນ ຫລື ເນື້ອທີ່ການປົກຫຸ້ມຂອງຝົນເທົ່າກັບ 50% ຂອງພາກ. ອຸນຫະພູມໃນລະຫວ່າງ 23 – 32 ອົງສາ.

ສໍາລັບເຂດພູພຽງບໍລະເວນ: ອາກາດເຢັນ ພ້ອມຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍ ຫາ ປານກາງເປັນບາງໂອກາດ ຫລື ເນື້ອທີ່ການປົກຫຸ້ມຂອງຝົນເທົ່າກັບ 50%. ອຸນຫະພູມໃນລະຫວ່າງ 14 – 24 ອົງສາ.

ອົງການປົກຄອງເມືອງຈັນທະບູລີ ກະກຽມຄວາມພ້ອມຮອບດ້ານ ຕ້ອນຮັບກອງປະຊຸມໃຫຍ່ ຜູ້ແທນອົງຄະນະພັກ ນະຄອນຫລວງວຽງຈັນ ຄັ້ງທີ VIII ໂດຍສະເພາະ ການສ້າງຂະບວນການອອກແຮງງານ, ອະນາໄມ ຕາມເສັ້ນທາງຕ່າງໆທີ່ສຳຄັນ ເປັນຕົ້ນ ຖະໜົນ ໄຊເສດຖາທິລາດ, ຖະໜົນສາມແສນໄທ, ຖະໜົນເຕ້ 2, ສ້າງຂະບວນການປະດັບປະດາ ໂດຍຕິດທຸງຊາດ, ທຸງພັກ ແລະ ປ້າຍຄຳຂວັນຢູ່ຕາມບ້ານ, ສຳນັກງານອົງການ ໃນຂອບເຂດເມືອງຈັນທະບູລີ, ພ້ອມທັງປຸກລະດົມໃຫ້ພໍ່-ແມ່ປະຊາຊົນ ມີສ່ວນຮ່ວມ ເຂົ້າໃນວຽກງານປ້ອງກັນຊາດ-ປ້ອງກັນຄວາມສະຫງົບ ເພື່ອຮັບປະກັນຄວາມເປັນລະບຽບຮຽບຮ້ອຍ, ສັງຄົມມີຄວມສະຫງົບ.

ທ່ານ ແສງສາທິດ ພິມເມືອງ ປະທານຄະນະກຳມະການປົກຄອງ ເມືອງຈັນທະບູລີ ໄດ້ໃຫ້ສຳ ພາດຕໍ່ສື່ມວນຊົນ ໃນວັນທີ 15 ກັນຍາ 2025 ວ່າ: ເພື່ອເປັນການສ້າງຂະບວນການຂໍ່ານັບຮັບຕ້ອນ ກອງປະຊຸມໃຫຍ່ຜູ້ແທນອົງຄະນະພັກ ນວ ຄັ້ງທີ VIII ອົງການປົກຄອງເມືອງຈັນທະບູລີ ໄດ້ນຳພາ-ຊີ້ ນຳຄະນະພັກ, ຄະນະປະຈຳ ຜູ້ທີ່ຊີ້ນຳຢູ່ແຕ່ລະເຂດ, ແຕ່ລະບ້ານປຸກລະດົມຂົນຂວາຍ ໃຫ້ພໍ່-ແມ່ປະ ຊາຊົນມີສ່ວນຮ່ວມໃນການອະນາໄມ ລວງຮ່ອງລະບາດນໍ້າເປື້ອນ ເພື່ອໃຫ້ນໍ້າໄຫລສະດວກ ບໍ່ມີສິ່ງອຸດຕັນຮ່ອງລະບາຍນໍ້າ, ແກ້ໄຂສິ່ງແວດລ້ອມ ຈາກກິ່ນເໝັນຂອງສິ່ງເສດເຫລືອຕ່າງໆ ຢູ່ຕາມທາງຮ່ອມ, ທາງຊອຍໃນຂອບເຂດບ້ານຂອງຕົນ. ພ້ອມນີ້, ກໍໄດ້ຊີ້ນຳໃຫ້ບ້ານຕ່າງໆພາຍໃນເມືອງຈັນທະບູລີ ເອົາ ໃຈໃສ່ໃນວຽກງານປ້ອງກັນຊາດ-ປ້ອງກັນຄວາມສະຫງົບ ໂດຍສະເພາະ ໃຫ້ປະຊາຊົນແຕ່ລະບ້ານ ໃຫ້ເປັນເຈົ້າການ, ເປັນຫູເປັນຕາ, ຕິດຕາມກຸ່ມຄົນທີ່ບໍ່ດີ ຫວັງສ້າງຂະບວນການຍໍ້ທໍ້ຕ່າງໆ, ໃຫ້ຕິດຕາມຄົນມາພັກເຊົ່າ ຖ້າພົບປະກົດການຫຍັງທີ່ບໍ່ແທດເໝາະ ໃຫ້ລາຍງານຕໍ່ ປກສ ບ້ານ, ປກສ ກຸ່ມ ເພື່ອແກ້ໄຂໃຫ້ທັນການ, ຮັບປະກັນບໍ່ໃຫ້ເກີດປະກົດການຍໍ້ທໍ້ຂຶ້ນໃນໄລຍະກອງປະຊຸມໃຫຍ່ຜູ້ແທນອົງຄະນະພັກ ນະຄອນຫລວງວຽງຈັນ ຄັ້ງທີ VIII.

ຜ່ານການນຳພາ-ຊີ້ນຳ ຂອງອົງການປົກຄອງ ນະຄອນຫລວງວຽງຈັນ ກໍຄື ອົງຄະນະພັກນະ ຄອນຫລວງວຽງຈັນ ຕະຫລອດໄລຍະ 5 ປີຜ່ານມາ, ເມືອງຈັນທະບູລີ ສາມາດຍາດໄດ້ຜົນສຳເລັດຫລາຍດ້ານ, ໂຄງປະກອບເສດຖະກິດມີການຫັນປ່ຽນ, ຂະແໜງອຸດສາຫະກຳເພີ່ມຂຶ້ນ ສະເລ່ຍ 8,64% ກວມເອົາ 21,72% ຂອງ GDP, ການຄ້າ-ການບໍລິການ ເພີ່ມຂຶ້ນສະເລ່ຍ 14,19% ກວມເອົາ 76,38% ຂອງ GDP ເຖິງຢ່າງໃດກໍຕາມ ຂະແໜງກະສິກຳ ສະເລ່ຍຫລຸດລົງ 0,69% ກວມເອົາ 1,2% ຂອງ GDP, ສຳລັບການລົງທຶນພາກລັດ ແລະ ເອກະຊົນທັງພາຍໃນ ແລະ ຕ່າງປະເທດ ສາມາດດຶງດູູດການລົງທຶນ ໃນກິດຈະການສຳປະທານ ແລະ ກິດຈະການທົ່ວໄປ (ບັນຊີຄວບຄຸມ)ໄດ້ 19 ໂຄງການ ມູນຄ່າການລົງທຶນ 1.525,1 ຕື້ກີບ. ໃນນັ້ນ: ກິດຈະການສຳປະທານ 2 ໂຄງການ, ມູນຄ່າການລົງທຶນ 1.473,1 ຕື້ກີບ ລົງທຶນໃນດ້ານອະສັງຫາລິມມະຊັບ; ການລົງທຶນກິດຈະການທົ່ວໄປ (ບັນຊີຄວບຄຸມ) ແມ່ນລົງທຶນໃສ່ໃນຂະແໜງການສຶກສາ, ຂະແໜງການບໍລິການ ມີ 17 ໂຄງການ ມູນຄ່າການລົງທຶນ 51,5 ຕື້ກີບ, ສາມາດດຶງດູດນັກທ່ອງທ່ຽວໄດ້ 1.356.775 ເທື່ອຄົນ, ສາມາດເກັບລາຍຮັບເຂົ້າງົບປະມານໄດ້ 510,44 ຕື້ກີບ. ນອກຈາກນີ້, ຍັງຊຸກຍູ້ສົ່ງເສີມບັນດາໂຮງງານ ການຜະລິດເປັນສິນຄ້າເພື່ອຈຳໜ່າຍ ເປັນຕົ້ນ ແມ່ນອຸດສາຫະກຳສະບຽງອາຫານ, ອຸດສາຫະກຳເຄື່ອງດື່ມ, ອຸດສາ ຫະກຳເຄື່ອງນຸ່ງຫົ່ມ, ອຸດສາຫະກຳໄມ້ ແລະ ຜະລິດຕະພັນໄມ້ ຜະລິດຕະພັນຫວາຍ, ອຸດສາຫະກຳເຟີນີເຈີ, ຜະລິດຕະພັນເຈ້ຍ ແລະ ອື່ນໆ ເຊິ່ງຈຳນວນໂຮງງານອຸດສາຫະກຳປຸງແຕ່ງ ທີ່ຜະລິດ ແລະ ຈຳໜ່າຍ ມາຮອດປັດຈຸບັນ ສະຖິຕິໂຮງງານອຸດສາຫະກຳປຸງແຕ່ງ ມີຈຳນວນທັງໝົດ 88 ໂຮງງານ, ສາ ມາດຜະລິດສິນຄ້າໄດ້ 13 ລາຍການສິນຄ້າ.

ຫັດຖະກຳແຕ້ມທຽນຂອງແມ່ຍິງຊົນເຜົ່າໄດ້ຮັບຄວາມນິຍົມທັງພາຍໃນ ແລະ ຕ່າງປະເທດ ສາມາດສ້າງວຽກເຮັດງານທໍາ ສ້າງລາຍຮັບໃຫ້ເອື້ອຍນ້ອງແມ່ຍິງຈາກອາຊີບເຮັດນາປູກເຂົ້າ, ລ້ຽງສັດ ແລະ ທໍາມາຫາກິນແບບທຳມະຊາດກາຍເປັນຕົວແບບກຸ່ມຫັດຖະກຳແຕ້ມທຽນ 3 ເອື້ອຍນ້ອງມີລາຍຮັບໝັ້ນ ຄົງ ຫຼຸດພົ້ນອອກຈາກຄວາມທຸກຍາກ.

ທ່ານ ນາງ ເນັ່ງ ທໍ່ ຕົວແບບກຸ່ມຫັດຖະກຳແຕ້ມທຽນ 3 ເອື້ອຍນ້ອງ ບ້ານວຽງຮັງ ເມືອງສົບເບົາ ແຂວງຫົວພັນ ໄດ້ປະກອບຄໍາເຫັນຕໍ່ກອງປະຊຸມໃຫຍ່ຜູ້ແທນແມ່ຍິງລາວທົ່ວປະເທດ ຄັ້ງທີ IX ໃນຫົວຂໍ້ “ຫັດຖະກຳແຕ້ມທຽນຂອງແມ່ຍິງຊົນເຜົ່າທີ່ສ້າງວຽກເຮັດງານທໍາໃຫ້ແກ່ເອື້ອຍນ້ອງແມ່ຍິງ” ວ່າ: ກ່ອນ ໜ້ານີ້ຄອບຄົວໄດ້ຢຶດຖືອາຊີບເຮັດນາປູກເຂົ້າ ແລະ ລ້ຽງສັດເປັນອາຊີບ ທໍາມາຫາກິນແບບທຳມະຊາດລາຍຮັບພໍແຕ່ກຸ້ມກິນ ບາງປີກໍອຶດຢາກຂາດເຂີນ ມາຮອດປີ 2020 ພວກຂ້າພະເຈົ້າເຫັນວ່າ ຕະຫຼາດທັງພາຍໃນ ແລະ ຕ່າງປະເທດມີຄວາມຕ້ອງການຊື້ກະໂປ່ງເກົ່າ, ເສື້ອເກົ່າຂອງເຜົ່າມົ້ງ ຜ້າບ່ຽງເຜົ່າໄທດຳ ໂສ້ງແມ່ຍິງເຜົ່າຢ້າວ ຈຶ່ງພ້ອມກັນມາຄົ້ນ ຄວ້ານຳຄອບຄົວທົດລອງເກັບຊື້ເຄື່ອງເກົ່າໄປຂາຍ ພ້ອມນັ້ນ, ກໍຜະລິດຂຶ້ນໃໝ່ທີ່ຄືກັບແບບເກົ່າເພື່ອຂາຍ. ຜ່ານການທົດລອງເຫັນວ່າໄດ້ຂາຍດີມີກຳໄລ ແລະ ຕະຫຼາດມີຄວາມຕ້ອງການໂດຍສະເພາະແມ່ນຕະຫຼາດຕ່າງປະເທດ ແລະ ພາຍໃນປະ ເທດຈຳນວນໜຶ່ງ.ມາຮອດປີ 2021 ຈຶ່ງໄດ້ເອກະພາບພາຍໃນ 3 ຄອບຄົວພ້ອມກັນສ້າງກຸ່ມແຕ້ມທຽນ 3 ເອື້ອຍນ້ອງຂຶ້ນແຕ່ກໍຍັງເປັນກຸ່ມການຜະລິດຂະໜາດນ້ອຍໃນເບື້ອງຕົ້ນມີຕົ້ນທຶນທັງໝົດ 500 ລ້ານກີບ, ໃນນັ້ນທຶນຄົງທີ່ມີ 200 ລ້ານກີບ ທຶນໝູນວຽນ 300 ລ້ານກີບ, ມີພະນັກ ງານໃນກຸ່ມ 6 ຄົນ ຜ່ານການດຳເນີນມາເປັນໄລຍະ 1 ປີ ເຫັນວ່າມີລາຍຮັບດີ ມາຮອດປີ 2022 ຈຶ່ງໄດ້ຂະຫຍາຍກິດຈະ ການເອົາເງິນທີ່ທ້ອນຈາກກຳໄລມີ 1 ຕື້ກີບ ມາລົງທຶນໃສ່ຕື່ມ ໃນນີ້ມີທຶນ ໝູນວຽນ 800 ລ້ານກີບ ມາຮອດປັດຈຸ ບັນມີພະນັກງານໃນກຸ່ມທັງໝົດ 50 ຄົນ ຍິງ 41 ຄົນ ປະກອບ 2 ໜ່ວຍງານ ມີ 10 ຈຸງານຄື: ໜ່ວຍງານບໍລິຫານ ແລະ ຄຸ້ມຄອງມີ 5 ຈຸງານ, ໜ່ວຍງານການຜະ ລິດມີ 5 ຈຸງານ. ປັດ ຈຸບັນສາມາດຜະລິດສົ່ງອອກຂາຍໄດ້ 63,128 ຜືນ ມີລາຍຮັບທັງໝົດ 51 ຕື້ກວ່າກີບ ສາມາດສ້າງວຽກເຮັດງານທຳໃຫ້ເອື້ອຍນ້ອງແມ່ຍິງເຂດໃກ້ຄຽງໃຫ້ມີລາຍໄດ້ທີ່ໝັ້ນຄົງ.

ຈາກຜົນຜະລິດ ທີ່ໄດ້ຮັບໃນການດຳ ເນີນທຸລະກິດມາຮອດປັດຈຸບັນການຜະລິດທີ່ສົ່ງອອກມີ 4 ປະເພດຄື: ຝ້າຍຂາວ, ຝ້າຍສີ ຝ້າຍແຕ້ມທຽນ ຝ້າຍແຕ້ມແສ່ວມີ 63,128 ຜືນ ມີລາຍຮັບທັງໝົດ 51 ຕື້ກວ່າກີບ ຕົ້ນທຶນທັງໝົດ 44 ຕື້ກວ່າກີບ ຍອດກໍາໄລ 6 ຕື້ກວ່າກີບ, ພະນັກ ງານກໍາມະກອນໄດ້ຮັບເງິນເດືອນຕ່ຳສຸດ 3,500,000 ກີບ ແລະ ສູງສຸດ 5,500,000 ກີບ ພ້ອມນັ້ນໄດ້ສົ່ງປະ ເພດຝ້າຍແຕ້ມທຽນໃຫ້ເອື້ອຍນ້ອງແມ່ຍິງບັນດາບ້ານໃນທົ່ວເມືອງຫຍິບແສ່ວປະດັບສີ ລາ ຄາ 85,000 -100,000 ກີບຕໍ່ທ່ອນ, ຜົນຈາກການຜະລິດສາມາດແກ້ໄຂຄອບຄົວທຸກ ຍາກຂອງກຸ່ມແຕ້ມທຽນ 3 ເອື້ອຍນ້ອງມີຄື: ມີເຮືອນຖາ ວອນ 4 ຫຼັງ, ລົດໃຫຍ່ 4 ຄັນ, ລົດຈັກ 7 ຄັນ, ໂຮງສີເຂົ້າ 1 ເຄື່ອງ, ງົວ 100 ໂຕ ມີເງິນສົ່ງລູກຫຼານໄປສຶກສາຮໍ່າຮຽນ ແລະ ມີເງິນທ້ອນຈຳນວນໜຶ່ງ. ທ່ານ ນາງ ເນັ່ງ ທໍ່ ກ່າວໃຫ້ຮູ້ອີກວ່າ: ເພື່ອຕອບສະໜອງ ຄວາມຮຽກຮ້ອງຕ້ອງການຂອງຕະ ຫຼາດ ແລະ ເຮັດໃຫ້ທຸລະກິດຂະຫຍາຍ ຕົວຍິ່ງຂຶ້ນໃນຕໍ່ໜ້າຈະສືບຕໍ່ຮັກສາເສີມຂະຫຍາຍໃຫ້ກວ້າງ ຂວາງຕື່ມອີກໂດຍສະເພາະຈຸງານຜະ ລິດແຜ່ນແພ ຈະປຸກລະດົມຊາວບ້ານ ແລະ ບັນດາບ້ານພາຍໃນເມືອງສົບເບົາທີ່ມີເງື່ອນໄຂປູກຕົ້ນຝ້າຍມົ້ງເພື່ອສະໜອງໃຫ້ກຸ່ມຫັດຖະ ກຳແຕ້ມທຽນເພື່ອຜະລິດໃຫ້ໄດ້ຫຼາຍ ແລະ ຫຼຸດຜ່ອນການນຳເຂົ້າວັດຖຸດິບ ຈາກຕ່າງປະເທດ ຂະຫຍາຍສາຂາສົ່ງສິນຄ້າຢູ່ພາຍໃນ ຕ່າງແຂວງ ແລະ ຕ່າງປະເທດໃຫ້ຫຼາຍຂຶ້ນ, ຈະສົມທົບພາກ ສ່ວນທີ່ກ່ຽວຂ້ອງເພື່ອສະເໜີຂໍຈົດທະບຽນຊັບສິນທາງປັນຍາຫັດຖະກຳແຕ້ມທຽນ, ຈະສືບ ຕໍ່ຍົກລະດັບຄຸນນະ ພາບ ແປຮູບຜະລິດ ຕະພັນໃຫ້ຫຼາກຫຼາຍ ແລະ ມີຄຸນນະພາບສູງຂຶ້ນເພື່ອເຮັດໃຫ້ປະຊາຊົນມີຊີວິດການເປັນຢູ່ດີຂຶ້ນ ມີລາຍຮັບທີ່ໝັ້ນຄົງ ຊຸກຍູ້ສົ່ງເສີມ ປົກປັກຮັກສາຮີດຄອງປະເພນີ ແລະ ວັດ ທະນະທຳອັນດີງາມຂອງຫັດຖະກຳແຕ້ມທຽນຂອງແມ່ ຍິງຊົນເຜົ່າ ປະກອບ ສ່ວນເຂົ້າໃນການພັດທະນາ ແລະ ສ້າງ ສາປະເທດຊາດ.

ວິທະຍຸໂທລະພາບສູນກາງຈີນ CMG ໄດ້ລາຍງານວ່າ: ຕອນເຊົ້າວັນທີ 13 ກັນຍາ ນີ້, ກອງປະຊຸມເວທີປຶກສາຫາລືວັດທະນະທຳສາກົນ ໝີແພນດາຄຳ 2025 ໄດ້ຈັດຂຶ້ນຢູ່ສູນປະຊຸມສາກົນທ່ຽນຝູ ນະຄອນເສີງຕູ່ ແຂວງເສສວນ ຈີນ. ທ່ານ ຫລີຊູເຫລີຍ ກຳມະການກົມການເມືອງສູນກາງພັກ ຫົວໜ້າຄະນະໂຄສະນາອົບຮົມສູນກາງພັກຄອມມູນິດຈີນ ໄດ້ເຂົ້າຮ່ວມ ແລະ ກ່າວເປີດກອງປະຊຸມເວທີປຶກສາຫາລືດັ່ງກ່າວ.

ໃນຖານະເປັນໜຶ່ງໃນກິດຈະກຳສຳຄັນຂອງລາງວັນໝີແພນດາຄຳ, ກອງປະຊຸມເວທີປຶກສາຫາລື ຄັ້ງນີ້ມີຫົວຂໍ້ “ອະລິຍະທຳເຕົ້າໂຮມກັນ, ບຸກເບີກອະນາຄົດ”, ໄດ້ເຊື້ອເຊີນແຂກທີ່ມີກຽດຂອງຈີນ ແລະ ຕ່າງປະເທດ 780 ກວ່າທ່ານ ເຂົ້າຮ່ວມ, ເພື່ອແລກປ່ຽນສິລະປະ, ແບ່ງປັນທັດສະນະ ແລະ ຊຸກຍູ້ການແລກປ່ຽນ ແລະ ຖອດຖອນບົດຮຽນເຊິ່ງກັນ ແລະ ກັນ ລະຫວ່າງ ອະລິຍະທຳຕ່າງໆ.

ວິທະຍຸກະຈາຍສຽງຫວຽດນາມລາຍງານວ່າ: ໃນທ້າຍອາທິດຜ່ານມາ ຢູ່ນະຄອນຫຼວງຮ່າໂນ້ຍ, ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ ໄດ້ເປັນປະທານກອງປະຊຸມຄະນະປະຈຳລັດຖະບານກັບກະຊວງ, ຂະແໜງການຈຳນວນໜຶ່ງ ເພື່ອສືບຕໍ່ຫັນມະຕິກອງປະຊຸມປະຈຳເດືອນສິງຫາ 2025 ຂອງລັດຖະບານ ກ່ຽວກັບວຽກງານຊີ້ນຳ, ບໍລິຫານເສດຖະກິດໃຫ້ເປັນລະອຽດ.

ຂ່າວລະບຸວ່າ: ທ່ານ ຟ້າມມິງຈິງ ຊີ້ແຈ້ງເປົ້າໝາຍລວມໃນໄລຍະຈະມາເຖິງ ຍັງແມ່ນການຮັບປະກັນເສດຖະກິດມະຫາພາກໃຫ້ເປັນປົກກະຕິ, ຄວບຄຸມໄພເງິນເຟີ້ຕາມເປົ້າໝາຍທີ່ໄດ້ວາງອອກ, ຊຸກຍູ້ລະດັບເຕີບໂຕແຕ່ 8.3 – 8.5% ໃນປີ 2025, ຮັບປະກັບບັນດາຄວາມດຸ່ນດ່ຽງໃຫຍ່, ມີສະຖຽນລະພາບເພື່ອພັດທະນາ, ພັດທະນາເພື່ອມີສະຖຽນລະພາບ, ພັດທະນາໄວແຕ່ຕ້ອງຍືນຍົງ, ຍົກສູງຊີວິດທາງດ້ານວັດຖຸ, ຈິດໃຈຂອງປະຊາຊົນ. ທ່ານນັ້ນໜັກວ່າ ຕ້ອງກຳນົດແຈ້ງຈຸດໜັກ, ຈຸດສຸມ, ບຸລິມະສິດ, ມີແຜນການໃຫ້ເໝາະສົມ, ແໜ້ນແຟ້ນ, ມີປະສິດທິຜົນລະຫວ່າງບັນດາກະຊວງ, ຂະແໜງການ, ອົງການໃນລະບົບການເມືອງ, ລະຫວ່າງສູນກາງ ແລະ ທ້ອງຖິ່ນ.

ງານມະຫະກຳການທ່ອງທ່ຽວ ແລະ ການສຶກສາມາເລເຊຍ 2025 ໄດ້ຈັດຂຶ້ນໃນວັນທີ 13 ກັນ ຍາຜ່ານມາ ທີ່ສູນການຄ້າພາກຊັນ ໂດຍການເຂົ້າຮ່ວມຂອງທ່ານ ເອດີ ອີວານ ມາມຸດ ເອກອັກຄະລັດຖະທູດແຫ່ງມາເລເຊຍປະຈໍາ ສປປ ລາວ, ມີທ່ານ ນາງ ພອນມະລີ ອິນທະພົມ ຫົວໜ້າກົມພັດທະນາການທ່ອງທ່ຽວ ກະຊວງວັດທະນະທຳ ແລະ ການທ່ອງທ່ຽວ (ວທ) ພ້ອມດ້ວຍພາກສ່ວນກ່ຽວຂ້ອງ ແລະ ຕົວແທນຈາກບໍລິສັດທ່ອງທ່ຽວພາຍໃນ ແລະ ຈາກມາເລເຊຍເຂົ້າຮ່ວມ.

ພາຍໃນງານຜູ້ເຂົ້າຮ່ວມໄດ້ຮັບຊົມການສະແດງສິລະປະຈາກມາເລເຊຍ ແລະ ກິດຈະກຳດີໆໃຫ້ມວນຊົນຮ່ວມຫຼິ້ນເກມ ແລະ ຮັບຂອງລາງວັນຈາກທາງການທ່ອງທ່ຽວມາເລເຊຍ. ພ້ອມນີ້ໃນງານທ່ານຈະໄດ້ພົບກັບບໍລິສັດທົວທີ່ມີຊື່ສຽງຫຼາຍບໍລິສັດທີ່ຄອຍໃຫ້ຄຳປຶກສາກ່ຽວກັບການໄປທ່ອງທ່ຽວມາເລເຊຍ ແລະ ສູນການສຶກສາເພື່ອວາງແຜນໃນການສົ່ງລູກຫຼານຂອງທ່ານໄປຮຽນຕໍ່ທີ່ປະເທດມາເຊຍທີ່ໄດ້ມາດຕະຖານລະດັບສາກົນ.

ສະຖານເອກອັກຄະລັດຖະທູດ ມາເລເຊຍ ປະຈໍາ ສປປ ລາວ ໄດ້ຈັດງານລ້ຽງສະເຫຼີມສະຫຼອງວັນຊາດ ຄົບຮອບ 68 ປີ, ວັນມາເລເຊຍ ຄົບຮອບ 62 ປີ ແລະ ວັນສ້າງຕັ້ງກອງທັບມາເລເຊຍ ຄົບຮອບ 92 ປີ ໃນວັນທີ 12 ກັນຍາ ຜ່ານມານີ້ ທີ່ໂຮງແຮມຮໍລິເດອິນ ນະຄອນຫຼວງວຽງຈັນ.

ເປັນກຽດເຂົ້າຮ່ວມງານລ້ຽງ, ໂດຍ ທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງວັດທະນະທໍາ ແລະ ການທ່ອງທ່ຽວ, ທ່ານ ໄມທອງ ທໍາມະວົງສາ ຮອງລັດຖະມົນຕີກະຊວງການຕ່າງປະເທດ, ບັນດາລັດຖະມົນຕີ, ຮອງລັດຖະມົນຕີ, ເອກອັກຄະລັດຖະທູດ ພ້ອມດ້ວຍແຂກຖືກເຊີນ.

ໃນພິທີ, ທ່ານ ແອດີ ເອຍວານມາຮມຸດ ເອກອັກຄະລັດຖະທູດມາເລເຊຍ ປະຈໍາ ສປປ ລາວ ຂຶ້ນກ່າວ ຊຶ່ງມີບາງຄວາມໝາຍສໍາຄັນວ່າ: ຂ້າພະເຈົ້າພ້ອມດ້ວຍພັນລະຍາ ນາງ ຣາຊີດາ ມີຄວາມຍິນດີ ຕ້ອນຮັບແຂກທີ່ມີກຽດທຸກໆທ່ານ ລວມເຖິງແຂກຈາກລັດຖະບານລາວ, ເພື່ອນມິດສະຫາຍຂອງມາເລເຊຍ, ສິດເກົ່າໂຄງການຮ່ວມມືທາງດ້ານວິຊາການມາເລເຊຍ ແລະ ເພື່ອນມິດມາເລເຊຍ ທີ່ອາໄສຢູ່ໃນລາວ ເຂົ້າສູ່ງານລ້ຽງ ເພື່ອສະເຫຼີມສະຫຼອງສະຫຼອງວັນຊາດ ຄົບຮອບ 68 ປີ, ວັນມາເລເຊຍ ຄົບຮອບ 62 ປີ ແລະ ວັນສ້າງຕັ້ງກອງທັບມາເລເຊຍ ຄົບຮອບ 92 ປີ, ໃນວັນທີ 31 ສິງຫາ ຂອງທຸກໆປີ ຊາວມາເລເຊຍຈາກທຸກຊັ້ນຄົນ ມາເຕົ້າໂຮມກັນ ເພື່ອລະລຶກເຖິງວັນປະກາດເອກະລາດຂອງປະເທດ ໃນປີ 1957 ເປັນໄລຍະເວລາປະຫວັດສາດ ສະແດງໃຫ້ເຫັນເຖິງການກໍາເນີດອໍານາດອະທິປະໄຕ, ຄວາມສາມັກຄີກັນ ຂອງບັນດາເຜົ່າມາເລເຊຍ, ການສະເຫຼີມສະຫຼອງນີ້ ຍັງດໍາເນີນໄປເຖິງ ວັນທີ 16 ກັນຍາ, ເພື່ອໃຫ້ກຽດເຄົາລົບ ແກ່ການກໍ່ຕັ້ງ ປະເທດມາເລເຊຍ ໃນປີ 1963 ໂດຍການລວມເອົາລັດຊາບະ ແລະ ລັດຊາຣາວັກ. ໃນວັນດຽວກັນນີ້ ພວກເຮົາຍັງໄດ້ສະເຫຼີມສະຫຼອງວັນສ້າງຕັ້ງກອງທັບມາເລເຊຍ ຊຶ່ງໄດ້ປະຕິບັດ ຈັດມາແຕ່ປີ 1933 ເຫດການສໍາຄັນເຫຼົ່ານີ້ ບໍ່ພຽງແຕ່ເປັນກຽດໃຫ້ອະດີດພວກເຮົາເທົ່ານັ້ນ ແຕ່ຍັງເປັນການສະທ້ອນເຖິງການເຄື່ອນໄຫວ ຂອງຊາດອີກດ້ວຍ. ປີນີ້, ລັດຖະບານມາເລເຊຍໄດ້ເລືອກຫົວຂໍ້ “Malaysia MADANI, Rakyat Disantuni ຊຶ່ງເນັ້ນເຖິງຄວາມມຸ່ງໝັ້ນຂອງລັດຖະບານໃນການປົກປ້ອງຊີວິດການເປັນຢູ່ທີ່ດີຂອງປະຊາຊົນ ຕາມວິໃສທັດຂອງ MADANI ທີ່ວ່າ ຄວາມສາມັກຄີ ແລະ ຄວາມຈະເລີນຮຸ່ງເຮືອງຮ່ວມກັນ ພາຍໃຕ້ກອບແນວຄິດມາເລເຊຍ MADANI ທີ່ນາຍົກລັດຖະມົນຕີຂອງພວກເຮົາໄດ້ນໍາສະເໜີ ພວກເຮົາຈະສືບຕໍ່ຄວາມພະຍາຍາມໃນການສ້າງຊາດໂດຍຢຶດໝັ້ນຄ່ານິຍົມຫົກປະການ, ໄດ້ແກ່ຄວາມພະຍາຍາມໃນການສ້າງຊາດ ໂດຍຢຶດໝັ້ນຄ່ານິຍົມ 6 ປະການ ໄດ້ແກ່: ຄວາມຍືນຍົງ, ຄວາມຫ່ວງໃຍ ແລະ ຄວາມເຫັນອົກເຫັນໃຈ, ຄວາມເຄົາລົບ, ຄວາມຄິດໃໝ່ໆ, ຄວາມຈະເລີນຮຸ່ງເຮືອງ ແລະ ຄວາມໄວ້ວາງໃຈ, ລວມເຖິງຄວາມຮັບຜິດຊອບຂອງພວກເຮົາໃນຈໍານວນສະມາຊິກອາຊຽນທີ່ກະຕືລືລົ້ນ ແລະ ສ້າງສັນ ແລະ ມີສ່ວນຮ່ວມຂອງປະຊາຄົມໂລກ. ນອກຈາກ ການຮ່ວມມືທາງການເມືອງແລ້ວ, ພວກເຮົາຍັງຄົງສືບຕໍ່ຂະຫຍາຍທ່າແຮງທາງດ້ານເສດຖະກິດຂອງອາຊຽນດ້ວຍການສົ່ງເສີມການຄ້າພາຍໃນອາຊຽນ ຫຼາຍຍິ່ງຂຶ້ນ, ຮັດແໜ້ນສາຍພົວພັນດ້ານການລົງທຶນ ແລະ ຮັບເອົາກາລະໂອກາດ ການຫັນປ່ຽນດ້ານດີຈີຕອນ ແລະ ປັນຍາປະດິດ.

ຮອດປັດຈຸບັນນີ້, ພາຍໃຕ້ການເປັນປະທານອາຊຽນ ມາເລເຊຍໄດ້ຈັດປະຊຸມອາຊຽນໃນຫຼາຍລະດັບແລ້ວຫຼາຍກວ່າ 350 ກອງປະຊຸມ, ຄວບຄຸມສາມເສົາຄໍ້າປະຊາຄົມອາຊຽນ, ການປະຊຸມສຸດຍອດອາຊຽນ ຄັ້ງທີ 47 ມີກຳນົດຈະຈັດຂຶ້ນ ທີ່ນະຄອນຫຼວງກົວລາລໍາເປີ ໃນທ້າຍເດືອນຕຸລານີ້ ຊຶ່ງພວກເຮົາຫວັງເປັນຢ່າງຍິ່ງວ່າ ຈະໄດ້ຕ້ອນຮັບປະເທດ ຕີມໍແລັດສະເຕ ເຂົ້າເປັນສະມາຊິກອາຊຽນ ປະເທດທີ 11 ເປັນທາງການ, ໃນການສະເຫຼີມສະຫຼອງສາຍພົວພັນທາງການທູດອັນຍາວນານລະຫວ່າງສອງປະເທດພວກເຮົາຕ້ອງເນັ້ນເຖິງຄວາມສໍາຄັນຢ່າງຍິ່ງໃຫຍ່ຂອງການເຊື່ອມໂຍງລະຫວ່າງປະຊາຊົນດ້ວຍກັນ, ຂ້າພະເຈົ້າມີຄວາມຍິນດີທີ່ຈະແຈ້ງໃຫ້ຊາບວ່າມາເລເຊຍຈະສະເຫຼີມສະຫຼອງປີທ່ອງທ່ຽວມາເລເຊຍ 2026 ແລະ ປີການທ່ອງທ່ຽວທາງການແພດ 2026 ໃນປີໜ້ານີ້, ຂ້າພະເຈົ້າຂໍເຊື້ອເຊີນ ທຸກໆທ່ານມາທ່ຽວມາເລເຊຍ ເພື່ອພັກຜ່ອນ ແລະ ທ່ອງທ່ຽວ ເພາະການທ່ອງທ່ຽວຍັງຄົງເປັນການຂັບເຄື່ອນທີ່ສໍາຄັນໃນການແລກປ່ຽນທາງວັດທະນະທໍາ ແລະ ການເປັນຄູ່ຮ່ວມທາງເສດຖະກິດ.

ຕອນທ້າຍ, ທ່ານ ແອດີ ເອຍວານມາຮມຸດ ຍັງກ່າວສະແດງຄວາມຂອບໃຈຢ່າງສຸດຊຶ້ງທີ່ບັນດາທ່ານໄດ້ມາຮ່ວມງານລ້ຽງ, ສໍາລັບການສະໜັບສະໜູນຢ່າງຕໍ່ເນື່ອງຂອງທ່ານໃນການເສີມສ້າງສາຍສໍາພັນທະວິພາຄີ ມາເລເຊຍ ແລະ ລາວ ແລະ ການພັດທະນາຍືນຍົງໃນວົງກວ້າງ ຂອງປະຊາຄົມອາຊຽນ ຂອງພວກເຮົາ. ການເຂົ້າຮ່ວມຂອງທ່ານ ສະແດງໃຫ້ເຫັນເຖິງມິດຕະພາບອັນເລິກເຊິ່ງທີ່ເຊື່ອມໂຍງພາກພື້ນຂອງເຮົາເຂົ້າດ້ວຍກັນ. ຂະນະທີ່ເຮົາເບິ່ງໄປຍັງອະນາຄົດຂໍໃຫ້ພວກເຮົາສືບຕໍ່ສ້າງຄວາມເຂົ້າໃຈ. ຄວາມໄວ້ວາງໃຈ ແລະ ຄວາມສາມັກຄີກັນ, ຄວາມມີຄຸນຄ່າ, ເປັນຄູ່ຮ່ວມມືຂອງພວກເຮົາມານານຫຼາຍທົດສະວັດ ແລະ ຈະເປັນແນວທາງສູ່ຄວາມກ້າວໜ້າຮ່ວມກັນຂອງເຮົາຕະຫຼອດໄປ.

ພິທີເຊັນສັນຍາສະໜອງທຶນລະຫວ່າງກອງທຶນສົ່ງເສີມຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ (ທສວ) ແລະ ທະນາຄານ ສົ່ງເສີມກະສິກຳ ຈຳກັດ (ທສກ) ໄດ້ຈັດຂຶ້ນໃນວັນທີ 12ກັນຍາ ຜ່ານມານີ້ ທີ່ໂຮງແຮມສຸພັດຕຣາ ນະຄອນຫຼວງວຽງຈັນ.

ຮ່ວມລົງນາມຄັ້ງນີ້ ຕາງໜ້າ ທສວ ໂດຍທ່ານ ນາງ ມະນີວອນ ວົງໄຊ ຫົວໜ້າກົມສົ່ງເສີມຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ, ຕາງໜ້າ ທສກ ໂດຍ ທ່ານ ພິລາວັນ ສໍພາບມີໄຊ ຜູ້ອຳນວຍການ ທະນາຄານສົ່ງເສີມກະສິກຳ ຈຳກັດ ໂດຍໃຫ້ກຽດເຂົ້າຮ່ວມເປັນສັກຂີພິຍານຂອງ ທ່ານ ຈັນທະບູນ ສຸກອາລຸນ ຮອງລັດຖະມົນຕີກະຊວງອຸດສາຫະກໍາ ແລະ ການຄ້າ ຮອງປະທານສະພາບໍລິຫານ ທສວ, ທ່ານ ພົງສະຫວັດ ເສນາພວນ ປະທານສະພາບໍລິຫານ ທະນາຄານ ສົ່ງເສີມກະສິກໍາ ຈໍາກັດ ແລະ ພາກສ່ວນທີ່ກ່ຽວຂ້ອງທັງສອງຝ່າຍເຂົ້າຮ່ວມ.

ການເຊັນສັນຍາສະໜອງທຶນ ລະຫວ່າງ ກອງທຶນສົ່ງເສີມຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ກາງ ແລະ ທະນາຄານ ສົ່ງເສີມກະສິກຳ ຈຳກັດ ໃນຄັ້ງນີ້ ຖືວ່າເປັນຄັ້ງທຳອິດ ຊຶ່ງມີຄວາມໝາຍຄວາມສຳຄັນຢ່າງຍິ່ງ ເນື່ອງຈາກຈະເປັນການຢັ້ງຢືນຮັບເອົາ ທສກ ເຂົ້າມາເປັນຄູ່ຮ່ວມມືໃໝ່ ຂອງ ທສວ ໃນບ້ວງເງິນປະກອບທຶນຂອງລັດຖະບານ ອັດຕາດອກເບ້ຍ 3% ຕໍ່ປີ ຊຶ່ງສະໜອງທຶນເບື້ອງຕົ້ນ ໃຫ້ ທສກ ເປັນມູນຄ່າ 30 ຕື້ກີບ ເພື່ອໃຫ້ທະນາຄານນຳເອົາທຶນດັ່ງກ່າວ ໄປປ່ອຍກູ້ໃຫ້ ຈນກ ຕາມຂະແໜງ ແລະ ຂົງເຂດບຸລິມະສິດຂອງລັດຖະບານ ໃນຂອບເຂດທົ່ວປະເທດ. ວົງເງິນປ່ອຍກູ້ໃຫ້ ຈຸນລະວິສາຫະກິດ ສາມາດກູ້ຢືມໄດ້ບໍ່ເກີນ 2.5 ຕື້ກີບຕໍ່ຄັ້ງ, ວິສາຫະກິດຂະໜາດນ້ອຍ ສາມາດກູ້ຢືມໄດ້ບໍ່ເກີນ 4 ຕື້ກີບຕໍ່ຄັ້ງ, ວິສາຫະກິດຂະໜາດກາງ ສາມາດກູ້ຢືມໄດ້ບໍ່ເກີນ 5 ຕື້ກີບຕໍ່ຄັ້ງ.

#ພະຍາກອນອາກາດ ປະຈໍາວັນທີ 15 ກັນຍາ 2025, ຄວາມກົດດັນຕ່ຳຂອງອາກາດຮ້ອນຍັງຈະສືບຕໍ່ປົກຄຸມຢູ່ທົ່ວທຸກພາກຂອງປະເທດລາວ ດ້ວຍກຳລັງອ່ອນ ຫາ ປານກາງ. ສົມທົບກັບລົມມໍລະສຸມຕາເວັນຕົກສ່ຽງໃຕ້ພັດປົກຄຸມ, ຊຶ່ງຈະເຮັດໃຫ້ອາກາດຮ້ອນ ແລະ ຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍຢູ່ທົ່ວໄປໃນແຕ່ລະພາກ ແລະ ຈະມີຝົນຕົກປານກາງ ພ້ອມມີລົມພັດແຮງຢູ່ບາງທ້ອງຖິ່ນຕື່ມອີກ.

ພະຍາກອນອາກາດ ແຕ່ເວລາ 07 ໂມງ ຂອງວັນທີ 15/09/2025 ຫາ ເວລາ 07 ໂມງ ຂອງວັນທີ 16/09/2025

ພາກເໜືອດ້ານຕາເວັນອອກ (ແຂວງຜົົ້ງສາລີ, ຫົວພັນ ແລະ ຊຽງຂວາງ): ຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍ ພ້ອມມີລົມພັດແຮງຢູ່ບາງທ້ອງຖິ່ນ ຫລື ເນື້ອທີ່ການປົກຫຸ້ມຂອງຝົນເທົ່າກັບ 40% ຂອງພາກ. ອຸນຫະພູມໃນລະຫວ່າງ 15 – 30 ອົງສາ.

ພາກເໜືອດ້ານຕາເວັນຕົກ (ແຂວງ ຫລວງນ້ຳທາ, ບໍ່ແກ້ວ, ອຸດົມໄຊ, ຫລວງພະບາງ ແລະ ໄຊຍະບູລີ): ອາກາດຮ້ອນ

ແລະ ຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍ ຫາ ປານກາງຢູ່ບາງທ້ອງຖິ່ນ ຫລື ເນື້ອທີ່ການປົກຫຸ້ມຂອງຝົນເທົ່າກັບ 50% ຂອງພາກ. ອຸນຫະພູມໃນລະຫວ່າງ 21 – 34 ອົງສາ.

ນະຄອນຫລວງວຽງຈັນ: ຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍ ພ້ອມມີລົມພັດແຮງເປັນບາງໂອກາດ ຫລື ເນື້ອທີ່ການປົກຫຸ້ມຂອງຝົນເທົ່າກັບ 50% .ອຸນຫະພູມໃນລະຫວ່າງ 26 – 35 ອົງສາ.

ພາກກາງ (ແຂວງວຽງຈັນ, ບໍລິຄໍາໄຊ, ຄໍາມ່ວນ ແລະ ສະຫວັນນະເຂດ): ອາກາດຮ້ອນ, ຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍຢູ່ບາງທ້ອງຖິ່ນ ຫລື ເນື້ອທີ່ການປົກຫຸ້ມຂອງຝົນເທົ່າກັບ 40% ຂອງພາກ. ອຸນຫະພູມໃນລະຫວ່າງ 21 – 36 ອົງສາ.

ແຂວງໄຊສົມບູນ: ຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍເປັນບາງໂອກາດ ຫລື ເນື້ອທີ່ການປົກຫຸ້ມຂອງຝົນເທົ່າກັບ 30% ອຸນຫະພູມໃນລະຫວ່າງ 18 – 32 ອົງສາ.

ພາກໃຕ້ (ແຂວງສາລະວັນ, ຈໍາປາສັກ, ເຊກອງ ແລະ ອັດຕະປື): ຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍ ຫາ

ປານກາງ ພ້ອມມີລົມພັດແຮງຢູ່ບາງທ້ອງຖິ່ນ ຫລື ເນື້ອທີ່ການປົກຫຸ້ມຂອງຝົນເທົ່າກັບ 50% ຂອງພາກ. ອຸນຫະພູມໃນລະຫວ່າງ 19 –35 ອົງສາ.

ສໍາລັບເຂດພູພຽງບໍລະເວນ: ອາກາດເຢັນ, ພ້ອມຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍ

#ພະຍາກອນອາກາດ ປະຈໍາວັນທີ 14 ກັນຍາ 2025, ຄວາມກົດດັນຕໍ່າຂອງອາກາດຮ້ອນຍັງຈະສືບຕໍ່ປົກຄຸມຢູ່ທົົ່ວທຸກພາກຂອງປະເທດລາວ ດ້ວຍກໍາລັງອ່ອນ, ສົມທົບກັບລົມມໍລະສຸມຕາເວັນຕົກສ່ຽງໃຕ້ພັດປົກຄຸມ, ຊຶ່ງຍັງຈະເຮັດໃຫ້ມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍໃນແຕ່ລະພາກ ແລະ ຕົກປານກາງຢູ່ບາງທ້ອງຖິ່ນ ພ້ອມມີລົມພັດແຮງເປັນບາງໂອກາດຕືຶ່ມອີກ.

ພະຍາກອນອາກາດ ແຕ່ເວລາ 07 ໂມງ ຂອງວັນທີ 14/09/2025 ຫາ ເວລາ 07 ໂມງ ຂອງວັນທີ 15/09/2025

ພາກເໜືອດ້ານຕາເວັນອອກ (ແຂວງຜົ້ງສາລີ, ຫົວພັນ ແລະ ຊຽງຂວາງ): ຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍຢູ່ທົ່ວໄປ ແລະຕົກປານກາງຢູ່ບາງທ້ອງຖິ່ນ ຫລື ເນື້ອທີ່ການປົກຫຸ້ມຂອງຝົນເທົົ່າກັບ 50% ຂອງພາກ. ອຸນຫະພູມໃນລະຫວ່າງ 17 – 29 ອົງສາ.

ພາກເໜືອດ້ານຕາເວັນຕົກ (ແຂວງຫລວງນໍ້າທາ, ບໍ່ແກ້ວ, ອຸດົມໄຊ, ຫລວງພະບາງ ແລະ ໄຊຍະບູລີ): ຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍຢູ່ທົົ່ວໄປ ແລະ ຕົກປານກາງ ພ້ອມຈະມີລົມພັດແຮງຢູ່ບາງທ້ອງຖິ່ນ ຫລື ເນື້ອທີ່ການປົກຫຸ້ມຂອງຝົນເທົົ່າກັບ 50% ຂອງພາກ

ອຸນຫະພູມໃນລະຫວ່າງ 22 – 34 ອົງສາ.

ນະຄອນຫລວງວຽງຈັນ: ຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍຢູ່ທົົ່ວໄປ ແລະຕົກປານກາງຢູ່ບາງບໍລິເວນ ຫລື ເນື້ອທີ່ການປົກຫຸ້ມຂອງຝົນເທົົ່າກັບ 50%. ອຸນຫະພູມໃນລະຫວ່າງ 25 – 34 ອົງສາ.

ພາກກາງ: ຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍຢູ່ທົົ່ວໄປ ແລະ ຕົກປານກາງ ພ້ອມມີລົມພັດແຮງຢູ່ບາງທ້ອງຖິ່ນ ຫລື ເນື້ອທີ່ການປົກຫຸ້ມຂອງຝົນເທົົ່າກັບ 60% ຂອງພາກ. ອຸນຫະພູມໃນລະຫວ່າງ 23 – 34 ອົງສາ.

ແຂວງໄຊສົມບູນ: ຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍເປັນບາງໂອກາດ ຫລື ເນື້ອທີ່ການປົກຫຸ້ມຂອງຝົນເທົົ່າກັບ 55% .ອຸນຫະພູມໃນລະຫວ່າງ 19 – 32 ອົງສາ.

ພາກໃຕ້: ຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍ ຫາ ປານກາງ ພ້ອມມີລົມພັດແຮງຢູ່ບາງທ້ອງຖິ່ນ ຫລື ເນື້ອທີ່ການປົກຫຸ້ມຂອງຝົນເທົົ່າກັບ 50%. ອຸນຫະພູມໃນລະຫວ່າງ 24 – 33 ອົງສາ.

ສໍາລັບເຂດພູພຽງບໍລະເວນ: ອາກາດເຢັນ, ພ້ອມຈະມີຝົນຕົກ ຟ້າຮ້ອງ ຟ້າເຫລື້ອມໃນລະດັບຄ່ອຍ ແລະ ມີລົມພັດແຮງເປັນບາງໂອກາດຢູ່ບາງບໍລິເວນ ຫລື ເນື້ອທີ່ການປົກຫຸ້ມຂອງຝົນເທົົ່າກັບ 50%. ອຸນຫະພູມໃນລະຫວ່າງ 15 – 29 ອົງສາ.